| |
| |
Vespers antiphon
|
Militans christo ecclesia
ducat cum triumphante gaudia
auget nam numerum
supernorum
odulphus coheres sanctorum
pro meritis laborum
possidens portas
inimicorum suorum
|
Vespers respons
|
Miles christi gloriose
odulphe sanctissime
tuo pio interventu
culpas nostras ablue
|
Vespers verse
|
Ut celestis regni sedem
valeamus scandere
|
Vespers (gospel) special antiphon
|
Confessor domini odulphus
summi preco
regis constantissimus
in celestibus regnis fruitur
gloria lucis perpetue
quam mundo lucerna
indeficiens verbo
ministravit et opere
sacerdos dei odulphe
pro nobis miseris intercede
ut et nos tuo
pertingamus suffragio
quo te veritatis
perduxit confessio
|
| |
Matins I
|
Iubilemus deo
nostro salutari
cui odulphus gaudet
eternum modulari
|
Matins antiphon 1
|
Clara fudit prosapia
odulphum confessorem
laturum suo generi
permaximum decorem
|
Matins antiphon 2
|
Renatum aqua et spiritu
prevenit diva gracia
per quam proficiebat
etate et sapiencia
|
Matins antiphon 3
|
Datur puerulus
litteris doctum iri
infunditur desursum
a patre luminum
ingenii acumen miri
|
Matins respons 1
|
Celto genere oriundus
mente et actu mundus
ornavit puericiam
odulphus
per morum graciam
|
Matins verse 1
|
Serviturus domino in sanctitate et iusticia coram ipso
|
Matins respons 2
|
Felices progenitores
tante prolis
tantam prolem
tradunt scholis
elementa litterarum
perdocetur flos scholarum
|
Matins verse 2
|
Optavit et datus est ei sensus venit in illum spiritus sapiencie
|
Matins respons 3
|
Angelus per visum
affatur dei virum
in traiectum propere
frederico
presuli coniungere
|
Matins verse 3
|
Cum sancto sanctus eris
et cum innocente innocens eris
|
Matins antiphon 4
|
Prerogativa intellectus
morum trames simplex et rectus
miraculum prebebat
samuelis instar preferebat
|
Matins antiphon 5
|
Minor in effectu
maior in affectu
portendebat quid ageret
iuventa cum succederet
|
Matins antiphon 6
|
Induit benediccionem
per ordinum imposicionem
donec fuit sublimatus
gradu presbyteratus
|
Matins respons 4
|
Odulphus lampas cleri
sors ipse et pars dei
iam maturior evi
post gradum levi
sacratur immolare
sacrum immortale
|
Matins verse 4
|
Sanctus innocens impollutus segregatus a peccatoribus
|
Matins respons 5
|
Posthabuit quod habuit
spe eternorum
odulphus currens viam
dei mandatorum
|
Matins verse 5
|
Non abiit in consilio impiorum et in via peccatorum non stetit
|
Matins respons 6
|
Extincto contumace
qui sprevit presulatum
statuit odulphum
presulem probatum
|
Matins verse 6
|
Quia beneplacitum est domino in populo suo
|
Matins antiphon 7
|
A roma post angelicum
odulphus ad fredericum
electus ad electum
pervenit traiectum
|
Matins antiphon 8
|
Flos cleri traiectensis
virtutibus vernat immensis
filius bodgysi
hospes in mundo
heres paradisi
|
Matins antiphon 9
|
Ignis absumens cellam
baculum et tabellam
non lesit confessoris
ministrans ventum roris
|
Matins respons 7
|
Variis donis
superne infusionis
amor salvatoris
ditavit mentem confessoris
|
Matins verse 7
|
Timor domini sanctus permanens in seculum seculi
|
Matins respons 8
|
Laborum dura series
corone fit materies
odulphum deus coronavit
nam legitime certavit
|
Matins verse 8
|
Iudicabit naciones et dominabitur populis
|
Matins respons 9
|
O patrone odulphe obtine
nos deo et tibi digne famulari
ut euge dominicum
promereamur
quicumque tua festa veneramur
|
Matins verse 9
|
Cum dominus venerit racionem
ponere cum servis
tuis pater succurre catervis
|
| |
Lauds antiphon 1
|
Recessurus a frisia
verbi sator inculcat
plebi verbum fidei
legem immaculatam dei
|
Lauds antiphon 2
|
Scitote inquit imminere
dies calamitatis et miserie
dies ulcionum
tempus retribucionum
|
Lauds antiphon 3
|
Surget gens contra gentem
adducet dominus
populum malleum
vestre terre
vectem conterentem
|
Lauds antiphon 4
|
Dum lapis hic emerserit
qui se undis immerget
ilico pax bellorum
sanguinem absterget
|
Lauds antiphon 5
|
Evenerunt singula
que predixit odulphus
os presagum sancti spiritus
vates frisonum inclitus
|
Lauds (gospel) special antiphon
|
Super lectum doloris
languebant membra
confessoris
vocacione dei exitum mortis
operiebatur anima fortis
post sumptam eucharistiam
exul mundi
intrat celestem patriam
|
| |
2nd Vespers (gospel) special antiphon
|
Assumpta odulphi anima
assumpcionis fulsere indicia
nam hausere nares superstitum
odorem insolitum
odorem unguentorum
de nectare angelorum
|
2nd Vespers $
|
Odulphi intercessio
nostra sit tutela
in pace et in prelio
ad repellenda tela
hominum et demonum
|
| |
Q respons 1
|
Petre summerse
et emergentis per se
odulphus miraculo
futura signavit populo
|
Q verse 1
|
Plenus fide et spiritu sancto
|
Q respons 2
|
Ad decessum viri dei
adfuere angeli
quod probavit odor suavitatis
artubus exanimatis
|
Q verse 2
|
Murra et gutta et casia a vestimentis suis
|
full office name: