| |
| |
Vespers antiphon
|
Gaude diva
radix levitica
tanti rami
dans nobis gaudia
magis tamen
plaudat ecclesia
apostoli
dotata gloria
matthei regnantis in patria
|
Vespers respons
|
Dum mattheus christum fatur
maurorum regis filia
vivo verbo inspiratur
celibum tunc constancia
sicque christo desponsatur
insignis ephigenia
|
Vespers verse
|
Que lilium
sibi convallium
habet iunctum
marie filium
|
Vespers (gospel) special antiphon
|
Transfert dei
ad mauros filium
mattheus dans
eis consilium
ut credentes
post hoc exilium
suscipiant
triumphi lilium
|
| |
Matins I
|
Virginalem puerum
ore collaudemus
apostolorum dominum
mente adoremus
|
Matins antiphon 1
|
Fontem vite reserare
venit mattheus mauriam
veram lucem nunciare
reis donantem veniam
|
Matins antiphon 2
|
Morem gerens hominis
deum incarnatum
describit et nominis
sui celibatum
|
Matins antiphon 3
|
Documentis populum
erudivit gracie
premii nunc cumulum
tenet dei facie
|
Matins respons 1
|
Mundum gyrans
percurrit stadium
gentes cecas
vocat ad bravium
hostem fugat
assumens gladium
verbi vi clavium
|
Matins verse 1
|
Fontem vite monstrat
christi qui proclamat
quicumque siciat
veniat et bibat
|
Matins respons 2
|
Transit gentes
alienigenas
mauros indos
et macedonicas
iugo christi
subdens terricolas
parans celicolas
|
Matins verse 2
|
Vocatus a christo dixit adsum
quem promovit
mox in apostolum
|
Matins respons 3
|
Patriarcha orphanorum
exterge sordes mencium
luctus aufer pupillorum
in hac valle gemencium
et in cetu angelorum
consortes fac gaudencium
|
Matins verse 3
|
Rex coronat
fortes et pugiles
christo iungat
mattheus humiles
|
Matins antiphon 4
|
Domesticis inquilinis
et dogma evangelicum
christus nunciis cum binis
mittit et apostolicum
|
Matins antiphon 5
|
Agonizans
claret miraculis
plebes munit
divis signaculis
parans iugibus tabernaculis
|
Matins antiphon 6
|
Atrox carnis martyrium
susceptas plagas vulnerum
perfidiorum ludibrium
habebat ad solacium
|
Matins respons 4
|
Huius corpus
lictor transforat
quando christi
corpus consecrat
dante christo
sic mors abscesserat
vita redierat
|
Matins verse 4
|
Mox assistit
celi milicia
ducens illum
ad vera gaudia
|
Matins respons 5
|
Cunctos salvavit languidos
oppressos vi demonii
peccati fece morbidos
vi christi sanat munii
|
Matins verse 5
|
Signis verbis
reficit variis
ethiopes
sponsi cellariis
|
Matins respons 6
|
Radiavit splendens
miris prodigiis
missus in salutem
terrarum filiis
in effecto rutilo
quos curavit
baptizavit
errorum pulso nubilo
gaudens cordis iubilo
|
Matins verse 6
|
Coniunctus sanctorum solacio
illic plaudit
leto tripudio
|
Matins antiphon 7
|
Eligebat sanctus
mundi ludibrium
tale christo tantus
dans sacrificium
|
Matins antiphon 8
|
Rubens martyr sanguine
fide gratulatur
deum poli agmine
clare contemplatur
|
Matins antiphon 9
|
Orat prece sedula
deum clare visum
nobis dare per secula
tuum paradisum
|
Matins respons 7
|
Verbo vite
dum pascit populum
peccatorum
frangens ergastulum
beatorum
promittit poculum
simulque seculum
|
Matins verse 7
|
Ex abundanti gracia
prestat celi palacia
|
Matins respons 8
|
Visitanti
desertas indie
partes minas
pater invidie
dat mattheo
plebes perfidie
ad adyta
vocat tragedie
|
Matins verse 8
|
Per quem tamen
eversor latrie
effugatur
a pagis maurie
|
Matins respons 9
|
Opem christe promisisti
apostolos laudantibus
dum per eos transmisisti
salutem oberrantibus
semper ergo nos fac sisti
tibi tuis astantibus
|
Matins verse 9
|
Qui mattheum adiunxisti
felicium agminibus
nos a morte salva tristi
eius beatis precibus
|
| |
Lauds antiphon 1
|
Sidus oppressum nebula
humano latens pallio
nunc claritate sedula
splendet in celi solio
|
Lauds antiphon 2
|
Datus mundi vespere
mundo senescenti
parare in ethere
vitam penitenti
|
Lauds antiphon 3
|
Anguis fraude lividus
mauros excecavit
quos mattheus fervidus
fide spe sanavit
|
Lauds antiphon 4
|
Ore corde pariter
levi veneremur
cuius prece iugiter
nece protegemur
|
Lauds antiphon 5
|
Supplex assessor iudicis
christo supplicabit
pacem quam viris celicis
digne impetrabit
|
Lauds (gospel) special antiphon
|
Dum mattheus
christum annunciat
plebis clamor
mortuum resonat
regis filium quem resuscitat
sicque mauros
errore liberat
|
| |
2nd Vespers (gospel) special antiphon
|
O lux macedonie
sceptrum maiestatis
candor ethiopie
hortus voluptatis
venam fontis gracie
reserasti gratis
illustrator indie
nos adde beatis
|
full office name: