| |
| |
Vespers (gospel) special antiphon
|
Ave martyr insignis nicasi
ave magni comes dionysii
ave viva christi hostia
tua venerantibus patrocinia
impetrata
non denega suffragia
|
| |
Matins I
|
Adoretur flos marie
rex celestis curie
qui militem suum nicasium
iure ab arvis
sublimavit ad celum
|
Matins antiphon 1
|
Miles christi nicasius
celis et arvis splendidus
pape clementis monitu
gallos ovans aggreditur
|
Matins antiphon 2
|
Sancto dionysio
comes factus itineris
ad predicandum populis
agit vota pontificis
|
Matins antiphon 3
|
Tandem pape imperio
pede feruntur concito
et cum multis fidelibus
advenerunt parisius
|
Matins antiphon 4
|
Cumque ministri domini
verbum darent in populis
undecumque non modica
dei fantur magnalia
|
Matins antiphon 5
|
Concursu plebis propero
deus pater et filius
simulque sanctus spiritus
letabatur unus deus
|
Matins antiphon 6
|
Ecce repente monitus
per spiritum nicasius
cum duobus discipulis
rotomagum expeciit
|
Matins respons 1
|
Postquam virtus altissimi
mundo celitus claruit
planum iter iusticie
multis per orbem floruit
|
Matins verse 1
|
Cumque salutaris fama crebresceret in nomine domini iesu christi
|
Matins respons 2
|
Sanctus igitur nicasius
cum beato dionysio
a partibus italie
sedes expetens gallie
francorum nobilissimam
urbem intrat luteciam
|
Matins verse 2
|
Divino vallati adiutorio verbum vite denunciantes
|
Matins respons 3
|
Christi miles nicasius
videns multos concurrere
ad sacramenta fidei
valefactis confratribus
neustriam petit ocius
|
Matins verse 3
|
Trinitatis prospicue
animatus maiestate
cum duobus fratribus
|
Matins respons 4
|
O martyr christe nicasi
magne patrone meritis
mirande signorum virtute
clare audi voces nostras
coram te fusas et fac nos
eternali choro iungi
|
Matins verse 4
|
Precibus ergo
sanctis adesto
calamitatibus
quibus gravamur
|
Matins antiphon 7
|
His in locis dum predicat
oves christi multiplicat
ac perfidorum rabiem
fonte salutis enecat
|
Matins antiphon 8
|
Illis nempe in partibus
necdum regnabat dominus
et per fidelem famulum
laudatur deus omnium
|
Matins antiphon 9
|
Post virtutum insigna
sectus cervicem rhomphea
cum duobus egregiis
consummavit martyrium
|
Matins antiphon 10
|
Gaudens celum mox suscipit
quos furens hostis perculit
iactura fusi sanguinis
regnum mercantur luminis
|
Matins antiphon 11
|
Mirum visu spectaculum
surgunt solo post iugulum
ad tumulos et propria
trans vada ferunt capita
|
Matins antiphon 12
|
Celi senator curie
nicasi martyr inclite
cum tuis nos consortibus
supernis iunge civibus
|
Matins respons 5
|
Assiduis vigiliis
atque oracionibus
se formam gregis faciens
de perfidie errore
filios gignit gracie
|
Matins verse 5
|
Celestibus eos informans predicacionibus per virtutem domini
|
Matins respons 6
|
Divina tandem pietas
et trinitatis unitas
rotomago per spacia
linguas cunctorum occupat
et supernorum civium
laudem canit vox hominum
|
Matins verse 6
|
Virtutum floribus predicando corda confirmabat
|
Matins respons 7
|
Gloriosus sacer christi
mactus virtute fidei
sancte crucis signaculo
sevum draconem peremit
|
Matins verse 7
|
Plebis igitur saluti providens fontem vite condonando
|
Matins respons 8
|
Exultet dignis laudibus
omnis in christo populus
in festivitate tui
pater nicasi martyrii
|
Matins verse 8
|
Quem viciis exonera
et virtutibus alliga
|
Matins (gospel) special antiphon
|
Ave martyr preciose
coronatus in gloria
audi rogantes servulos
et protege per secula
|
Matins respons 9
|
Oracione sancti patris
demon speluncam exiit
et prosperum meantibus
per flumen iter patuit
|
Matins verse 9
|
Ad vocem sancti vis inimica contremuit scindens lapidem fugax evanuit
|
Matins respons 10
|
Venerabilis piencia
monitis sanctorum
ad christum conversa
corpora eorum collegit
et honorifice sepelivit
|
Matins verse 10
|
Ad honorem domini
nostri iesu christi
|
Matins respons 11
|
Membra christi nicasius
quirinus et scuniculus
ad tumulos cesi sua
detulerunt capita
|
Matins verse 11
|
Mirum nimis spectaculum
monstrantes post obitum
|
Matins respons 12
|
Egregius
athleta christi nicasius
in unitate trinitatis fundatus
post donativum gracie
cum duobus discipulis
gladio truncatus
celos petivit sanguine
laureatus
|
Matins verse 12
|
Felici commercio
pro terrenis celestia
pro perituris eterna
commutans
|
| |
Lauds antiphon 1
|
Venerandus christicola
currens letus ad premia
triumphavit diabolum
per sanguinis commercium
|
Lauds antiphon 2
|
Cumque manus carnificis
sitiret undam sanguinis
tres consumpsit in gladio
quos obtulit altissimo
|
Lauds antiphon 3
|
Peracta cede lanio
pede fertur retrogrado
linquens sanctorum corpora
palam feris exposita
|
Lauds antiphon 4
|
Surgunt tandem post morulam
per domini clemenciam
ulnis imponunt capita
et flumen pede transmeant
|
Lauds antiphon 5
|
Exponuntur mausoleis
a matrona prenobili
atque in sinu gurgitis
ecclesiam plebs condidit
|
Lauds (gospel) special antiphon
|
Martyres egregii
nicasi quirine
ac scunicule
qui post immania
tormenta triumphastis
coram celesti rege
facinora nostra
assidua prece
diluite
|
| |
2nd Vespers (gospel) special antiphon
|
Succurre sancte miseris
esto placatus servulis
nostris faveto vocibus
culpas laxa quas fecimus
astantem plebem robora
christum pro cunctis rogita
|
full office name: