| |
| |
Vespers antiphon
|
Presens hortatur gaudium
oris solvi silencium
privati cum sollemnia
anni reduxit orbita
|
Vespers (gospel) special antiphon
|
Eterno regi pariter
agamus omnes gracias
privati sancti martyris
adest presens sollemnitas
in festo huius militis
laudetur rex altissimus
de regis quoque laudibus
miles exultet extremus
|
| |
Matins I
|
Regi regum altissimo
laudes canamus domino
qui privatum antistitem
celi fecit participem
|
Matins antiphon 1
|
Antiquo quodam tempore
rei preerant publice
valerianus impius
et gallienus socius
|
Matins antiphon 2
|
Amborum sub imperio
exorta est sedicio
ipsorumque nequicia
confusa est ecclesia
|
Matins antiphon 3
|
Cultores dei capiunt
captos penis afficiunt
afflicti per supplicia
celi migrant ad atria
|
Matins respons 1
|
Sollemnitatem martyris
sancti privati presulis
psallamus cordis vocibus
dignis agamus laudibus
qui carnis per martyria
poli regnat in gloria
|
Matins verse 1
|
Favorem vitans populi
ante conspectum domini
studebat preces fundere
pro subditorum requie
|
Matins respons 2
|
Montis manens tugurio
orabat iugi studio
corpus domans ieiuniis
precedebat sollemniis
docere prolem subditam
rectam tenere semitam
|
Matins verse 2
|
Quam alloquens sermonibus
post peracta colloquia
grata petit latibula
vita fovet et moribus
|
Matins respons 3
|
Biennium transierat
quo plebs obsessa fuerat
cum fama prodens detulit
quod barbaros non latuit
pontificem sanctissimum
non esse inter populum
|
Matins verse 3
|
Ad exquirendum igitur
cetus malignus mittitur
privatum ut exhibeat
suisque captum proferat
|
Matins antiphon 4
|
Cornelius quidem rome
cyprianus carthagine
tunc laureati martyres
effecti vitis palmites
|
Matins antiphon 5
|
Alemannorum populus
sub croco rege positus
plures vastans provincias
urbes subintrat gallicas
|
Matins antiphon 6
|
Barbarus hostis seviens
gabalitanum irruens
parabat omnes perdere
deos nolentes colere
|
Matins respons 4
|
Privatus orans saxea
inventus est in cavea
ducitur in monticulum
mimati vico proximum
hortatur per interpretem
ad plebis interniciem
|
Matins verse 4
|
Minis monent et precibus
ut fiat hostis civibus
quos deus liberaverat
subiectas eis proferat
|
Matins respons 5
|
Sanctus presul intrepidus
sic respondit gentilibus
miror vestram prudenciam
tantam fari stulticiam
ut me dicatis perdere
quos debeo eruere
|
Matins verse 5
|
Non est dignum vel competens
ut liber fiat serviens
et que mihi consulitis
hec non sunt mei ordinis
|
Matins respons 6
|
Fustibus ergo ceditur
dehinc ad vicum ducitur
gentiles aras instruunt
que sceleratis congruunt
ut tura det demonibus
monetur vir egregius
|
Matins verse 6
|
Componunt sacrificia
legi nostre contraria
ad execrandam rabiem
invitant christi presulem
|
Matins antiphon 7
|
Christianorum populi
colentes nomen domini
gredonem montem possident
quos alemanni obsident
?Gredonem [alt: ?]
|
Matins antiphon 8
|
Quem occidebat carnifex
erat populi pontifex
privatus tunc sanctissimus
vir moribus eximius
|
Matins antiphon 9
|
Hic sedem quam habuerat
mimati iam reliquerat
rupem cavatam habitans
terrenis nullis inhians
|
Matins respons 7
|
Divina fretus gracia
privatus inquit talia
que semel dixi credite
aut quidquid vultis facite
insurgunt hostes acrius
plagis flammis ardentibus
|
Matins verse 7
|
Novo penarum genere
in patris fremunt funere
constancia pontificis
fit forcior suppliciis
|
Matins respons 8
|
Lictores lassi denique
cum nil possint proficere
sanctum privatum martyrem
relinquunt iam exanimem
pace facta cum civibus
hostilis cedit cuneus
|
Matins verse 8
|
Egressi cives protinus
patris volvuntur genibus
inflicta lambunt vulnera
oscula dant innumera
|
Matins respons 9
|
Miles christi laudabilis
privatus martyr nobilis
inter fletus plangencium
celo reddidit spiritum
quem digne sub terrenea
plebs sepelivit fovea
|
Matins verse 9
|
Carnis solutus vinculis
intercedat pro famulis
ut per ipsius merita
regnemus super sidera
|
| |
Lauds antiphon 1
|
Festum diem recolimus
quo martyr dei inclitus
post cruciatus corporis
coniunctus est celicolis
|
Lauds antiphon 2
|
Qui dum viveret seculo
deo gratus et populo
florebat eius sanctitas
carnis et mentis castitatis
|
Lauds antiphon 3
|
Gracia morum preditus
arverno fuit editus
privatus dictus nomine
privatus extans opere
|
Lauds antiphon 4
|
Sermone quidem rutilans
voce vita non discrepans
caute regebat subditos
actus frenans illicitos
|
Lauds antiphon 5
|
Sancte private domine
defende nos a crimine
ut per tua suffragia
vehamur ad celestia
|
Lauds (gospel) special antiphon
|
In laudem tanti martyris
tellus exultet et gaudiis
de cuius transitu sacro
celi letatur concio
privatus enim hodie
exuto carnis onere
supernum intrat atrium
magno ditatus munere
excipitur ab angelis
stola vestitus glorie
corona fulget aurea
que est signum victorie
|
| |
2nd Vespers (gospel) special antiphon
|
O venerande pontifex
private pater celebris
famulos tuos erue
a mundi huius tenebris
nostrorum enim premimur
peccaminum gravamine
unde tuo deposcimus
suffragari munimine
ut cum agnorum fuerit
ab hedis separacio
nos adunari facias
beatorum collegio
|
full office name: