full office name: POTENTINUS (n1)
edition: AH 13 #84
calendar:June 18
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: ggfgg.i
Matins: o.v3{v3}v3{v,v,if}v3{v3}
Lauds: v5.I
2nd Vespers: .I [”]
type of saint: martyr
geographical information:Steinveld, Germany
notes:martyr
Persons: Potentinus Potentine
Places: Francie

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Laudes regi omnium
nostra harmonia
pro virorum forcium
canat agonia
Vespers antiphon 2
Isti e vestigio
christum consecuti
candidi martyrio
christum sunt induti
Vespers antiphon 3
Suum tingi sanguine
pedem gloriati
martyrum se nomine
claros arbitrati
Vespers antiphon 4
Crucis ignominiam
crucem baiulare
summam ducunt gloriam
summum triumphare
Vespers antiphon 5
Ad instar carbunculi
in rubentis populi
medio resplendet
potentinus sociis
iunctis in deliciis
ad quos non ascendet
ipsum qui non sequitur
qui pro christo moritur
christo nos commendet
Vespers (gospel) special antiphon
O martyr amabilis
laudis ineffabilis
dulcis et iucunde
martyr venerabilis
decore spectabilis
candens rubicunde
tue pater claritati
congaudemus tui nati
tuus grex et populus
potentine testis christi
fieri qui meruisti
et christi discipulus
nos post has miserias
transfer ad delicias
quas non vidit oculus
 
Matins I
Ad laudes regis omnium
letis surgamus cordibus
qui celi iunxit civibus
terreni regis filium
Matins antiphon 1
Iter fugit impiorum
potentinus naviter
et ad viam se iustorum
contulit alacriter
Matins antiphon 2
Contra sanctum astiterunt
reges patres impii
innocentem ceciderunt
tenebrarum filii
Matins antiphon 3
Ad salvantem se clamavit
amator credencium
quem clamantem liberavit
qui est salus omnium
Matins respons 1
Sanctus puer potentinus
proles regis francie
summi regis se festinus
astrinxit milicie
Matins verse 1
Vivens tamquam peregrinus
in valle miserie
Matins respons 2
Mox ut illi naturalis
adfuit discrecio
a cunctis arcens se malis
recessit a devio
Matins verse 2
In quo mire spiritalis
iam fragravit unccio
!Fragravit [alt: ?]
Matins respons 3
Iam tunc cepit confessores
fidei diligere
et ut dominis honores
devotos impendere
Matins verse 3
In sanctos cordis ardores
ostendit in opere
Matins antiphon 4
Tribulatus dilatatus
sanctus tuus domine
baptizatus est signatus
vultus tui lumine
Matins antiphon 5
Tunc magis abominatus
puer viros sanguinum
ruri manens aula natus
contemplatur dominum
Matins antiphon 6
Vere nomen tuum christe
multum admirabile
quod laudavit puer iste
vas ad psalmos habile
Matins respons 4
Parentes deorum vanis
subiugati cultibus
cedunt sanctum christianis
subditum doctoribus
Matins verse 4
Cecus furor quam immanis
in humanis cordibus
Matins respons 5
Baptizatus civitatem
quam non intrat dominus
ne videret vanitatem
dereliquit eminus
Matins verse 5
Universam pravitatem
vani mundi protinus
Matins respons 6
Lucerna tanti luminis
preclari facta nominis
nequivit latere
qui latere voluit
quamvis nolens patuit
plene mundi sphere
ad tam mire sanctitatis
virum vere probitatis
multi convenere
Matins verse 6
Eminentem in doctrina
et celesti medicina
cupidi videre
Matins antiphon 7
Arcu fracto peccatorum
pharetraque vacua
suum martyr intrat chorum
fide non ambigua
Matins antiphon 8
Montem sanctum habitabit
sanctus sine macula
et eterna triumphabit
intra tabernacula
Matins antiphon 9
In virtute iam letatur
dei martyr inclitus
salvatorem contemplatur
amatum medullitus
exulat et exaltatur
fugit dolor gemitus
ubi suos consolatur
dei unigenitus
Matins respons 7
Tandem in diaconatus
promotus officio
in pastorem est vocatus
urbi monasterio
Matins verse 7
Non elatus sed gravatus
tanto ministerio
Matins respons 8
Procedentem insectatur
patruus cum sociis
a quo sanctus trucidatur
cum duobus nunciis
Matins verse 8
Telis ense consummatur
fortis in suppliciis
Matins respons 9
O quam digne est colenda
quam devote reverenda
martyrum memoria
qui crucis christi precones
pertulere tot agones
summa cum victoria
nunc complexa manu dei
diadema speciei
deferunt in gloria
vivum novum clarum mustum
quod terrenum mutat gustum
bibunt cum leticia
Matins verse 9
De torrente qui biberunt
qui fel crucis gustaverunt
nunc in celi regia
 
Lauds antiphon 1
Viri fortes et decori
in tormentis stabiles
corregnant triumphatori
suo regi similes
Lauds antiphon 2
Domino qui servierunt
cordis in leticia
eius iam introierunt
cum hymnis in atria
Lauds antiphon 3
Deum in quem sitiverunt
toto desiderio
deum post quem adheserunt
vident nunc in gaudio
Lauds antiphon 4
Temptatoris et tortoris
superatis ignibus
benedicunt salvatoris
bonitatem laudibus
Lauds antiphon 5
Laudant dominum de celis
suis in cubilibus
liberati de querelis
et mortis doloribus
cessit hostis iam crudelis
gaudent cum gaudentibus
Lauds (gospel) special antiphon
Deus noster benedictus
quia non est derelictus
grex pusillus gracie
dum nos pie visitavit
paterne hereditavit
in valle miserie
dum hunc locum dicaverunt
dum hunc locum ditaverunt
sanctorum reliquie
de quorum presencia
in omni miseria
semper consolamur
horum per suffragia
ad eterna gaudia
leti perducamur
 
2nd Vespers (gospel) special antiphon
Dominum magnificemus
iesu nostro exultemus
totis cordis viribus
qui nostram humilitatem
respexit per pietatem
suam de celestibus
dum salvator salvatores
misit et propugnatores
fortes et propicios
nostros adversarios
qui devincunt et elidunt
dividuntque et concidunt
et reddunt inglorios
surge martyr potentine
et nos unitati trine
commenda cum sociis
ut vestris suffragiis
sanctorum conciliis
colletemur sine fine