full office name: MAXIMUS of Riez (n1)
edition: AH 18 #62
calendar:November 27
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: ollol.v
Matins: v.e3{v,v,lh}e3{v,lh,le}e3{lh3}
Lauds: v5.v
2nd Vespers: .v [”q]
type of saint: bishop
geographical information:Riez, France
notes:bishop
Persons: Maxime Maximus Maximo
Places: Regensi Tartarus

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Ave presul gloriose
ave sidus iam celeste
decorans maxime celos
nos guberna visens humum
quo letemur triumphantes
te patronum venerantes
Vespers antiphon 2
Dum templi saxis
oneratus pergeret axis
se satan obiecit
quem maximus inde reiecit
Vespers antiphon 3
Vita privatus
morsu canis atque necatus
presulis hic dextra
sanatur et intus et extra
Vespers antiphon 4
Sacerdos christi maxime
condignus tanto nomine
rogamus te per graciam
quam meruisti maximam
ut nos a malis omnibus
tuis defendas precibus
Vespers antiphon 5
A bove prostratum
reddit presul reparatum
maxime devota
servorum suscipe vota
Vespers (gospel) special antiphon
Ave gemma sacerdotum
ave sidus aureum
ierusalem inter cives
refulgens ut lucifer
audi preces audi vota
suscipe preconia
 
Matins I
Adoretur presulum rex
in seculorum secula
presuli qui maximo
contulit celestia
Matins antiphon 1
Ut nova lux mundo
procedens stemmate claro
virtutum titulis
maximus enituit
Matins antiphon 2
Indolis egregie
puer ad sublimia vite
premia tendebat
vas deitatis erat
Matins antiphon 3
Monachus effectus
humilis fuit atque modestus
ordine posterior
sed probitate prior
Matins respons 1
Pater almus sanctitate
maximus et nomine
velut iubar matutinum
ortus stirpe prodiit
gemma fulsit sacerdotum
virtutum preconiis
Matins verse 1
Quia mundi sprevit cuncta
ambiens celestia
Matins respons 2
Christi puer litterarum
traditus ad studia
liberali sine fastu
floruit sciencia
Matins verse 2
Absque mora eruditus
dono sancti spiritus
Matins respons 3
Presul non sponte
regensi factus in urbe
profuit exemplo
multis simul et documento
Matins verse 3
Congruo subiectis
prebens alimenta salutis
Matins antiphon 4
Post precibus fratrum
curam subiens animarum
quod verbis docuit
moribus exhibuit
Matins antiphon 5
Ad signum patris
subito phantastica navis
disparens fragilem
prodidit artificem
Matins antiphon 6
Pro vite meritis
electus pastor ovilis
ut grave sumpsit onus
pontificale decus
Matins respons 4
Sancti vitam zelans hostis
livore multiplici
igneus ut draco eius
se iniecit oculis
sed expulsus signo crucis
illico disparuit
Matins verse 4
Exterreri forma truci
sanctum demon voluit
Matins respons 5
Lux sancte fidei
tuba legis preco salutis
maximus extemplo
reparavit lumina ceco
Matins verse 5
Cum crucis auxilio
gessit quam corde benigno
Matins respons 6
Virtutum signis
resplendens pastor erilis
reddidit incolumes
fidei medicamine plures
Matins verse 6
Vir pius et mitis
rivos stillans pietatis
undique debilibus
mellifluis precibus
Matins antiphon 7
Forma gregis factus
macerabat corporis artus
tendens excubias
hostis ad insidias
Matins antiphon 8
Pontificis precibus
puer exurgit redivivus
gloria christe tibi
vox resonat populi
Matins antiphon 9
Ad laudem triadis
sancti caro mortua patris
defunctam vite
restituit proprie
Matins respons 7
Hic vir apostolicus
regis celestis amicus
restituit proprie
defuncta cadavera vite
Matins verse 7
Auctori vite
quia mens adhesit amore
Matins respons 8
O sublime viri
meritum cui munere christi
effera vis mortis
dedit truculentus et hostis
Matins verse 8
Conteritur serpens
paret sibi tartarus horrens
Matins respons 9
Ad patriam sanctus
domino miserante vocatus
pro grege commisso
fundens oramina christo
exilium liquit
et celi regna petivit
Matins verse 9
Pace data propriis
fruiturus pace perenni
 
Lauds antiphon 1
Sanctus presul in superno
maximus palacio
regem christum in decore
semper gaudet cernere
Lauds antiphon 2
Pura mente quia deo
servivit fideliter
portas eius introire
meruit feliciter
Lauds antiphon 3
Sub tuarum rex eterne
alarum velamine
hic exultat celo tua
quem suscepit dextera
Lauds antiphon 4
Inter christi sacerdotes
refulgens ut lucifer
creatorem dei servus
benedixit maximus
Lauds antiphon 5
Omnis etas omnis sexus
omnis atque spiritus
laudent deum cum beato
confessore maximo
Lauds (gospel) special antiphon
Stella fulgens matutina
inter celi lumina
veri solis illustrata
o maxime gloria
residentes mortis umbra
ade culpa visita
lucem eis imperando
et pacis remedia
 
2nd Vespers (gospel) special antiphon
Gemma christi sacerdotum
maxime perlucida
cum cherubim dei mira
qui polles sciencia
fac ut nostre mentes illo
tangantur incendio
quo cremaris semper dulce
seraphim cum agmine