| |
| |
Vespers antiphon 1
|
Sacris duxit originem
nicolaus parentibus
sanctitatis imaginem
servans a puerilibus
|
Vespers antiphon 2
|
Ortus sui prima die
rectus stetit in pedibus
quarta et sexta semel pie
matris fotus uberibus
|
Vespers antiphon 3
|
Sanctus redemit virginum
trium turpem infamiam
clam nolens laudes hominum
auri donando copiam
|
Vespers antiphon 4
|
Divina providencia
nicolaus almificus
ponitur in ecclesia
episcopus mirificus
|
Vespers (gospel) special antiphon
|
Veneremur inclita
nicolai merita
qui a puericia
plenus sapiencia
sanctitatis fuit norma
caritatis vere forma
ut sit nobis propicius
per eum dei filius
|
| |
Matins I
|
Summum regem adoremus
hymnis votis honoremus
qui nicolaum hodie
stola dotavit glorie
|
Matins antiphon 1
|
Ortus ex venerabili
nicolaus progenie
proposuit amabili
vacare sapiencie
|
Matins antiphon 2
|
Primo die quo nascitur
in pedibus erigitur
sanctitatis presagium
future mox indicium
|
Matins antiphon 3
|
Vitam continencie
inde genitores
eligunt modestie
vere sectatores
|
Matins antiphon 4
|
Semel lac sanctus sugebat
quarta cum sexta feria
sanccior semper fiebat
divina plenus gracia
|
Matins antiphon 5
|
Iuvenum lascivias
iuvenis vitabat
pocius ecclesias
vigil visitabat
|
Matins antiphon 6
|
Scripturarum memoriter
audita retinebat
que postmodum viriliter
servare cupiebat
|
Matins respons 1
|
Defunctis parentibus
cepit cogitare
diviciarum copiam
in pauperum inopiam
velle erogare
spretis vanis laudibus
|
Matins verse 1
|
Thesaurizare studuit
ut dominus consuluit
in celorum edibus
|
Matins respons 2
|
Servus fidelis domini
vicino sibi homini
aurum cepit porrigere
tres putanti filias
ad humanas infamias
pro paupertate tradere
|
Matins verse 2
|
Aurum proiecit tercio
ne virgines commercio
turpi cogatur ponere
|
Matins respons 3
|
Ignarus tanti muneris
quis esset auctor operis
horam cepit custodire
gratus volens caute scire
virum tante clemencie
|
Matins verse 3
|
Custodiens vigilias
homo paterfamilias
invenit noctis tercie
virum tante clemencie
|
Matins respons 4
|
Clero tocius civitatis
pro pastore congregatis
monstrat eligendum
divina providencia
quem morum pudicicia
facit reverendum
|
Matins verse 4
|
Vox emissa celitus
nicolaum penitus
docet promovendum
|
Matins antiphon 7
|
Ut visio docuit
nocte venientem
presulem constituit
clerus renitentem
|
Matins antiphon 8
|
Cathedram superbie
fugit sublimatus
private modestie
statum meditatus
|
Matins antiphon 9
|
Humilis erat doctrine
quam inspirabat unccio
sancte dator discipline
que competebat vicio
|
Matins antiphon 10
|
Caritatis operum
sectator studiosus
pater erat pauperum
ut presul gloriosus
|
Matins antiphon 11
|
Vitabat colloquia
cuiuscumque vanitatis
risum sapiencia
lesiva puritatis
|
Matins antiphon 12
|
Vitam sine macula
pontifex ducebat
celi tabernacula
quia siciebat
|
Matins respons 5
|
Nautis pereuntibus
iam prope naufragium
certum moriendi
adest invocantibus
tribuens auxilium
firmum evadendi
|
Matins verse 5
|
Apparentem dei virum
cognoverunt spem niminum
donantem se petendi
?Niminum [alt: ?]
|
Matins respons 6
|
Dura fames perculit
viri dei provinciam
nicolaus repulit
tante pestis miseriam
multiplicando triticum
|
Matins verse 6
|
Annis duobus nemini
defecit cibus semini
omni collatum homini
|
Matins respons 7
|
Demonis prestigium
ne possit offendere
docet navigantes
tale hic preludium
oleum effundere
viros ignorantes
|
Matins verse 7
|
Demon ut disparuit
nicolaus adfuit
illos sic admonuit
|
Matins respons 8
|
Scholares tres hospicio
susceptos ferit gladio
hospes per avariciam
libros putans pecuniam
noctis intra silencium
|
Matins verse 8
|
Suscitans hos benigne
increpans virum digne
criminis tanti conscium
|
Matins (gospel) special antiphon
|
Narrat omnis ecclesia
qua pater providencia
vacavit sapiencie
thesauris non pecunie
|
Matins respons 9
|
Nullius noxe conscios
eripuit tres anxios
velatos stantes capite
ligatos flexo poplite
|
Matins verse 9
|
Nicolaus iusticie
zelo datos sentencie
liberavit indebite
|
Matins respons 10
|
Peregrini fastigium
assumendo demonium
occidit patris filium
celebrantis convivium
nicolai sollemniis
|
Matins verse 10
|
Mox viventem genitoris
patri reddit ne doloris
fatigetur suspiriis
|
Matins respons 11
|
Falso lese maiestatis
carceratos infamia
sue sanctus pietatis
liberavit clemencia
|
Matins verse 11
|
Monet iudicem immunes
ut dimittat hos impunes
minis duris per somnia
|
Matins respons 12
|
Coronandus ad gloriam
angelos habet obviam
a quibus introducitur
intra fidelis gaudium
tibi paratum premium
|
Matins verse 12
|
Orans sanctus decantavit
in te domine speravit
meum cor sic expiravit
|
| |
Lauds antiphon
|
In celi tabernaculis
refulget sanctus gloria
gloriosus miraculis
coruscat in ecclesia
|
Lauds (gospel) special antiphon
|
Sancti patris pauperum
signorum innumerum
olei manacio
est nota declaracio
desudans ex ossibus
cunctos curat languoribus
|
| |
Prime antiphon
|
Reddit vite vita functum
iacentem in bivio
curru tritum corpus cunctum
perditum periurio
|
Terce antiphon
|
Consolatur patrem mestum
annuum colentem festum
filium a deo datum
sibi reddens captivatum
|
Sext antiphon
|
Fures cogit reddere
imagini que tulerant
quorum dato verbere
afflicta membra fuerant
|
Nones antiphon
|
Vir de clara progenie
vas aureum ecclesie
vovit sibi votum gratum
si donaverit optatum
|
| |
2nd Vespers (gospel) special antiphon
|
Felix pater graciarum
nicole variarum
dona prestans cecis visum
functis vitam mestis risum
tua prece nobis dona
ut devicta carnis trabe
transeamus sine labe
ad celestis vite bona
|
full office name: