| |
| |
Vespers antiphon 1
|
Christus dei patris
sedens in dextera
ruinas adimplet
sanctorum caterva
nicolaum locans
inter hec agmina
|
Vespers antiphon 2
|
Fidelia domini
mandata servanti
bonus intellectus
atque timor sanctus
sapiencie fons
perpetuo adsunt
et apud homines
constans laudacio
|
Vespers antiphon 3
|
Timenti dominum
cuncta prosperantur
eiusque sermones
iuste disponuntur
et anima sancta
luce radiatur
|
Vespers antiphon 4
|
Puer deum laudat
affectu non parvo
in astris habitans
respicit de throno
humilem servulum
et cum principibus
collocat in celo
|
Vespers antiphon 5
|
Laudent omnes gentes
deum creatorem
cuius veritatem
eternum mansuram
nicolaus monstrat
in se confirmatam
|
Vespers (gospel) special antiphon
|
Adest dies celebris
letus et preclarus
quo gaudet cum angelis
sanctus nicolaus
o suavis cellula
mire pigmentata
o celestis gemmula
luce radiata
nos in hoc exilio
refove clamantes
et tetris illumina
tenebris errantes
ut nostra precordia
magnificent deum
et iugi concordia
exultent in eum
|
| |
Matins I
|
Christum regem adoremus
confessorum premium
qui beato nicolao
dat perenne gaudium
|
Matins antiphon 1
|
Tamquam lignum plantatum
ad aquarum decursum
nicolaus affert fructum
suum temporaneum
|
Matins antiphon 2
|
Pii patris disciplinam
filius amplectitur
divinam evitans iram
qua superbus plectitur
|
Matins antiphon 3
|
Hic in se insurgencium
superat vim demonium
dum clamore pulsat deum
adiutorem hominum
|
Matins respons 1
|
Huius servi domino
devoti parentes
nicolai presulis
limina visentes
in eius basilica
vota persolventes
divina suscipiunt
munera gaudentes
|
Matins verse 1
|
Nam his sanctus pontifex
spondet nasciturum
nicolaum filium
beatum futurum
|
Matins respons 2
|
Corpore iuvenculus
mente nitens cana
despicit hoc seculum
atque cuncta vana
suscipitque regulam
patris augustini
et flagrat incendiis
amoris divini
|
Matins verse 2
|
Crescit charismatibus
dum crescit etate
sancta tegit opera
sub humilitate
|
Matins respons 3
|
Carnis petulanciam
vir dei castigat
sibi quoque moritur
ut iam christo vivat
animalis hominis
odit vetustatem
et sanctam amplectitur
vite novitatem
|
Matins verse 3
|
Ovis atque carnibus
edens privat gustum
et ieiunans graditur
per iter angustum
|
Matins antiphon 4
|
Invocatum ipse deum
habuit amabilem
et excelsum fecit eum
cunctisque spectabilem
|
Matins antiphon 5
|
Scuto bone voluntatis
premunitus iacula
non timet malignitatis
iustus sine macula
|
Matins antiphon 6
|
Qui solem lunam et stellas
lumine prefulgidas
firmamentumque fundavit
nicolaum coronavit
|
Matins respons 4
|
Nocturnas excubias
vigil observabat
et deum gemitibus
piis exorabat
quibus eius anima
sancta pascebatur
donec in exilio
mundi morabatur
|
Matins verse 4
|
Nulla nam adversitas
vim eius frangebat
mentis nec elacio
ipsum extollebat
|
Matins respons 5
|
Magnitudo meriti
ne sanctum extollat
belial sevissimus
eum colaphizat
sed pugil fortissimus
dum in deo sperat
suum parat animum
ut adversa ferat
|
Matins verse 5
|
Ait demon actibus
tuis adversabor
et quam queris gloriam
auferre conabor
|
Matins respons 6
|
Nicolaus spiritu
plenus pietate
revocavit plurimos
ab iniquitate
quorum noxa flebiles
simul ipse flebat
et ad penitenciam
ipsos invitabat
|
Matins verse 6
|
Nam misericordia
superabundabat
qua virtute miseros
quosque confortabat
|
Matins antiphon 7
|
Olim transiens colonus
huius mali seculi
effectus est habitator
dei tabernaculi
|
Matins antiphon 8
|
Vita vivit quam pertulit
mentis desiderio
nam quod speravit accepit
in eterno gaudio
|
Matins antiphon 9
|
Nicolaus hic ascendit
in montem sanctum domini
quia innocens manibus
et mundo corde fuit
|
Matins respons 7
|
Vitam atque merita
mira probant signa
que vivus et defunctus
fecit laude digna
per hunc christus liberat
languoribus fessos
leprosos et naufragos
vinctos et obsessos
|
Matins verse 7
|
Reddit vitam mortuis
et loquelam mutis
lumen cecis et claudis
gressum auditum surdis
|
Matins respons 8
|
Dum decumbens lectulo
senex egrotavit
corpus terre spiritum
patri commendavit
cuius dies ultimus
dies est natalis
cuius mortis exitus
factus est vitalis
|
Matins verse 8
|
Gaude tanto pignore
marchia dotata
et plaude religio
sancto decorata
|
Matins respons 9
|
Nicolaus possidet
iam regna celorum
quem honorant agmina
cuncta beatorum
o pater sanctissime
supplices emenda
et oracionibus
nos christo commenda
|
Matins verse 9
|
Tu felix nos miseros
suspirantes audi
tu gaudens in gloria
flebiles exaudi
|
| |
Lauds antiphon 1
|
Nimis credibilia
reddit testimonia
nicolaus christo
in sanctis mirabili
nobisque laudabili
sed corde non ficto
|
Lauds antiphon 2
|
Intravit in atria
domini cum gloria
almus hic confessor
ubi letus iubilat
et serenus rutilat
noster intercessor
|
Lauds antiphon 3
|
Quod in terra arida
mente nimis avida
diu iam sitivit
corde iucundissimo
et haustu plenissimo
sine fine bibit
|
Lauds antiphon 4
|
Patrem natum spiritum
verum deum unicum
omni creature
nicolaus predicat
dum tot signis indicat
spem vite future
|
Lauds antiphon 5
|
Cuncta visibilia
et invisibilia
laudent creatorem
qui tot mirabilia
fecit et prodigia
per hunc confessorem
|
Lauds (gospel) special antiphon
|
Dum instaret ultimus
huius vite terminus
ait vir beatus
ecce fratres advenit
et nunc mihi subvenit
christus invocatus
dicens ut in gaudium
intrem post exilium
mei incolatus
et sic ad convivium
supernorum civium
scandit coronatus
nicolaus inclitus
ut sit noster celitus
pius advocatus
|
| |
2nd Vespers (gospel) special antiphon
|
O vir ineffabilis
lux eremitarum
educ de periculis
harum tenebrarum
quos circumdat flebilis
limus erumnarum
ut cum sanctis omnibus
tibi gratulemur
et eternis seculis
christo colletemur
|
| |
Matins antiphon .a
|
Inter stellas quas fundasti
susceptivas glorie
iesu christe numerasti
nicolaum hodie
|
full office name: