| |
| |
Vespers (gospel) special antiphon
|
Letare bohemia
iubilorum studio
patroni sollemnia
colens cum tripudio
laude multifaria
prolis contubernio
paterna commercia
extolle preconio
loci thesauraria
sacri glebe precio
dona confert varia
morbidis suffragio
ergo celi gloria
procopii premio
da intrare gaudia
tua patre previo
|
| |
Matins I
|
Regi regum iubilemus
et has laudes decantemus
propter pium procopium
nobis patrem propicium
|
Matins antiphon 1
|
Beatus vir procopius
mundum animo sollerti
vitans legis cultor pius
peciit antra deserti
|
Matins antiphon 2
|
Excelso degens in monte
iussa dei predicavit
fugans hostes crucis fronte
basilicam dedicavit
|
Matins antiphon 3
|
Caput humile extulit
signorum per miracula
neces demonum expulit
virtutum per signacula
|
Matins antiphon 4
|
Mirificavit pugilem
tribulacionis mora
letificavit vigilem
dominus in mortis hora
|
Matins antiphon 5
|
Voci eius rex intendens
scuto coronavit diro
locum triumphi impendens
gaudio vallavit miro
|
Matins respons 1
|
Quasi vitis fructifera
bohemia pullulavit
cum palmes salutifera
procopium germinavit
de quo vina letifera
rex populo propinavit
|
Matins verse 1
|
Pauper sinu pausit
sub stellato solio
aquam vivam hausit
de celesti dolio
|
Matins respons 2
|
In caverna christi servus
regulorum calcat tetra
fatigatus duce cervus
refugit tutus in petra
lassus potum petit nervus
vino cedunt aque metra
|
Matins verse 2
|
Latibuli loculo
iesus ut in cana
ostendit in poculo
signorum arcana
|
Matins respons 3
|
O procopi o vir dei
solamen desolatorum
plectendus capitis rei
stragem dum fugit tortorum
se subdit paterne legi
cum venia delictorum
|
Matins verse 3
|
Estas iter glaciem
mesto pandit fugienti
ut pharaonis faciem
mare prebet abeunti
|
Matins respons 4
|
Surge decus salutare
purga specus solitare
fulgens secus fluminare
sazawe naufragia
petunt cecus luminare
surdus mutus numinare
christo cetus ruminare
laudes per suffragia
|
Matins verse 4
|
Ordo sexus omnis etas
currunt ad paternas metas
grates deo solvunt letas
consequentes bravia
|
Matins antiphon 7
|
Ingressus sine macula
quievit in sancto monte
vir caritatis facula
dans imbrem de vite fonte
|
Matins antiphon 8
|
Vitam eternam peciit
quiescens in christi cultu
mansiones regis adiit
delectatus in eius vultu
|
Matins antiphon 9
|
Transit ethera vir de mundo
israelita sine dolo
culmen transcendens corde mundo
degit sub trinitatis polo
|
Matins antiphon 10
|
Cultor rerum omnium
intrans cum victoria
pauper gustat dominum
suavem in gloria
|
Matins antiphon 11
|
Fulgens doctorum corona
laudatur in patriis
quam confecit arte bona
assumptus in atriis
|
Matins antiphon 12
|
Caritatis in clibano
virtutes probantur alme
crescunt cedri in libano
florent ut in cades palme
|
Matins respons 5
|
Agens enoch crucis ritus
mittit vernule ad litus
navem cursu agili
quam digna res meritorum
suscitator mortuorum
fit in carne fragili
|
Matins verse 5
|
Ad glebam locatus
puer suscitatur
prior procreatus
per quem recreatur
petens voce vagili
|
Matins respons 6
|
O insignis gentis rector
tue felicis patrie
erroris patens detector
ingentis idolatrie
demoniorum eiector
vasis collator gracie
|
Matins verse 6
|
Tu errancium protector
regi nostro sis annector
hunc videre facie
|
Matins respons 7
|
Transit zelator elias
paradisi latebras
prophetat casu abdias
advenarum tenebras
tutor noster ananias
claudit lucis palpebras
|
Matins verse 7
|
Opprimentes maledicit
servorum terrestria
docens mundo valedicit
amare celestia
|
Matins respons 8
|
O sacerdotum columna
iuxta morem regis salem
verna christi et alumna
pacis nove ierusalem
offerens vinum et panem
benedictor populorum
contemnens vitam inanem
es collega angelorum
|
Matins verse 8
|
Fortis athleta domini
pulsus prece filiorum
da laudem tuo nomini
pandens his regna polorum
|
Matins (gospel) special antiphon
|
Ave mater ecclesia
tanti festa gaudii
que decorant sollemnia
merito procopii
cuius nobis auxilii
adsunt patrocinia
quem non vicerunt varii
status accidencia
|
Matins respons 9
|
Salve medice egrorum
visu lingua gressu nece
tuorum corda servorum
mundans a peccati fece
fiscellas demoniorum
tua purgans sancta prece
|
Matins verse 9
|
Te pastorem amant
oves redeuntes
te hostes inclamant
vasa exeuntes
|
Matins respons 10
|
Mittit romam rex legatos
fratres paterna ab ede
hortos virtutum rigatos
glorificare a sede
presul urbanus negratos
sentit languorum a cede
|
Matins verse 10
|
Minatur dissolvi
pater delinquentem
exclamat absolvi
facta penitentem
|
Matins respons 11
|
Spes miranda quam dedisti
mortem tuam plangentibus
dum futuram promisisti
te tribulandis fratribus
solve pater quod dixisti
nos tuis iuvans precibus
|
Matins verse 11
|
Ad te clamant filii
corde circumspecto
opem fer auxilii
doloris in lecto
|
Matins respons 12
|
Solutum granum palea
purgatum nexu luteo
de bohemorum area
infertur celi horreo
aureola virginea
fulget in sancto cuneo
|
Matins verse 12
|
Hic sidus ex superis
micans turbe generis
hostibus exuperis
fugat cultum veneris
|
| |
Lauds antiphon 1
|
Laudes iubar matutinum
regi solvat in decore
plebs omnis patrem divinum
corde extollat et ore
|
Lauds antiphon 2
|
Servivit in leticia
deo parens eius portis
quem ab omni mesticia
liberavit hora mortis
|
Lauds antiphon 3
|
Christo vigilans de luce
dextere eius adhesit
ad gloriam ipso duce
de exilio pervenit
|
Lauds antiphon 4
|
Benedicit corde humilis
deum in camino ignis
ardendo seraphim similis
caritatis fulgens signis
|
Lauds antiphon 5
|
Laudat eger dominum cetus
veniens ad tumbam sancti
sospitate remeans letus
spe cernentes gaudent cuncti
|
Lauds (gospel) special antiphon
|
Salutem ex inimicis
derelictis tribuit
gentis protector felicis
quam spe firma imbuit
cum prelatum sue vicis
quem pro eo induit
rex germanum nacione
hunc infula preferens
cui sanctus in visione
apparens nil deferens
plagat movet iussione
inde loco efferens
fuga pestem pugil bone
hostes nostros conterens
|
| |
2nd Vespers (gospel) special antiphon
|
O lumen bohemie
doctor veritatis
tu norma iusticie
lima pravitatis
rosa pudicicie
gemma castitatis
codex sapiencie
cella claritatis
instita leticie
dulcor caritatis
ora regem glorie
nostris pro peccatis
ut det donum gracie
nobis cum beatis
|
full office name: