| |
| |
Vespers antiphon
|
Ave dulcedo pauperum
ave coheres martyrum
ave speculum fidei
et huius festa diei
quirine martyr inclite
iubilo laudis debite
devote celebrantibus
adesto mitis omnibus
|
Vespers respons
|
Martyris tui precibus
cuius festa recolimus
tuo semper munimine
defende nos o domine
|
Vespers verse
|
Dextera tua domine
magnificata est in fortitudine
|
Vespers (gospel) special antiphon
|
Magna deum per omnia
laudum decent preconia
cuius benigna gracia
signorum efficacia
translacione corporis
sancti quirini martyris
tota florens germania
nova frequentat gaudia
ob cuius christe merita
nostra dilue debita
ut securi celestia
transeamus ad gaudia
|
| |
Matins I
|
Christum solem iusticie
mentis contemplemur acie
qui novo mundum radio
collustravit in quirino
|
Matins antiphon 1
|
Noricorum in finibus
altis orti natalibus
adalbertus eximius
floruit et otkarius
|
Matins antiphon 2
|
Hi mundi licet opibus
ubertim affluentibus
cor nolebant apponere
sed christum lucrifacere
|
Matins antiphon 3
|
Tegrinsensem iuxta lacum
divino cultui locum
ubi vident idoneum
extruunt monasterium
|
Matins antiphon 4
|
Iam dispositis omnibus
operis huius sumptibus
apostolorum limina
petunt orandi gracia
|
Matins antiphon 5
|
Quorum adventu cognito
papa letatur subito
et quam roma sustinuit
cladem eis exposuit
|
Matins antiphon 6
|
Nam illis in temporibus
peccatis exigentibus
magnum incursu gencium
pertulerat excidium
|
Matins respons 1
|
Instat athlete domini
dies colenda quirini
cuius quippe translacio
nobis est exultacio
|
Matins verse 1
|
Ante translacionem enim testimonium habebat placuisse domino
|
Matins respons 2
|
Hic a cesare claudio
nocte peremptus gladio
miraculorum gloria
claruit omnifaria
|
Matins verse 2
|
Quasi stella matutina
in medio nebule
|
Matins respons 3
|
Evolutis temporibus
elisa diris hostibus
roma gencium domina
sedebat quasi vidua
|
Matins verse 3
|
Paupercula tempestate convulsa absque ulla consolacione
|
Matins respons 4
|
Predictis ergo fratribus
romam pervenientibus
dolor et meror omnium
convertitur in gaudium
|
Matins verse 4
|
Quia consolatus est dominus populum suum
|
Matins antiphon 7
|
Qui romanis principibus
assumptis et comitibus
prosperantur in omnibus
fusis hac illac hostibus
|
Matins antiphon 8
|
Arreptis quidam navibus
maris pereunt fluctibus
nec tutus erat uspiam
locus tuendi quempiam
|
Matins antiphon 9
|
Gloriosum ex hostibus
triumphum referentibus
exultavit in gaudio
tota romana concio
|
Matins antiphon 10
|
Debitas agens gracias
advocat hos zacharias
mercedem transitoriam
donare pro victoria
|
Matins antiphon 11
|
Qui miraculis celebrem
quirinum christi martyrem
cuius famam audierant
pre omnibus desiderant
|
Matins antiphon 12
|
His auditis obstupuit
tandemque libens annuit
salubre dans consilium
romam mittendi nuncium
|
Matins respons 5
|
Igitur cum leticia
revertentes ad propria
utonem quendam eligunt
eumque romam dirigunt
|
Matins verse 5
|
Semita iusti recta est callis iusti ad ambulandum
|
Matins respons 6
|
Cuius signorum gloria
tota pollet bavaria
corpus athlete beati
noctu referunt legati
|
Matins verse 6
|
Qui non accepit in vano animam suam
|
Matins respons 7
|
Romanorum antistitis
ut instructi sunt monitis
via gaudentes alia
redeunt ab italia
|
Matins verse 7
|
Ut irent in civitatem habitacionis
|
Matins respons 8
|
Athleta dei quirinus
odorem quasi libanus
sue nobis noticie
manifestavit hodie
|
Matins verse 8
|
Sicut cinnamomum et balsamum aromatizans
|
Matins (gospel) special antiphon
|
Legacionem mittimus
et que pacis sunt petimus
regem nobis iusticie
placa martyr eximie
|
Matins respons 9
|
Accedunt quidam temere
sanctum corpus inspicere
qui tamquam ictu fulguris
puncto pereunt temporis
|
Matins verse 9
|
Cogitaverunt consilia que non potuerunt stabilire
|
Matins respons 10
|
Sanctum corpus ferentibus
prope litus sedentibus
quo languor omnis pellitur
fons illic dulcis oritur
|
Matins verse 10
|
Altissimus creavit de terra medicinam
|
Matins respons 11
|
Tribus hunc sacerdotibus
in tumbam summittentibus
fuso pro christi nomine
maduit adhuc sanguine
|
Matins verse 11
|
Quoniam mirificat dominus sanctum suum
|
Matins respons 12
|
O christi dilectissime
quirine beatissime
tuis instantes laudibus
tuis attolle precibus
ut translati de viciis
vite fruamur deliciis
|
Matins verse 12
|
Ipse quoque spiritus
pro nobis gemitibus
postulet inenarrabilibus
|
| |
Lauds antiphon 1
|
Profectus a iuvavia
quirini suffragia
cecus quidam experitur
cui lumen redditur
|
Lauds antiphon 2
|
Debilis quidam pedibus
fusis puella precibus
post missarum sollemnia
sana redit ad propria
|
Lauds antiphon 3
|
Quidam beati martyris
visis abbas reliquiis
quas transmittit in franciam
decidit in amenciam
|
Lauds antiphon 4
|
Pena multatus duplici
tandem voto supplici
prece saluti pristine
redditur o quirine
|
Lauds antiphon 5
|
Sine pacto nos termini
quirine martyr domini
a virtutum naufragio
tuo muni suffragio
|
Lauds (gospel) special antiphon
|
Visitavit nos dominus
cuius athleta quirinus
nostris illatus finibus
virtutum floret floribus
eius siquidem precibus
salvari nos deposcimus
|
| |
Prime antiphon
|
Prima dominus inclitum
stola induit quirinum
per cuius patrocinia
digna gaudet germania
|
Terce antiphon
|
Hora super nos tercia
christi redundat gracia
nam martyris egregii
festa colimus quirini
|
Sext antiphon
|
Qui cubat in meridie
dulcem noricis hodie
christus contulit patronum
sanctum scilicet quirinum
|
Nones antiphon
|
Qui pro nobis indebitum
hac hora solvit debitum
nobis isto cum martyre
mundum concedat vincere
|
| |
2nd Vespers (gospel) special antiphon
|
O misericors domine
omni plenus dulcedine
tue misericordie
recordatus es hodie
dum translatum in noricas
magnifice glorificas
quirinum tuum famulum
nam ipsius ad tumulum
egri curantur ocius
unde nobis propicius
et corporis et anime
confer medelam domine
|
full office name: