full office name: MORANDUS (n1)
edition: AH 28 #28
calendar:June 03
structure summary: Vespers: A5E
Matins: secular
Lauds: A5E
2nd Vespers: E +
Matins: RR
poetic forms: Vespers: o5.l
Matins: l.ovn{vl,ig,io}oov{vo,f,o}fof{op,io,fo}
Lauds: ovo3.o
2nd Vespers: .o
Matins: {o,o} [”q]
type of saint: monk confessor
geographical information:.Alsace, France
notes:monk
confessor
Persons: Morandi Amandi Hugo Morandus Morandum Morande
Places: Cluniacum Ferretensi

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Ad morandi venerandi
viri festa et amandi
plebs in caritate tota
reddat christo pia vota
Vespers antiphon 2
Flore sue iuventutis
castitatem adamavit
de quo bravium salutis
non indigne reportavit
Vespers antiphon 3
Deo multum peramandus
hugo pater venerandus
hunc suscepit educandum
moribus et informandum
Vespers antiphon 4
Cui purus adulescens
in virtute semper crescens
dulciter obediebat
atque deo serviebat
Vespers antiphon 5
Regularis o professor
sis pro nobis intercessor
apud bonitatem christi
cuius iugum tu subisti
Vespers (gospel) special antiphon
O fons indeficiens
iesu bone salutaris
hostia reficiens
in agone comprobaris
morandi per suffragia
mundi seda naufragia
mentes nostras instabiles
fac ad virtutes habiles
 
Matins I
Surgite letantes
christum regem venerantes
inclita sanctorum
celebrantes festa suorum
Matins antiphon 1
Ut tellus depicturatur
in vere vernis floribus
sic hic mundus decoratur
morandi claris moribus
Matins antiphon 2
Ex illustri stirpe traxit
morandus originem
nullam tamen hic contraxit
peccati rubiginem
Matins antiphon 3
Annis puerilibus
factis cum senilibus
mentis tersit caliginem
devitans impetiginem
Matins respons 1
Annis adhuc pubertatis
hunc parentes sub abbatis
pii magisterio
dulciter commendaverunt
et ad sua redierunt
cuius sub imperio
vixit purus adulescens
in virtute semper crescens
omni desiderio
Matins verse 1
Christo devotus
vivens sub regula totus
Matins respons 2
Mentis motus hic transcendens
vana queque vilipendens
hauriebat sitibundo
corde ore quod facundo
post eructabat
tempus dum vacabat
Matins verse 2
Litterarum studio
mentis cum tripudio
firmiter instabat
Matins respons 3
Vincens legem pubertatis
iugi lege sub abbatis
vixit disciplina
omnibus affabilis
deo et amabilis
in lege divina
Matins verse 3
Mundi fastum proculcavit
eius pompas postergavit
Matins antiphon 4
Fervor mire caritatis
ad spem firmam bonitatis
fidem duxit sanctitatis
Matins antiphon 5
Mentis motus hic transcendens
ad virtutum arcem tendens
vana queque vilipendens
Matins antiphon 6
Christus digne commendavit
huic duplum talentum
quia non multiplicavit
per duplum sed per centum
Matins respons 4
Ceptum iter dum peregit
mox benigne se subegit
abbatis imperio
quem vir sanctus tunc elegit
mentem eius et impegit
miti desiderio
Matins verse 4
Ponens firmam spem salutis
in preclaris institutis
Matins respons 5
Veritatis hic confessor
regularis et professor
ibat de virtute
in virtutem ascendendo
et morose conferendo
verbum in salute
Matins verse 5
Doctus mitis apparebat
et indoctos instruebat
sic procedens tute
Matins respons 6
Postquam hic est sublimatus
in gradu sacerdocii
deo tendit inspiratus
ductu fidelis socii
cluniacum ubi digne
est susceptus et benigne
lapsum devitans ocii
Matins verse 6
Factus verus cenobita
et ferventer in hac vita
Matins antiphon 7
Contra mundi temptamenta
prudenter agebat
et carnis delectamenta
dulciter vincebat
Matins antiphon 8
Si temptavit non est mirum
satan hunc preclarum virum
salvatorem qui temptavit
et eum non superavit
Matins antiphon 9
Hic talentum commendatum
protulit ad mensam
et reddens multiplicatum
reportans repensam
Matins respons 7
Mox a suis derelictus
iesu christo est addictus
cum propheta gloriatur
qui in psalmo sic profatur
Matins verse 7
Quoniam pater et mater mea dereliquerunt me dominus autem assumpsit me
Matins respons 8
Hodie preclarus et venerandus
christi confessor morandus
exutus armis terrestribus
triumphat in celestibus
Matins verse 8
Securus de victoria
delectatur in gloria
Matins respons 9
Regulari disciplina
mentem dum armavit
cum cervice resupina
celum suspiravit
Matins verse 9
Mente tota et devota
christo solvens pia vota
 
Lauds antiphon 1
Multa quidem in hac vita
hic fecit mirabilia
et post mortem infinita
infirmis dat subsidia
Lauds antiphon 2
Cecis visus claudis gressus
surdis auditus redditur
vir collisus et obsessus
eius prece solvitur
Lauds antiphon 3
Ad tumbam preclari viri
quisquis potest experiri
quantas eius per virtutes
christus confert hic salutes
Lauds antiphon 4
Regularis o professor
sis pro nobis intercessor
apud bonitatem christi
cuius iugum tu subisti
Lauds antiphon 5
Christi precelsa pietas
virtutum et nimietas
in sanctis amplificatur
horum virtus dum laudatur
Lauds (gospel) special antiphon
Verus sol illuminavit
lucis sue radio
quando nobis destinavit
morandum qui in stadio
cursum digne consummavit
et in fine triumphavit
vere felici bravio
 
2nd Vespers (gospel) special antiphon
O morande serve bone
pie pastor et patrone
apud christum interpella
ut a mortis nos procella
tua prece protegamur
celi donis et fruamur
 
Matins respons .a1
Ville custos captivatur
erus mox debilitatur
tunc morandus advocatur
a quo pie increpatur
emendatur et sanatur
servi status restauratur
atque liber proclamatur
Matins verse .a1
In quo christus collaudatur
et morandi comprobatur
virtus servus et letatur
Matins respons .a2
In contrata ferretensi
tuo simus hic defensi
morande patrocinio
in amore fac ferventes
tibi pure servientes
hic et in confinio
Matins verse .a2
Impetra iucunditatem
nobis et tranquillitatem
apud christi bonitatem