| |
| |
Vespers antiphon 1
|
Recensentes mira dei
pietatis munia
precingamur ad matthei
votiva sollemnia
|
Vespers antiphon 2
|
Lucris hians telonei
fruicione publica
fit conversis forma spei
accione typica
|
Vespers antiphon 3
|
Prima christi iussione
linquens mundi stadia
magistrat conspersione
fermenti repudia
|
Vespers antiphon 4
|
Invitatis publicanis
ad christi convivia
docet egris plus quam sanis
opus fore gracia
|
Vespers respons
|
In figura prophetali
sub figura bestiali
comparatus homini
iuxta forme racionem
texit generacionem
carnis christi domini
|
Vespers verse
|
Sic promissum probat missum
hunc messiam per mariam
iudeorum germini
|
Vespers (gospel) special antiphon
|
Pange sion
laude magnifica
salvatoris
gesta mirifica
qui mattheum
de sorte publica
dignum sorte
dat evangelica
|
| |
Matins antiphon 1
|
Clangas sacris in matthei
tuba neomenia
laudent iusti sperent rei
de peccati venia
|
Matins antiphon 2
|
Vere verax salvatoris
probatur assercio
nolo mortem peccatoris
sed placet conversio
|
Matins antiphon 3
|
Vice fungens exactoris
fisci rei publice
artem mutat assertoris
fidei catholice
|
Matins antiphon 4
|
Inclamatus tue christe
vocis ad imperium
surgit et evangeliste
subit ministerium
|
Matins antiphon 5
|
Verbi gesta incarnati
stringens in volumine
pandit stirpem propagati
de regali germine
|
Matins antiphon 6
|
Primo docens in iudea
post in macedonia
lingua prompsit in hebrea
messie preconia
|
Matins respons 1
|
Zelo fervens pietatis
a primis ecclesia
repulsaque cecitatis
iudee perfidia
sparsit semen veritatis
per orbis confinia
|
Matins verse 1
|
Missis verbi destinatis
cum signorum copia
in matthei sortem gratis
cessit ethiopia
|
Matins respons 2
|
In hac dudum dementata
ficcione magica
gens errabat excecata
fraude diabolica
vera credens obfuscata
specie phantastica
|
Matins verse 2
|
Sed errantis miserata
plebis virtus deica
luce fucis adumbrata
purgas evangelica
|
Matins respons 3
|
Quos cosroes et arphaxat
ligat astu carminis
hos mattheus mox relaxat
in virtute numinis
signo consignans dumtaxat
preciosi nominis
|
Matins verse 3
|
Quos diversus dolor taxat
ob reatum criminis
hos mattheus vima laxat
fusi christi sanguinis
|
Matins respons 4
|
Ad hec visa tabescentes
magi vires exerunt
et confundi gemiscentes
ad fraudes se conferunt
dum dracones flammescentes
in mattheum ingerunt
|
Matins verse 4
|
Signo crucis fatiscentes
vim nocendi deserunt
atque somno torpescentes
christi numen asserunt
|
Matins antiphon 7
|
Hunc candaces admiratus
virtutis indicio
ad matthei pedes stratus
colligit hospicio
|
Matins antiphon 8
|
Verba vite sicientes
ad hunc multi confluunt
atque christum confitentes
ritum gentis despuunt
|
Matins antiphon 9
|
Hos mattheus catechizans
christi fide imbuit
instructos quoque baptizans
a peccatis abluit
|
Matins antiphon 10
|
Hec candacis dum fiebant
intra domicilium
en defunctum qui plangebant
multi regis filium
|
Matins antiphon 11
|
Circa funus magi stantes
regis ex imperio
frustra manes invocantes
agunt magisterio
|
Matins antiphon 12
|
Sed complere non valentes
ceptum sacrilegium
raptum suadent nescientes
a diis in collegium
|
Matins respons 5
|
Maiestatis lese rei
de more fallacium
fausta spondent false spei
donantes solacium
ut imago fiat ei
mandant et palacium
|
Matins verse 5
|
Hec candaci nutu dei
salutis consilium
dant regine ut matthei
petatur auxilium
|
Matins respons 6
|
Destinantur honorati
mox a regis latere
postulantes hoc legati
ut mattheus propere
tante velit orbitati
clementer succurrere
|
Matins verse 6
|
Summe preces maiestati
dignetur effundere
ac defuncti corpus nati
vite restituere
|
Matins respons 7
|
Venienti cum legatis
mattheo regalibus
euphemissa festinatis
occurit incessibus
dans materne pietatis
fletum cum gemitibus
|
Matins verse 7
|
Vivum ait desolatis
natum redde precibus
ut sermonem veritatis
confirmes operibus
|
Matins respons 8
|
In excelsum tendens manus
mattheus cum lumine
cedat inquit error vanus
ab his per te domine
resurgatque puer sanus
mox in christi nomine
|
Matins verse 8
|
Excitatus a defunctis
resumpto spiramine
surgit puer coram cunctis
crucifixi numine
|
Matins (gospel) special antiphon
|
Hoc confuso signo magi
fugiunt in persidam
et erroris umbra vagi
gentem cecant perfidam
|
Matins respons 9
|
Stupens signi novitate
regis cor extimuit
et regali dignitate
coronandum statuit
ac divali pietate
hunc colendum monuit
|
Matins verse 9
|
Ab hac plebem cecitate
mattheus compescuit
et hunc sola deitate
cultum dignum docuit
|
Matins respons 10
|
Regnum christi dilatatur
credit ethiopia
fonte sacro candidatur
eglippi prosapia
et cum rege baptizatur
multa plebis copia
|
Matins verse 10
|
Per mattheum propulsatur
gentilis perfidia
prole nova fecundatur
et floret ecclesia
|
Matins respons 11
|
Toro spreto maritali
ad matthei genua
cum cohorte virginali
procidens ingenua
fide nubit eternali
regi ephigenia
|
Matins verse 11
|
Hostis arte spiritali
declinans ingenia
voto sanctimonialis
carnis calcat nenia
|
Matins respons 12
|
Venustatis os admirans
hyrtacus ingemuit
et porcorum fraude gyrans
preces minas miscuit
nunc demulcens nunc delirans
hanc mutare studuit
|
Matins verse 12
|
Virgo christi fide spirans
spem consensus abnuit
non terrentis minas curans
preces dona respuit
|
| |
Lauds antiphon
|
A mattheo redargutus
hyrtacus infremuit
et monentem persecutus
furore efferbuit
|
Lauds (gospel) special antiphon
|
Dum mattheus
defixis genibus
secus aram
profusis precibus
orat christum
hunc a cervicibus
lictor pungit
et in celestibus
morte sacra
iungit martyribus
|
| |
Prime antiphon
|
Plebs matthei venerandum
audiens martyrium
tota currit ad cremandum
hyrtaci palacium
|
Terce antiphon
|
Occurrentes cum placore
matthei discipuli
vix sedarunt a furore
commotum cor populi
|
Sext antiphon
|
Ad matthei nutu dei
currens puer tumulum
hoste pressus est confessus
hyrtaci piaculum
|
Nones antiphon
|
Hyrtacus lepra perfusus
divino iudicio
mente captus et confusus
se transfodit gladio
|
| |
2nd Vespers (gospel) special antiphon
|
O matthee laus iudee
stirpis flos levitice
vas insigne doctor digne
fidei catholice
assistentes et plaudentes
in tui memoria
nos patrone fac corone
consortes in gloria
|
full office name: