full office name: PHARAHILDIS (n1)
edition: AH 13 #83
calendar:January 04
structure summary: Vespers: A5RE
Matins: secular
Lauds: A5E
2nd Vespers: E
poetic forms: Vespers: otosv{v}.o
Matins: v.x3{vo,vp,Vp}o3{op,Tp,ip}oso{iv,op,op}
Lauds: ovovT.o
2nd Vespers: .v [”q]
type of saint: virgin
geographical information:Ghent, Belgium
notes:virgin / feria 5
Persons: Pharahildis Theodoricus Pharahildem
Places: Lothoringie

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Virgo clemens et benigna
pharahildis laude digna
vitam duxit angelicam
Vespers antiphon 2
Ordine miro subdita viro
famula christi promeruisti
celica regna
Vespers antiphon 3
Tam in mensa quam in lecto
sub eodem eras tecto
cum marito servans florem
castitatis preter morem
Vespers antiphon 4
Ingens est miraculum
quod in presens seculum
inter tot delicias
ad celestes nupcias
aspiras tam avide
Vespers antiphon 5
Post cursum huius stadii
donum perennis bravii
inter choros virginum
tibi pater luminum
virgini constituit
Vespers respons
Igne rubus inflammatur
nec flammis inuritur
pharahildis sponso datur
nec sigillum frangitur
eius pudicicie
Vespers verse
Per ter denos annos nupta
virgo mansit incorrupta
vacans dei laudibus
Vespers (gospel) special antiphon
Alma virgo laude digna
virgo prudens et benigna
pharahildis nos exaudi
famulantes tue laudi
 
Matins I
Adoremus christum regem
cuius virgo tenens legem
pharahildis coronatur
in celesti curia
Matins antiphon 1
Virgo de genere
regali genita
divino munere
libens est subdita
christo pharahildis
Matins antiphon 2
Rex lothoringie
inclitus floruit
magne potencie
quamdiu viguit
theodoricus
Matins antiphon 3
Coniugem habuit
de stirpe nobili
vixerunt pariter
vita laudabili
deo servientes
Matins respons 1
Immortali sponso iuncta
pharahildis sprevit cuncta
que marcescunt tamquam fenum
ut flos agri transeunt
Matins verse 1
Affluentes divicias
et regales delicias
sponsa christi respuebat
Matins respons 2
In etate puerili
scholis datur sed senili
mente deum retractando
suspirans proferebat
Matins verse 2
Concupivit anima mea desiderare iustificaciones tuas in omni tempore
Matins respons 3
Deo cui se subegit
votum vovit nec infregit
virginalem
ei florem
presentare studuit
Matins verse 3
Adiuvabit eam deus vulto suo deus in medio eius non commovebitur
Matins antiphon 4
Iuventutis sue florem
atterebat ob amorem
iesu christi quem tenere
videbatur diligere
Matins antiphon 5
Asper erat ei lectus
sacrum crebro tundens pectus
patrem superni luminis
mens exorabat virginis
Matins antiphon 6
Cum annorum ter denorum
esset mater egenorum
nolens a patre cogitur
sponsoque duci iungitur
Matins respons 4
Pharahildis fit ducissa
dei ductu non remissa
sed affluens deliciis
domabat se ieiuniis
Matins verse 4
Annulo christi subarrhata non terrenis opibus inhiabat
Matins respons 5
Mentem eius
cantus neque lyre
nullo modo
valent delenire
mente secum
tractat sollicita
ut que novit
persolvat debita
Matins verse 5
Timete dominum omnes sancti eius quoniam non est inopia timentibus eum
Matins respons 6
Clam introrsus est inclusa
flectit genu prece fusa
rogat deum devoto gemitu
ne virili turbetur coitu
Matins verse 6
Exaudivit deprecacionem eius dominus dominus racionem eius suscepit
Matins antiphon 7
In etate iam nubili
duci iuncta est nobili
sed castitatis lilium
non perdit hoc coniugium
Matins antiphon 8
Gracias in termino
virgo refert domino
dum intacta permanet
Matins antiphon 9
Virgo facta liberior
vota persolvit libera
egenisque propensior
larga profudit munera
Matins respons 7
Sponsa duci federata
propter christum penis data
que vel quanta
ferat conqueritur
Matins verse 7
Quocirca dux
languore premitur
Matins respons 8
In labentis vite pyrgo
suscitasti ganzam virgo
ceco visum gressum claudis
dans in signum tue laudis
?Ganzam [alt: ?]
Matins verse 8
In multitudine electorum habebis laudem que per christum talia operaris
Matins respons 9
Pharahildis duci nupta
virgo mansit incorrupta
sex lustrorum spacio
hinc ad christum quem amavit
vite sue transmigravit
anno nonagenario
Matins verse 9
Ad sponsum suum christum in quem credidit quem dilexit quem semper optavit
 
Lauds antiphon 1
Pharahildis frequens orat
templa visat dux explorat
quo se vertat quid agatur
redit virgo verberatur
Lauds antiphon 2
Flagellat ducem dominus
propte commissum facinus
nec ipse corrigitur
Lauds antiphon 3
Silvam causa spaciandi
dux perlustrat et venandi
lora laxat equus cadit
fractis membris vix evadit
Lauds antiphon 4
Sanat eum parcens reo
sed ignorat reus deo
gracias impendere
Lauds antiphon 5
Pharahildem
sex lustris tenuit
sed cum ea
numquam rem habuit
ter denos ter
annos compleverat
virgo mansit
solvens quod voverat
Lauds (gospel) special antiphon
Christi sequens vestigia
sanctis exculpta moribus
stirpe precellis regia
velut luna sideribus
 
2nd Vespers (gospel) special antiphon
Virgo pia pharahildis
que cum celi civibus
heres facta paradisi
gaudes in celestibus
nostri pie memor esto
et pro nobis supplicans
impetrato veniam
et vitam perpetuam