| |
| |
Vespers antiphon 1
|
Universi iubilans
gaude monarchia
fulget in te rutilans
ut sol martha pia
|
Vespers antiphon 2
|
Crescat nobis gaudium
marthe de natali
que sumpsit exordium
tribu de regali
|
Vespers antiphon 3
|
Viruit virtutibus
et fulgore morum
per viam in omnibus
currens mandatorum
|
Vespers antiphon 4
|
Ista vernans moribus
fide et virtute
sit recens precatibus
nostra pro salute
|
Vespers respons
|
Solis amicta pallio
martha salve eximia
dei complaces filio
in te est omnis gracia
humilitas sanctitas
castitas
virtus victoria
fides spes et caritas
benignitas
temperancia
paciencia
spiritualis disciplina
et obediencia
|
Vespers verse
|
In iesu quem dilexisti
nostra solve crimina
tua per oramina
dulcis sponsa christi
|
Vespers (gospel) special antiphon
|
Pietate solita
o martha fidelis
plane dulcis hospita
domini de celis
adesto tutelis
medelis et precibus
salva nos ab omnibus
culpe corruptelis
|
| |
Matins I
|
Adoremus dominantem
christum regem glorie
stola vite laureantem
martham sacram hodie
|
Matins antiphon 1
|
Honore et gloria
purpuratur ista
gratulans in patria
celi citharista
|
Matins antiphon 2
|
Exultat viriliter
currens hec ut gigas
iesu quam feliciter
rore vite rigas
|
Matins antiphon 3
|
Portas vestras tollite
principes superni
hospitam suscipite
regis hanc eterni
|
Matins antiphon 4
|
Tuis martha labiis
gracia diffusa
corda reddit muniis
divinis confusa
|
Matins antiphon 5
|
Marthe fortitudine
conturbantur montes
cuius sanctitudine
letantur insontes
|
Matins antiphon 6
|
Regis magna civitas
martha letabunda
tua cunctis sanctitas
est causa iucunda
|
Matins respons 1
|
Corde toto sospita
iesu christi hospita
genere regalis
martha felix inclita
per virtutum merita
angelis equalis
|
Matins verse 1
|
Fame gaudet gloria
opum claret copia
cunctis obstans malis
|
Matins respons 2
|
Angelorum dominum
ad salutem hominum
qui venit in mundum
recepit hospicio
martha cum solacio
prebens huic cor mundum
|
Matins verse 2
|
Hospitem tam nobilem
tam desiderabilem
|
Matins respons 3
|
Omnino amabilis
hospita hec nobilis
christo ministrabat
secum ad obsequia
venire comparia
sororem optabat
|
Matins verse 3
|
Hospiti sufficere
tanto tali opere
mundum non putabat
|
Matins respons 4
|
Servis et militibus
iustis et pauperibus
dapes preparabat
tali ministerio
dei patrocinio
sedulo vacabat
|
Matins verse 4
|
Erga plura turbida
mente tamen vivida
frequenter sudabat
|
Matins antiphon 7
|
Divina iusticia
de celo prospexit
martham cum ad gaudia
celorum evexit
|
Matins antiphon 8
|
Eius sunt in montibus
sanctis fundamenta
vixit nam legalibus
preceptis intenta
|
Matins antiphon 9
|
Novum deo canticum
ista decantavit
super thronum celicum
qui hanc exaltavit
|
Matins antiphon 10
|
Nunciant iusticiam
tuam martha celi
populique gloriam
sermone fideli
|
Matins antiphon 11
|
Fecit mirabilia
dominus salutis
plantans inter lilia
hanc multe virtutis
|
Matins antiphon 12
|
Dei testimonia
hec ut custodivit
hinc in celi curia
et regnat et vivit
|
Matins respons 5
|
Hec ab infidelibus
est iniecta ratibus
pauca cum cohorte
remorum subsidii
ciborum solacii
destituta sorte
|
Matins verse 5
|
Advehunt marsiliam
aquis tunc provinciam
fidei dant porte
|
Matins respons 6
|
Dentes equo longior
draco bove grossior
ceu spata habebat
qui in amne latuit
transeuntes rapuit
naves summergebat
|
Matins verse 6
|
Tam a seva bestia
dei martha gracia
populum solvebat
|
Matins respons 7
|
Iuxta quendam fluvium
tandem monasterium
devote fundavit
ubi hec ieiuniis
precibus vigiliis
domino vacavit
|
Matins verse 7
|
Vitans gastrimargiam
solam parcimoniam
ardenter amavit
|
Matins respons 8
|
Iuvenis navigio
quidam carens fluvio
presumpsit natare
fluenti vi rapitur
et morti addicitur
summersus amare
|
Matins verse 8
|
Hunc de mortis funere
festinat prepropere
martha suscitare
|
Matins (gospel) special antiphon
|
Martha non vocaberis
ultra derelicta
gloria qua frueris
in celis amicta
|
Matins respons 9
|
Sue sacre spiritus
sororis divinitus
deo operante
receptus in patria
est multa cum gloria
martha conspicante
|
Matins verse 9
|
Que turbam astancium
hortatur ad gaudium
voce gratulante
|
Matins respons 10
|
Ante mortem gravibus
hec per annum febribus
languens estuavit
mortis videns aditum
suum statim obitum
palam nunciavit
|
Matins verse 10
|
Terre carnis debitum
deo autem spiritum
suum presentavit
|
Matins respons 11
|
Domine egregias
celebras exequias
cum sancto frontone
felici et inclite
marthe tue hospite
divine colone
|
Matins verse 11
|
Hanc terre cineribus
vestris datis manibus
fausta unccione
|
Matins respons 12
|
Chlodoveus francie
rex in regis glorie
fide baptizatur
renum pestem patitur
bustum marthe petitur
sospitati datur
|
Matins verse 12
|
Locum rex gratificat
opibus magnificat
hymnis veneratur
|
| |
Lauds antiphon 1
|
Multo martham induit
dominus decore
cuius sedem posuit
magno in honore
|
Lauds antiphon 2
|
Omnis terra domino
deo iubilate
martham sine termino
laudibus ornate
|
Lauds antiphon 3
|
Deus ad te vigilat
de luce fidelis
martha tibi rutilat
que ut sol in celis
|
Lauds antiphon 4
|
Celi benedicite
domino celorum
et tam sanctam iungite
choris angelorum
|
Lauds antiphon 5
|
Tantis pro virtutibus
marthe tam fidelis
iubilemus laudibus
domino de celis
|
Lauds (gospel) special antiphon
|
Cornu deus hodie
in domo ecclesie
salutis erexit
marthe patrocinium
omne contra noxium
dum nobis direxit
|
| |
Prime antiphon
|
Redemptoris hospita
nostri gloriosa
sua sit per merita
nobis fructuosa
|
Terce antiphon
|
Salus mundi domine
per crucis mucronem
tuo hec in nomine
deiecit draconem
|
Sext antiphon
|
Marthe prece lazarus
gaudet suscitatus
quem vorarat tartarus
ad penas paratus
|
Nones antiphon
|
Martha florens lilium
hospitalitatis
dei placa filium
nostris pro peccatis
|
| |
2nd Vespers antiphon 1
|
Annua sollemnia
marthe recolentes
aptemus ad gaudia
diva nostras mentes
|
2nd Vespers antiphon 2
|
Virtutum monilibus
ista purpurata
unitur celestibus
deo semper grata
|
2nd Vespers antiphon 3
|
Inventam rex glorie
ista margaritam
coronavit hodie
longius quesitam
|
2nd Vespers antiphon 4
|
A martha congeritur
cum virtutum schema
ipsi superponitur
splendens diadema
|
2nd Vespers (gospel) special antiphon
|
In deo medullitus
exultat iam spiritus
marthe generose
mole graciose
solutus corporea
migrat ad etherea
regna gaudiose
|
full office name: