| |
| |
Vespers antiphon
|
Preclaram nunc victoriam
preiecti et amarini
ducamus ad memoriam
qualiter divini
fervor amoris perlustravit
horum mentes et armavit
dum trucidantur bini
|
Vespers (gospel) special antiphon
|
O veraces hi patroni
speculum superni boni
vere contemplantes
ut vobiscum collocemur
et in celis gloriemur
christum exorantes
|
| |
Matins I
|
Surgite devoti
per celica gaudia moti
huius multimodas
celebrantes carminis odas
|
Matins antiphon 1
|
O predulcis amarine
tu dulciter adesto
fac gaudere sine fine
presentes tuo festo
|
Matins antiphon 2
|
Preiectus est pregnosticatus
ante matri quam natus
|
Matins antiphon 3
|
Pandit viro venerando
mater suam visionem
cui vir sanctus consolando
dat interpretacionem
|
Matins antiphon 4
|
Pia mater consolatur
dum puer pregnosticatur
|
Matins antiphon 5
|
Litterarum studio
iuvenile pectus
mentis cum tripudio
armavit preiectus
|
Matins antiphon 6
|
Studiose congestabant
litterarum voces
quos post mire erogabant
per preclaros mores
|
Matins respons 1
|
O felix societas
preiecti et amarini
quam divina pietas
coniunxit sic ut bini
pari desiderio
equali martyrio
mire coruscarent
|
Matins verse 1
|
Mentis dum sinceritatem
hostes per severitatem
dire trucidarent
|
Matins respons 2
|
Ex illustri procreatus
sanguine preiectus
deo mire inspiratus
iuvenile pectus
litterarum floribus
subegit claris moribus
|
Matins verse 2
|
Bibens corde sitibundo
ore quod post hoc facundo
distribuit maioribus
|
Matins respons 3
|
Mire fulsit hic preiectus
vir devotus et perfectus
morum venustate
sic devotus amarinus
simplex mitis et divinus
vite puritate
|
Matins verse 3
|
Erant ambo deo digni
casti fortes et benigni
pari caritate
|
Matins respons 4
|
Ad sanctorum monumenta
fiunt mirabilia
et virtutum incrementa
inenarrabilia
|
Matins verse 4
|
Cecis visus claudis gressus
surdis auditus redditur
vir illisus et obsessus
horum prece solvitur
|
Matins antiphon 7
|
Quos sincera caritas
divinitus univit
hos tortoris feritas
disiungere nequivit
|
Matins antiphon 8
|
Fulsit viris in beatis
fervor mere castitatis
|
Matins antiphon 9
|
Pari cum devocione
pari passi sunt agone
|
Matins antiphon 10
|
Amarinus est adeptus
salutis beneficium
dum preiectus est susceptus
eius ad hospicium
|
Matins antiphon 11
|
Gaudet hospes et letatur
hospitis adventu
factus sospes gratulatur
salutis obtentu
|
Matins antiphon 12
|
Amarinus dum conatur
hostes mitigare
a preiecto increpatur
dicens noli care
frater modo retardare
coronam nobis gratam
a deo preparatam
|
Matins respons 5
|
Dum preiectus est susceptus
letanter ad hospicium
amarinus est adeptus
salutis beneficium
|
Matins verse 5
|
Ex virtute iam divina
egro datur medicina
|
Matins respons 6
|
O pastores et patroni
mites et benigni
rogamus ut superni boni
non simus indigni
|
Matins verse 6
|
Sed heredes commensales
vestri simus et sodales
|
Matins respons 7
|
Dum preiectus hospitatur
apud amarinum
febri qua sollicitatur
amarinus mox curatur
virum per divinum
|
Matins verse 7
|
In quo christus collaudatur
et preiecti demonstratur
virtus eger et letatur
|
Matins respons 8
|
O stupor magne devocionis
mireque admiracionis
in sanctorum passione
qui pari devocione
mortis penas pertulerunt
et ad celos conscenderunt
|
Matins verse 8
|
Una die una hora
pari voto sine mora
coronari meruerunt
|
Matins (gospel) special antiphon
|
Prior mortis gustavit
calicem amarinus
post preiectus inclinavit
se supinus
|
Matins respons 9
|
Peracta iam legacione
preiectus cum devocione
ad sua remeavit
quo comperto amarinus
simplex velut columbinus
hunc sequi curavit
|
Matins verse 9
|
Ferventi desiderio
eius sub imperio
esse destinavit
|
Matins respons 10
|
Gaude felix civitas
plebis avernorum
in qua nunc festivitas
colitur sanctorum
preiecti et amarini
qui letanter una hora
meruerunt sine mora
coronari bini
|
Matins verse 10
|
Mundi de miseria
sublati ad etherea
|
Matins respons 11
|
O preiecte sis preiactus
velut fidus athleta
quando campus erit factus
exponetur meta
cum antiquo congressuri
hoste non simus casuri
adsis cum turba leta
|
Matins verse 11
|
Christum nobis placaturus
hostem nobis expugnaturus
|
Matins respons 12
|
O predulcis amarine
pie pastor et patrone
ora deum ne ruine
non nos tangant in agone
nomen in epenticavit
quod amarum dulcoravit
in ergo non depone
?Epenticavit [alt: ?]
|
Matins verse 12
|
Ut nomen amplificavit
litterarum quantitas
sic mentem irradiavit
virtutum pluralitas
|
| |
Lauds antiphon 1
|
O christi mira pietas
virtutum et nimietas
que fulsit in sanctorum
martyrum consorcio
quorum vera porcio
est gaudium celorum
|
Lauds antiphon 2
|
Horum desideria
cum mente devota
circa monasteria
desudabant tota
|
Lauds antiphon 3
|
Pari voto sine mora
una die una hora
morti sunt addicti
sic recenter trucidati
et ad celos sublevati
sunt martyres invicti
|
Lauds antiphon 4
|
Adsunt turbe celice
virtutes et angelice
prosequuntur
terra corpus venerandum
celum spiritum beandum
assequuntur
|
Lauds antiphon 5
|
Terre caro commendatur
spiritus vivificatur
in celesti curia
laus et honor tribuatur
christo regi ut solvatur
mencium penuria
|
Lauds (gospel) special antiphon
|
Sanctorum per suffragia
iesu christe pastor bone
mundi seda naufragia
qui potenter in agone
mortis penas pertulerunt
et eterne meruerunt
premia corone
|
| |
2nd Vespers (gospel) special antiphon
|
Presulatu sublimatur
preiectus vir divinus
regulari decoratur
honore amarinus
alter turbam clericorum
rexit alter monachorum
sic fulsit honor binus
|
full office name: