| |
| |
Vespers antiphon
|
Ecce dies clara
moritur qua victima sacra
palmes divinus
in vera vite quirinus
truncatus capite
summis aris tribuens se
huius pro meritis
nobis deus ingrue mitis
ut precibus sacris
penis rapiamur ab acris
|
Vespers (gospel) special antiphon
|
O rex celestis
famulis miserere scelestis
testis divini
celebremus festa quirini
cuius adoratu
cuncto nos solve reatu
mentibus ut puri
tibimet simus placituri
|
| |
Matins I
|
Christum solem iusticie
mentis contemplemur acie
qui novo mundum radio
collustravit in quirino
|
Matins antiphon 1
|
Tamquam lignum complantatum
secus decursus aquarum
in graciarum rivulis
quirinus crevit nobilis
|
Matins antiphon 2
|
Philippi imperatoris
ille filius honoris
refutavit mundi spinam
christi prendens disciplinam
|
Matins antiphon 3
|
Multi surgent tribulantes
spem salutis abnegantes
iusto fore deo suo
quem colebat corde puro
|
Matins antiphon 4
|
Invocantem exaudivit
deus et mirificavit
nocte se sacrificantem
caput neci sponte dantem
|
Matins antiphon 5
|
Per nomen admirabile
in secula laudabile
coronatus in gloria
signorum fert preconia
|
Matins antiphon 6
|
In suo templo dominus
iam omnibus debilibus
dat sanitatum munera
per eius digna merita
|
Matins respons 1
|
Instat athlete domini
dies colenda quirini
cuius quippe translacio
nobis est exultacio
|
Matins verse 1
|
Ante translacionem enim testimonium habebat placuisse domino
|
Matins respons 2
|
Hic a cesare claudio
nocte peremptus gladio
miraculorum gloria
claruit omnifaria
|
Matins verse 2
|
Quasi stella matutina
in medio nebule
|
Matins respons 3
|
Auri fossi quasi globus
octoginta in duobus
annis mansit et trecentis
tumba corporis recentis
|
Matins verse 3
|
Vere dignum per seculum
predicatur hoc stupendum miraculum
|
Matins respons 4
|
Post hoc opus nam translatum
corpus bavarisque datum
sine tabe sic est visum
velut ense iam occisum
|
Matins verse 4
|
Mirabilis deus cuius martyris depositum sine tabe
|
Matins antiphon 7
|
Martyr insuperabilis
quirine venerabilis
ad dei tabernacula
perduc nos sine macula
|
Matins antiphon 8
|
In cordis desiderio
perenni refrigerio
divini vultus gaudio
da letos sine termino
|
Matins antiphon 9
|
Mundo corde et manibus
innocens et inanibus
cultis se fuit ingerens
dei montem aggrediens
|
Matins antiphon 10
|
Ergo deus exaudivit
preces eius ut petivit
a timore inimici
animam non sinens vinci
|
Matins antiphon 11
|
In ierusalem iam votum
in sion cum hymno totum
posse sic te decet laudis
deus tuos qui exaudis
|
Matins antiphon 12
|
Floret semper quasi palma
iustus opera per alma
dei domo complantatus
in qua regnat laureatus
|
Matins respons 5
|
Regali ex progenie
vena consurgens venie
quirine celi lilium
nos duc ad dei filium
|
Matins verse 5
|
Apud quem salus veritas
perennis quoque suavitas
|
Matins respons 6
|
Fulgens lux per mundi clima
sauciati cordis zyma
purga martyr tu predigne
salvans nos a mortis igne
|
Matins verse 6
|
Cum ignoranciis delicta iuventutis
|
Matins respons 7
|
Gaude roma prole digna
parens quem per alma signa
in laude multifaria
felix tenet bavaria
|
Matins verse 7
|
Quirinum egregia
tegrinsensis ecclesia
|
Matins respons 8
|
Athleta dei quirinus
odorem quasi libanus
sue nobis noticie
manifestavit hodie
|
Matins verse 8
|
Sicut cinnamomum et balsamum aromatizans
|
Matins (gospel) special antiphon
|
Legacionem mittimus
et que pacis sunt petimus
regem nobis iusticie
placa martyr eximie
|
Matins respons 9
|
Accedunt quidam temere
sanctum corpus inspicere
qui tamquam ictu fulguris
puncto pereunt temporis
|
Matins verse 9
|
Cogitaverunt consilia que non potuerunt stabilire
|
Matins respons 10
|
Sanctum corpus ferentibus
prope litus sedentibus
quo languor omnis pellitur
fons illic dulcis oritur
|
Matins verse 10
|
Altissimus creavit de terra medicinam
|
Matins respons 11
|
Tribus hunc sacerdotibus
in tumbam summittentibus
fuso pro christi nomine
maduit adhuc sanguine
|
Matins verse 11
|
Quoniam mirificat dominus sanctum suum
|
Matins respons 12
|
O christi dilectissime
quirine beatissime
tuis instantes laudibus
tuis attolle precibus
ut translati de viciis
vite fruamur deliciis
|
Matins verse 12
|
Ipse quoque spiritus
pro nobis gemitibus
postulet inenarrabilibus
|
| |
Lauds antiphon 1
|
Profectus a iuvavia
quirini suffragia
cecus quidam experitur
cui lumen redditur
|
Lauds antiphon 2
|
Debilis quidam pedibus
fusis puella precibus
post missarum sollemnia
sana redit ad propria
|
Lauds antiphon 3
|
Quidam beati martyris
visis abbas reliquiis
quas transmittit in franciam
decidit in amenciam
|
Lauds antiphon 4
|
Pena multatus duplici
tandem voto supplici
prece saluti pristine
redditur o quirine
|
Lauds antiphon 5
|
Sine pacto nos termini
quirine martyr domini
a virtutum naufragio
tuo muni suffragio
|
Lauds respons
|
Plantatus in domo domini
quirinus ut cedrus libani
virtutum nunc floret germine
in conspectu tuo domine
|
Lauds verse
|
Quem prevenisti cum benediccionibus dulcedinis
|
Lauds (gospel) special antiphon
|
Visitavit nos dominus
cuius athleta quirinus
nostris illatus finibus
virtutum floret floribus
eius siquidem precibus
salvari nos deposcimus
|
| |
2nd Vespers antiphon 1
|
Exaltatum in gloria
per virtutum insignia
celebri hunc memoria
testem colit germania
|
2nd Vespers antiphon 2
|
Ad laudem tui militis
cuius letamur meritis
debita tibi domine
vota reddimus hodie
|
2nd Vespers antiphon 3
|
Ad dominum clamantibus
sed et te invocantibus
dona pacis diutine
nobis o martyr obtine
|
2nd Vespers antiphon 4
|
Rex qui habitas in celis
prece martyris fidelis
tu iam nostri miserere
prestans bona vite vere
|
2nd Vespers antiphon 5
|
Sustinentes te domine
tuo nos in examine
quirini patrocinio
celesti dona gaudio
|
2nd Vespers (gospel) special antiphon
|
O misericors domine
omni plenus dulcedine
tue misericordie
recordatus es hodie
dum translatum in noricas
magnifice glorificas
quirinum tuum famulum
nam ipsius ad tumulum
egri curantur ocius
unde nobis propicius
et corporis et anime
confer medelam domine
|
full office name: