| |
| |
Vespers antiphon
|
Gloriose pastor christi
miles invictissime
preces nostras philiberte
miserando suscipe
apud christum impetrando
nobis locum venie
|
Vespers (gospel) special antiphon
|
Pastor sancte philiberte
templum sancti spiritus
tuo pio interventu
malis ab instantibus
nos defende nostris poscens
veniam criminibus
nostras preces audi sancte
indulgendo lapsibus
|
| |
Matins I
|
Eterno regi
iubilemus corde fideli
qui celi rutilam
philibertum vexit ad aulam
|
Matins antiphon 1
|
Indole precipuus
philibertus et inclitus ortu
moribus eximiis
effulsit et actibus almis
|
Matins antiphon 2
|
Annis bis denis agili
sub dogmate sancti
milicia mundi
spreta fit vernula christi
|
Matins antiphon 3
|
Cuius in obsequio
fervebat amore superno
se domino mactans
hostem virtute triumphans
|
Matins antiphon 4
|
Cumque chirothecas
quidam sibi surripuisset
eius pro meritis
mox reddi compulit ignis
|
Matins antiphon 5
|
Extremo vite
monachus dum iura loquele
amisit
sancti meritis amissa recepit
|
Matins antiphon 6
|
Dum meterent segetes
terrentur turbine fratres
quem fusis precibus
sedavit mox philibertus
|
Matins respons 1
|
Miles christi philibertus
inclitus progenie
fulsit spei caritatis
fideique lampade
|
Matins verse 1
|
Hinc defuncto sancto patre
prelatus in ordine
|
Matins respons 2
|
Dum successit pio patri
in locum regiminis
resistentes ei dei
manus ultrix perculit
|
Matins verse 2
|
Unum morte arriana
unum ictu fulminis
|
Matins respons 3
|
Causa loci ebroino
monachus quem dirigit
febre cepit anxiari
sed saluti reddidit
|
Matins verse 3
|
Cuius iussu dolor fugit
sanitas mox rediit
|
Matins respons 4
|
Quidam silve custos equum
sancti furtim rapuit
quem divina coartatus
ulcione reddidit
|
Matins verse 4
|
Domum enim nocte suam
cremari conspiciens
|
Matins antiphon 7
|
Dum pincerna suus
crudeli morbo gravatur
in domino fisus
famulo tangendo medetur
!Tangendo [alt: ?]
|
Matins antiphon 8
|
Demone cum cepit
quidam monachus cruciari
felix confessor orando
fugavit ab illo
!Orando [alt: ?]
|
Matins antiphon 9
|
Cuiusdam casu
monachi colliditur armus
quem virtute crucis
medicus reparavit erilis
|
Matins antiphon 10
|
Solve tuis precibus
nostros philiberte reatus
ut domino digni
reddamus carmina laudis
|
Matins antiphon 11
|
Sancte dei populo
philiberte benignus adesto
nos viciis purgans
virtutum floribus ornans
|
Matins antiphon 12
|
Audi summe pater philiberti
festa colentes
nos quoque rex nostris
miserando lapsibus audi
|
Matins respons 5
|
Quadam die egrotavit
serviens languentibus
quem curavit solo iussu
sanctus dei famulus
|
Matins verse 5
|
Vade inquit sospes factus
servi egrotantibus
|
Matins respons 6
|
Cum beatus philibertus
advenisset isaram
non inventa navi poscit
domini clemenciam
|
Matins verse 6
|
Navis adest fusa prece
nullo ducta remige
|
Matins respons 7
|
Apud quandum dum matronam
mansit dei famulus
tonna vini ministratur
verum nec minuitur
?Quandum [alt: ?]
|
Matins verse 7
|
O quam mira operatur
in sanctis altissimus
|
Matins respons 8
|
Nocte quadam dum oraret
vidit quidam monachus
eius oculos duabus
similes lampadibus
|
Matins verse 8
|
Erant enim inflammati
igne sancti spiritus
|
Matins (gospel) special antiphon
|
Gemma sacerdotum
philiberte decus monachorum
christum mente pia
pro nobis sedulus ora
|
Matins respons 9
|
O divini preco verbi
pastor venerabilis
philiberte nos a cunctis
defende periculis
|
Matins verse 9
|
Nostras preces pius audi
iram placans iudicis
|
Matins respons 10
|
Audi sancte philiberte
audi nostros gemitus
intercede apud deum
nostris pro excessibus
|
Matins verse 10
|
Sancte pater te precamur
te devote poscimus
|
Matins respons 11
|
Inclite confessor
philiberte deique sacerdos
posce deum nobis
eterne dona salutis
|
Matins verse 11
|
Te nimiis precibus
pastor venerande precamur
|
Matins respons 12
|
O felicem ac beatum
pastorem ecclesie
o preclarum agonistam
celestis milicie
cui palmam iustus iudex
contulit victorie
|
Matins verse 12
|
Nobis sancte philiberte
regem placa glorie
|
| |
Lauds antiphon 1
|
O philiberte dei
sanctissime pastor ovilis
fulsisti mundo
signis nunc lumine celo
|
Lauds antiphon 2
|
Mnam tibi commissam
prudenter multiplicatam
condignam domini
meruisti laude superni
|
Lauds antiphon 3
|
Terrea sprevisti
comptus virtutibus almis
hinc merito felix celesti
luce nitescis
|
Lauds antiphon 4
|
Nomen christe tuum
per secula sit benedictum
lumine celesti
philibertum qui decorasti
|
Lauds antiphon 5
|
Ferte deo sancti devote
munia laudis
cumque philiberto precibus
nos iungito christe
&!Philiberto [alt: ?]
|
Lauds (gospel) special antiphon
|
Lux philibertus dei
radians plus sole diei
regem splendoris
contemplans omnibus horis
pro nobis vigila
pulsa bone pastor et ora
ut sine fine deum
trinum speculemur et unum
&!Philibertus [alt: ?]
|
| |
2nd Vespers antiphon
|
O decus ecclesie
miles domini philiberte
iunge tuis meritis
nos celi civibus almis
|
2nd Vespers (gospel) special antiphon
|
O quam pius es in sanctis
deus admirabilis
qui non solum philibertum
decoras miraculis
sed in celo sempiterni
claritate luminis
cuius sancti nos exaudi
te precamur meritis
protegendo ab adversis
veniam da criminis
voces quoque nostras iunge
vocibus angelicis
|
full office name: