| |
| |
Vespers (gospel) special antiphon
|
Solvat clerus cum populo
laudes pio pontifici
congratulentur proculo
cives laude multiplici
toto vite curriculo
pudico iusto simplici
qui migravit a seculo
ornatus serto triplici
|
| |
Matins I
|
Adsit dei populus
diem colens istum
in quo presul proculus
transiit ad christum
|
Matins antiphon 1
|
Festo tanti presulis
quisquis sit letatus
qui fuit ab utero
christo consecratus
|
Matins antiphon 2
|
Mandata dominice
legis adimplebat
et cultum deicole
gentis adaugebat
|
Matins antiphon 3
|
Romanam provinciam
cum suis vallavit
predicans miraculis
plebem illustravit
|
Matins antiphon 4
|
In ter annis proculus
preest vir beatus
sed tandem bononie
martyr consecratus
|
Matins antiphon 5
|
Fulgebat miraculis
mortuus et vivus
nulli fuit displicens
nemini nocivus
|
Matins antiphon 6
|
Duxit demoniacum
huic herencianus
natum sancti precibus
qui statim fuit sanus
|
Matins respons 1
|
Gratulentur
senes et populi
in honore
beati proculi
legis dei
ferventis emuli
|
Matins verse 1
|
Festum sacrum
clerus et populi
colant christi
felicis famuli
|
Matins respons 2
|
Pellit ab insano
satan sacer herenciano
fit prece curatus
sancti vir primo ligatus
christus honoratur
dum proculus hec operatur
|
Matins verse 2
|
Ceca quod implorat
cernit dum vir sacer orat
|
Matins respons 3
|
Dum oraret
in immo carceris
liberator
venit de superis
hunc dissolvens
cum sanctis ceteris
|
Matins verse 3
|
Nocte venit
angelus luminis
vinctis verba
dicens solaminis
|
Matins antiphon 7
|
Quedam ab infancia
scabris excecata
sancti fusis precibus
est illuminata
|
Matins antiphon 8
|
Huic atque ceteris
angelus illuxit
vinctis quos a carcere
solvit et eduxit
|
Matins antiphon 9
|
Morbo paralytico
sanctus ut precatur
laborans decennio
quedam liberatur
|
Matins respons 5
|
Hic surdos mutos
hic cecos curat et egros
et super afflictos
pastor pia viscera gessit
|
Matins verse 5
|
Grandis erat meriti
domini lux inclita legis
|
Matins respons 6
|
Quem accusat
detractor invidus
prope missus
excusat angelus
hinc placatur
motus eugenius
|
Matins verse 6
|
Mulgens cervam
potum sodalibus
pius pater
dat sicientibus
|
Matins (gospel) special antiphon
|
Ore corde te rogamus
cuius laudes decantamus
opem tuam senciamus
pie pater procule
dux et pastor norma morum
pro collegio tuorum
christum regem seculorum
interpella sedule
|
Matins respons 9
|
Iustus ab iniustis
dum persequitur iubet illum
apparens christus
tu bononiam modo vade
cui fidei lumen
reserans vacuabitur error
|
Matins verse 9
|
Inquit ei dominus
fili dilecte recede
bononiam tendens
reliquos ducasque fideles
|
Matins respons 10
|
Pollicetur theodonus
se baptizari protinus
si posset sanctus proculus
manum curare filii
mox sanctus ut oraverat
manus curata fuerat
que prius exaruerat
credit pater et alii
|
Matins verse 10
|
Cum adductus esset puer manum habens aridam ante virum dei oculos ad celum elevans oravit pro eo
|
Matins respons 11
|
Dum cadit hic sanctus
dolor est affliccio planctus
fiunt mira quidem
de fluxu sanguinis idem
quandam curavit
cecum cruor illuminavit
|
Matins verse 11
|
Mortuus allatus
infantulus est relevatus
|
| |
Lauds antiphon 1
|
Proculus preconiis
extollatur dignis
divulgator fidei
prudens et insignis
|
Lauds antiphon 2
|
Hic lustrans provincias
verbum vite sevit
per istum bononie
fides tandem crevit
|
Lauds antiphon 3
|
Huic quanto totilas
rex magis minatur
tanto fides publica
magis solidatur
|
Lauds antiphon 4
|
Dum flagellis ceditur
micius obedit
nec minis nec verberi
sed nec morti cedit
|
Lauds antiphon 5
|
Pie pastor procule
sis memor tuorum
quibus reconcilia
regem seculorum
|
Lauds (gospel) special antiphon
|
O qui primo nomen christi
predicasti bononie
et urbem qui convertisti
fundens fluenta gracie
sis cohorti clemens isti
et a regis iusticie
fac nos dextris prece sisti
summaque frui requie
|
| |
2nd Vespers (gospel) special antiphon
|
Pie pater preciose
predicator graciose
virgo martyr gloriose
declarator legis christi
urbem hanc quam convertisti
defendas a casu tristi
cui pacem dux implora
tu proprius pastor ora
fugans hostem mortis hora
|
full office name: