| |
| |
Vespers antiphon
|
Congregemur letabundi
veneremur huius mundi
evictorem non profanum
et doctorem christianum
fidei florem diaphanum
presulem et martyrem
sanctum maximilianum
|
Vespers (gospel) special antiphon
|
O protoflamen
laureacensis
recreamen
celeiensis
martyris amen
sustines ensis
plebis ovamen
pataviensis
cui relevamen
valde valens sis
dando solamen
quod petit amen
|
| |
Matins I
|
Exultando chorus
christi sit laude sonorus
cordis in arcano
iubilans maximiliano
|
Matins antiphon 1
|
Beatus impiorum
viis non adherens
transit ad celi chorum
legem dei querens
|
Matins antiphon 2
|
Inania non meditans
cor in deum fixit
cui sancte militans
plebem benedixit
|
Matins antiphon 3
|
Uterque dei pax adsit ei
perfert cruciatus
vir fidei virtute spei
pater ille beatus
|
Matins respons 1
|
O et eia iucundemur
de celeia quod fovemur
sancte prolis munere
nobili de genere
|
Matins verse 1
|
Vita novanus
oritur maximilianus
|
Matins respons 2
|
In domo dei nomen regi
iuste coaptavit
nam maxima libavit
fide pura spe secura
offerens se sacravit
morti quam gustavit
|
Matins verse 2
|
Maximus in mille
virtutibus emicat ille
|
Matins respons 3
|
Nobilis ex genere
se fecit nobiliorem
dum veterem morem
studuit sectando tenorem
|
Matins verse 3
|
Virtutum florem
suscipiens propter odorem
|
Matins antiphon 4
|
Cum invocat deum
exaudivit eum
in tribulacione
sibi post hanc viam
reddens vicem piam
in retribucione
|
Matins antiphon 5
|
Viam huius in victore
vultus sui in splendore
christo collocabat
nam intrabat cum timore
domum dei cum fervore
cordis adorabat
|
Matins antiphon 6
|
Hic honore et decore
presulatus coronatus
in superna gloria
eterna memoria
est glorificatus
|
Matins respons 4
|
Quamquam a parentibus
quibus erat unicus
delicate nutriretur
abstraxit se deliciis
infancie stulticiis
ne umquam notaretur
|
Matins verse 4
|
Effulgens rite
clare medicamine vite
|
Matins respons 5
|
Decurso septennio
presbytero oranio
mire sanctitatis
imbuendus tradebatur
quem docendus sequebatur
in lege deitatis
|
Matins verse 5
|
Et studuit mire
virtutibus se redimire
|
Matins respons 6
|
Cuius ab hoc mundo
dum migrarent parientes
predia corde pio
distribuit inter egentes
|
Matins verse 6
|
Quoslibet exilio
cupiens recreare dolentes
|
Matins antiphon 7
|
In deo confidit
cuius vultum vidit
et dilexit veritatem
huius atque equitatem
|
Matins antiphon 8
|
Largiaris vitam
sanctam sibi christe petitam
uncto in ardore
firmando cordis honore
|
Matins antiphon 9
|
Dei tabernacula
intrans sine macula
monte sancto quievit
operans iusticiam
per cordis mundiciam
nihil doli sevit
|
Matins respons 7
|
Denique infancie
atque puericie
annis consummatis
cavit adulescencie
a viis petulancie
nec non vanitatis
|
Matins verse 7
|
Nil mundum reputans
sua blandimenta refutans
|
Matins respons 8
|
Dissolutum et pollutum
cum incestis et scelestis
aspernens contubernium
morum tutum tulit scutum
cum modestis et honestis
exercens colloquium
|
Matins verse 8
|
Et fidei vitam
didicit retinere pudicam
|
Matins respons 9
|
O tiro christi
pro cuius amore necaris
ne barathro tristi
penis damnemur amaris
|
Matins verse 9
|
Consocia isti
gaudens cui consociaris
|
| |
Lauds antiphon 1
|
Induat nos dominus
virtute atque decore
firmans nos flore
fidei prece presulis huius
|
Lauds antiphon 2
|
Omnis terra deo
cum leticia iubilate
procurare reo
veniam per hunc properate
|
Lauds antiphon 3
|
In quantum quivit
anima quoque sitivit
cernere virtutem
domini propriamque salutem
|
Lauds antiphon 4
|
Glorificet laudet
superexaltet benedicat
celicus ethereus
terrenus spiritualis
|
Lauds antiphon 5
|
Corde non vanus
laudat deum maximilianus
|
Lauds (gospel) special antiphon
|
Laus resonet patri
quia magna contulit isti
premia sanctorum
cum culmine laudis eorum
|
| |
2nd Vespers (gospel) special antiphon
|
Magnificemus dominum
salvatorem omnium
qui de sede maiestatis
et eterne pietatis
respicit humilia
confortat et debilia
cuius misericordia
patavie ecclesia
gaudet se patronum
hunc habere sanctum
maximilianum
asta pater et patrone
tiro christi pastor bone
nobis mortis in agone
agonista christi
maximiliane
|
full office name: