| |
| |
Vespers (gospel) special antiphon
|
O gloriosum lumen
omnium ecclesiarium
o vere apostolicum
sidus altissimum
sancte paule
qui eterni solis
splendorem tenebris
gencium infudisti
qui in terra positus
celorum secreta petisti
et que non licent homini
loqui previdisti
illuc supplices tuos
post huius carnis terminum
perducere dignare
quos fecisti veritatis
lumen agnoscere
?Ecclesiarium [alt: ?]
|
| |
Matins I
|
Surgite cantemus
et corde pio vigilemus
cum paulo magno
iungi mereamur ut agno
|
Matins antiphon 1
|
Cum esset paulus parvulus
cogitabat ut parvulus
peregit puerilia
non opera virilia
|
Matins antiphon 2
|
Dum lapidatur stephanus
saulus adulescentulus
custodit vestes testium
martyrem lapidancium
|
Matins antiphon 3
|
Protomartyr stephanus
orat et eius precibus
iesus christus stravit saulum
et erexit sanctum paulum
|
Matins respons 1
|
Paulus nobilis genere
civis fuit hierosolymitanus
nimis potens
et sublimis urbanus
|
Matins verse 1
|
Dilexit maliciam super benignitatem
et iniquitatem magis quam loqui equitatem
|
Matins respons 2
|
Saulus adhuc spirans minarum
propter cedem christicolarum
a summis petit epistolas
in damascum ad synagogas
|
Matins verse 2
|
Sedet in insidiis cum divitibus ut interficiat innocentem
|
Matins respons 3
|
Cum accepisset potestatem
et satellitum facultatem
quasi leo rugiens
capere fideles cupiens
|
Matins verse 3
|
Iniquitatem meditatus est in cubili suo astitit omni vie non bone
|
Matins antiphon 4
|
Cum appropinquaret damasco
venit de celo lux subito
saulus in magna sevicia
prostratus est virtute celica
|
Matins antiphon 5
|
Comitatus stans tristis nimium
audit dicentem dominum
saule saule
quid me persequeris
durum est tibi
recalcitrare stimulis
|
Matins antiphon 6
|
Assistentes
vocem audientes
sed penitus
neminem videntes
timore concussi
circumstabant
quid facturi essent
ignorabant
|
Matins respons 4
|
Respondit saulus trepide
quis es tu domine
ego sum iesu
quem tu persequeris
o domine
dic mihi quid precipis
|
Matins verse 4
|
Desine ab ira et derelinque furorem noli emulari ne maligneris
?Eumulari [alt: v]
|
Matins respons 5
|
Surge ait ad illum dominus
visita damascum cicius
domum iude ingredere
ibi scies quid te oporteat facere
|
Matins verse 5
|
Declina a malo et fac bonum inquire pacem et persequere eam
|
Matins respons 6
|
Viatores saulum acceperunt
et in domum
iude perduxerunt
apertis oculis nihil vidit
et non manducavit neque bibit
|
Matins verse 6
|
Cibavit eum dominus manna vite qui de petra melle multos saciavit
|
Matins antiphon 7
|
Ad ananiam ait dominus
surge et vade quantocius
in vico recto saulum quere
ecce enim orat vere
|
Matins antiphon 8
|
Timens visitare sevissimum
ananias ait ad dominum
vir iste querit tuos capere
et in ierusalem perducere
|
Matins antiphon 9
|
Hic habet potestatem
alligandi
et credentes male tractandi
ut lupus rapax
querit dispergere
gregem dominicum et occidere
|
Matins respons 7
|
Vade ait dominus
et noli tardare amplius
quia vas est mihi eleccionis
qui fuit filius perdicionis
predicabit nomen
meum emmanuel
gentibus et regibus
et filiis israel
|
Matins verse 7
|
Annunciabit nomen domini in sion et laudem eius in ierusalem
|
Matins respons 8
|
Ananias dum intravit
saulum fratrem appellavit
dicens iesus
christus qui te stravit
via hac mihi mandavit
ut imponam tibi manus
ut per eum fias sanus
|
Matins verse 8
|
Accipe benediccionem a domino et misericordiam a deo salutari tuo
|
Matins respons 9
|
Dum imponit illi manus
surgit paulus et fit sanus
mox sancti spiritus gracia
replevit eum et postea
a propheta baptizatur
et per cibum confortatur
|
Matins verse 9
|
Memoriam fecit mirabilium suorum misericors et miserator dominus escam dedit timentibus se
|
| |
Lauds antiphon 1
|
Post conversionem
in damasco habitabat
cum discipulis
et confidenter predicabat
christum natum incarnatum
ex maria virgine
crucifixum et damnatum
pro suorum crimine
|
Lauds antiphon 2
|
Hanc doctrinam audientes
stupefacti et dicentes
nonne vir iste
illum impugnabat
qui nomen christi invocabat
|
Lauds antiphon 3
|
Saulus nimis convalescebat
et iudeos confundebat
cum grecis et gentibus disputabat
fideles et credentes confortabat
|
Lauds antiphon 4
|
Synagoga querebat capere
vas electum et interficere
sed summissus
per murum a fratribus
venit hierosolymam
quantocius
|
Lauds antiphon 5
|
Barnabas discipulus omnibus
narravit quod
egisset dominus
hi iam non timentes crediderunt
et benigne eum susceperunt
|
Lauds (gospel) special antiphon
|
O oriens ex alto
nos illumina
et sedentes in umbra
mortis visita
et pedes nostros
de valle miserie
ad verum montem
cum pace dirige
per sancti pauli
apostoli merita
da nobis iesu christe
summa gaudia
|
| |
2nd Vespers (gospel) special antiphon
|
In paulo prophecia est impleta
qua predixit
patriarcha et propheta
beniamin erit lupus rapax
et in preda nimis capax
mane comedet prohibita
et sero dividet spolia
in sancta ecclesia
per sacra officia
|
full office name: