| |
| |
Vespers antiphon 1
|
Almi laudes confessoris
beati prosdocimi
resonemus cunctis horis
mente deo proximi
|
Vespers antiphon 2
|
Tanta prole fecundata
felix gaude grecia
quam ad dona deo data
petri trahunt recia
|
Vespers antiphon 3
|
O solamen miserorum
beate prosdocime
cunctas pelle sordes morum
confessorum optime
|
Vespers antiphon 4
|
Pater sancte deo care
cum prece assidua
semper christum deprecare
pro dilecta padua
|
Vespers antiphon 5
|
Obtulisti christo laudes
gerens spem de premio
unde digne tu congaudes
abrahe in gremio
|
Vespers (gospel) special antiphon
|
Gaudet chorus confessorum
aucto pro collegio
gratulatur cetus horum
nobili preconio
plaudit omnis angelorum
reverenda legio
offerens regi polorum
prosdocimum cum gaudio
|
| |
Matins I
|
Summo regi iubilemus
redemptori optimo
corde ore decantemus
beato prosdocimo
|
Matins antiphon 1
|
Generosum trahens ortum
clara de prosapia
huius vite sprevit portum
tendens ad sublimia
|
Matins antiphon 2
|
Cum optaret sequi christum
noxe pulsa macula
pertransivit mundum istum
petri cum navicula
|
Matins antiphon 3
|
Confidenter vir beatus
properat patavium
et a petro informatus
optat vite bravium
|
Matins antiphon 4
|
Paduam prosdocimus
petro missus venit
et in porta plurimos
languidos invenit
|
Matins antiphon 5
|
Cumque rex deposceret
vite sanitatem
obtinere meruit
mentis sospitatem
|
Matins antiphon 6
|
Postquam rex est illustratus
fidei mysterio
consequenter est ditatus
caste prolis premio
|
Matins respons 1
|
Hic est sacer signis clarus
beatus prosdocimus
qui existit deo carus
ei semper proximus
antiquorum confessorum
hic censetur socius
in caterva splendet quorum
velut solis radius
quo rectore quo doctore
illustratur marchia
quo congaudes tu pastore
o urbs antenoria
|
Matins verse 1
|
Sidus vere sacerdotum
lucens per illyricum
illustrasti fere totum
populum italicum
|
Matins respons 2
|
Adest hic israelita
cui christus fuit vita
optanti celestia
mentis visum christo fixit
carnem mundo crucifixit
respuens terrestria
|
Matins verse 2
|
Christum amans cuncta sprevit
mundi circumstancia
semen dei semper sevit
cum perseverancia
|
Matins respons 3
|
Dum intraret urbem regis
primo porte limite
turbam vidit sui gregis
pressam egritudine
quam sanavit lator legis
iesu christi nomine
|
Matins verse 3
|
Tunc athleta christi fretus
divo medicamine
tristes urbis tersit fletus
pio consolamine
|
Matins respons 4
|
Gaude semper et letare
urbs preclara padua
almum patrem deprecare
cum prece assidua
ut per ipsum mereare
dona celi ardua
|
Matins verse 4
|
Cui nihil in hac vita
gratum certe fuit ita
quam tua devocio
|
Matins antiphon 7
|
Verbum vite cognovisti
civitas vincencia
nam per istum effugisti
anime nocencia
|
Matins antiphon 8
|
Sanctus dei expurgavit
regni cuncta idola
verbum dei seminavit
sapiens agricola
|
Matins antiphon 9
|
Cultum dei propagavit
regni per confinia
gregem multum aggregavit
christi ad ovilia
|
Matins antiphon 10
|
Cum fecisset signum crucis
super cece oculos
introducit formam lucis
respuentem baculos
|
Matins antiphon 11
|
Mulieris manum rexit
beatus prosdocimus
ipsam sanam sursum vexit
presul devotissimus
|
Matins antiphon 12
|
Mulier tunc exclamavit
unus est altissimus
per quem solum me sanavit
beatus prosdocimus
|
Matins respons 5
|
Intuens prosdocimus
turbam infirmorum
flectit sancta genua
pro salute horum
quem exaudit pietas
domini polorum
diluens contagia
corporum et morum
|
Matins verse 5
|
Christum petit ore mente
pro salutis gracia
orat ipsum et intente
ut repellat vicia
|
Matins respons 6
|
Vir beatus cum intravit
regium cubiculum
sordes cunctas expiavit
crucis per signaculum
rex devotus effugavit
omne offendiculum
seque christo dedicavit
pium habitaculum
|
Matins verse 6
|
Protinus erigitur
rex vitalianus
ad aspectum presulis
fore christianus
|
Matins respons 7
|
Rege claro baptizato
culpas unda sustulit
et iesus ei renato
sanitatem contulit
multitudo admiratur
regis beneficio
meritoque ampliatur
fidei devocio
|
Matins verse 7
|
Statim regi adfuit
gracia divina
ex qua vere provenit
omnis medicina
|
Matins respons 8
|
Propagator veritatis
rosa fulgens pietatis
beate prosdocime
voces preces tui cleri
dirigas ad regem celi
o pater sanctissime
|
Matins verse 8
|
Pastor clemens presul pie
ad te spectat padua
ipsa colit in hac die
festa tua annua
|
Matins (gospel) special antiphon
|
Audiens vitalianus
beatum prosdocimum
elevat ad celum manus
invocans altissimum
|
Matins respons 9
|
Postquam rex est illustratus
fidei mysterio
consequenter est ditatus
caste prolis premio
quam instruxit vir beatus
sacro evangelio
|
Matins verse 9
|
Regis natam baptizavit
iesu christi nomine
quam vir sanctus appellavit
iustinam cognomine
|
Matins respons 10
|
Sancte predicacionis
facto ministerio
vir summe devocionis
redit a tarvisio
quem repleti sacris donis
ambiunt cum gaudio
|
Matins verse 10
|
Plebs fidelis colletatur
et in christo iucundatur
de pastoris reditu
|
Matins respons 11
|
Postquam cursum consummavit
almus christi villicus
portas vite penetravit
presul apostolicus
cui letus obviavit
cuneus angelicus
|
Matins verse 11
|
Corpus eius honoravit
et devote collocavit
paduanus populus
|
Matins respons 12
|
Celum petit triumphator
cum ingenti gloria
animarum illustrator
fulget in memoria
quam admittit poli sator
lucis ad pretoria
|
Matins verse 12
|
Vite cursu consummato
pergit ad etherea
hoste vadit triumphato
ad regna siderea
|
| |
Lauds antiphon 1
|
Tanta erat in hoc viro
verbi efficacia
ut infectos ritu diro
illustraret gracia
|
Lauds antiphon 2
|
Pollens mira vir beatus
animi prudencia
digne multis est prelatus
in adulescencia
|
Lauds antiphon 3
|
Stella nitens et preclara
beate prosdocime
tetra pelle lucem para
serve dei maxime
|
Lauds antiphon 4
|
Christo reddat commendatos
suis almis precibus
quos fecit esse beatos
discipline moribus
|
Lauds antiphon 5
|
In caterva confessorum
flores velut lilium
in te sibi rex celorum
fecit domicilium
|
Lauds (gospel) special antiphon
|
Claritate lucens morum
beatus prosdocimus
intrat agmen confessorum
cultor christi maximus
quem coronat rex sanctorum
vite dator optimus
|
| |
2nd Vespers (gospel) special antiphon
|
Digna coli adest dies
pio modulamine
in quo datur sancto quies
longo pro certamine
hodierna sanctus die
de mundi voragine
ductus est ad celum pie
triumphali carmine
unde nobis te rogamus
beate prosdocime
ut sis presto exoramus
pastor clementissime
|
| |
Matins respons 12.a
|
Fulgens in celestibus
gemma confessorum
agnum dei sequeris
cum cetu sanctorum
hymnum novum concinis
domino polorum
|
Matins verse 12.a
|
Almis tuis precibus
veniam implora
et pro tuis ovibus
dominum exora
ut tecum possideant
queque meliora
|
full office name: