| |
| |
Vespers antiphon 1
|
Martyrum sollemnia
celebrent renati
martyres in gloria
regnant purpurati
|
Vespers antiphon 2
|
Maior compensacio
meritis sanctorum
dum datur in premio
mansio celorum
|
Vespers antiphon 3
|
In mundi tristicia
modicum artati
in celi leticia
gaudent coronati
|
Vespers antiphon 4
|
Electorum spiritus
sanguine probatur
et exceptus celitus
christo sociatur
|
Vespers (gospel) special antiphon
|
Ave martyr preciose
ave princeps gloriose
legionis generose
o mauriti martyr christi
fide mundum qui vicisti
et coronam meruisti
fac nos tecum gratulari
legioni sociari
et in christo coronari
|
| |
Matins I
|
In martyrum victoria
laudemus regem glorie
cuius triumphat gracia
et coronatur hodie
|
Matins antiphon 1
|
De vagina gencium
evocatur legio
per edictum regium
duce sub mauricio
|
Matins antiphon 2
|
Ascendit hierosolymam
culturam spondet optimam
et mente sumit alacri
signum celestis lavacri
|
Matins antiphon 3
|
Pellem commutat ethiops
et pardus ponit varium
ditescit pauper et inops
in gracia celestium
|
Matins antiphon 4
|
Procedit sacra legio
terribili collegio
virtutibus et viribus
tremenda suis hostibus
|
Matins antiphon 5
|
Firmatur fide plenius
a romano pontifice
iurat stare fidelius
regi reique publice
|
Matins antiphon 6
|
Transmittitur ad gallias
hinc legio cum cesare
sed profani vesanias
profanat voto dispare
|
Matins respons 1
|
Regis cultus
castris proponitur
dei vultus
regi preponitur
quia non dii
sed deus colitur
|
Matins verse 1
|
Fortis ut mors dileccio
dura sicut infernus emulacio
|
Matins respons 2
|
Sacri duces et egregii
viri fortes et eximii
horrent scelus sacrilegii
|
Matins verse 2
|
Quos redemit de manu inimici et de regionibus congregavit
|
Matins respons 3
|
Furit cesar
ad necem impiam
sternit viros
et cedit hostiam
servit nolens
ad dei gloriam
|
Matins verse 3
|
Cor regis in manu domini ad quodcumque voluerit inclinabit illud
|
Matins respons 4
|
Regi terre
mactatur victima
regi celi
defertur anima
dum fit deo
decimus decima
|
Matins verse 4
|
Nolite timere eos qui corpus occidunt animam autem non possunt occidere
|
Matins antiphon 7
|
Deo dilecti principes
sue sortis participes
turbas accendunt fortibus
exemplis et sermonibus
|
Matins antiphon 8
|
Commilitones optimi
et athlete fortissimi
hostem vincamus fortiter
et perstemus viriliter
|
Matins antiphon 9
|
Corroborentur animi
armentur fide pectora
et mente deo proximi
neci tradamus corpora
|
Matins antiphon 10
|
Christus amans passionem
formam dedit legioni
et detestans ulcionem
obtulit se passioni
|
Matins antiphon 11
|
Iubentis ad imperium
petrus recondens gladium
cepit a christo discere
occidi non occidere
|
Matins antiphon 12
|
Ad exemplum iesu christi
superata morte tristi
christi morte delectemur
ut cum christo iucundemur
|
Matins respons 5
|
Clamant deum
sanctorum milia
et pro deo
ferunt martyria
ut sit deus
omnibus omnia
|
Matins verse 5
|
Currus dei decem milibus multiplex milia letancium dominus in eis
|
Matins respons 6
|
Celo ruens serpit anguis
dum sanctorum manat sanguis
causa cuius casus magni
fuit veri sanguis agni
|
Matins verse 6
|
Vicerunt eum propter sanguinem agni
et propter verbum testimonii sui
|
Matins respons 7
|
O quam beata legio
quam fervens in mauricio
dum per mortis compendium
vitam capit perennium
|
Matins verse 7
|
Regnum dei vim patitur et violenti rapiunt illud
|
Matins respons 8
|
Princeps alme dux invicte
legionis benedicte
nos custodi nos tuere
et nos tecum fac gaudere
|
Matins verse 8
|
Dux virtutis dux salutis
da virtutem da salutem
|
Matins (gospel) special antiphon
|
Botrus cypri conculcatur
novo musto debriatur
qui signatur christi cruce
coronatur christo duce
|
Matins respons 9
|
Fervet fides ut sinapis
favos mellis stravit apis
ut dulcescat velle mori
cedat divo mors amori
|
Matins verse 9
|
De commedente exivit cibus et de forti egressa est dulcedo
|
Matins respons 10
|
Prata passim per aperta
florent flores virent serta
rose rubent austro flante
cedunt celo messes tante
|
Matins verse 10
|
Levate oculos et videte regiones quia albe sunt iam ad messem
|
Matins respons 11
|
De pressura gravis preli
apothece fluunt celi
ut cum christo vera vite
dati morti dentur vite
|
Matins verse 11
|
Inebriatus in celo gladius et vindemiantur botri vinee terre
|
Matins respons 12
|
O mauriti dux beate
cuius virtus fragrat late
cuius odor ut unguentum
cuius sapor ut pigmentum
pietati nos divine
tu commendes sine fine
|
Matins verse 12
|
Martyr alme ductor bone
cum preclara legione
|
| |
Lauds antiphon 1
|
Militum sub gladio
martyres exultant
mortis in ludibrio
cladibus insultant
|
Lauds antiphon 2
|
Cedit carnis palea
gladio furenti
dum mundatur area
mystici frumenti
|
Lauds antiphon 3
|
Triticum dum moritur
multum affert fructum
legio dum ceditur
risu mutat luctum
|
Lauds antiphon 4
|
Alabastrum frangitur
funditur unguentum
redolet dum tunditur
fidei pigmentum
|
Lauds antiphon 5
|
In signum vere fidei
rivi decurrunt rosei
gaudet in sanctis celitus
unus et idem spiritus
|
Lauds (gospel) special antiphon
|
Christus suos iam victores
huius mundi post labores
regnum transfert ad supernum
et coronat in eternum
|
| |
2nd Vespers (gospel) special antiphon
|
O regalis legio
regie collecta
o celestis concio
celitus electa
vestra nos precacio
via ducat recta
ubi dei visio
radiat perfecta
|
| |
Vespers (gospel) special antiphon .a
|
O vere christi milites thebei
fortes in agone fidei
constantes in devocione spei
ferventes in dileccione dei
terrena despicientes
celestia contemplantes
o quam preciosa mors sanctorum
que vitam meruit angelorum
o quam preclara martyrum gloria
que nihil metuit hostium vulnera
de quorum collegio dux sacer mauricius
constans in passione socius
celestis milicie municeps
factus est eterni regni particeps
|
| |
Compline (gospel) special antiphon .a
|
O flores purpurei
milites thebei
vere testes fidei
gloria tropei
facite nos provehi
ante thronum dei
quo luce sideri
fruamur diei
|
full office name: