| |
| |
Vespers antiphon 1
|
Exultet urbs bethania
que contulit immania
fidelibus donaria
salute multifaria
|
Vespers antiphon 2
|
Ex qua processit edita
beata martha predita
parentibus regalibus
clarissima natalibus
|
Vespers antiphon 3
|
Hec annis puerilibus
senioribus senilibus
signavit se virtutibus
in omnium obtutibus
|
Vespers antiphon 4
|
Contemptis voluptatibus
et mundi vanitatibus
devota deum coluit
cui federari voluit
|
Vespers antiphon 5
|
Hac inspirata gracia
mundi cordis palacia
christi parat hospicium
quam felix hoc inicium
|
Vespers respons
|
O germana magdalene
tue precis cantilene
resonent in aure christi
cuius hospita fuisti
|
Vespers verse
|
Fac ut nos ab orci nece
salvet deus tua prece
|
Vespers (gospel) special antiphon
|
Distribuit egentibus
opes suas et gentibus
fidem iesu christi sparsit
in amore iesu arsit
|
| |
Matins I
|
Procidentes ante deum
adoremus omnes eum
vota marthe qui respexit
et in celos illam vexit
|
Matins antiphon 1
|
Magna dei clemencia
cuius magnificencia
sanctam martham coronavit
et in celos elevavit
|
Matins antiphon 2
|
Per eius christe merita
presencia preterita
aliena et occulta
dele mala sunt nam multa
|
Matins antiphon 3
|
Virtutum dux rex glorie
hanc cum palma victorie
triumphantem laureavit
que draconem iugulavit
|
Matins respons 1
|
Quodam iesus in castellum
introivit ut novellum
verbum vite predicaret
et salutem lapsis daret
|
Matins verse 1
|
Ut quibus casus gravior
ereccio sit gracior
|
Matins respons 2
|
Alvo virginis conceptus
hospitatus et acceptus
est in sancte marthe domo
verus deus verus homo
|
Matins verse 2
|
De virgine qui nascitur
is cibo marthe pascitur
|
Matins respons 3
|
Dum paratur egro cena
soror marthe magdalena
iesu pedes amplexatur
sed per martham ministratur
|
Matins verse 3
|
Martha pavit carnaliter
hec pascitur mentaliter
|
Matins antiphon 4
|
Maria quod audierat
iesum quem concupierat
verbum sedens eructavit
sed stans martha ministravit
|
Matins antiphon 5
|
In uno necessario
maria vacat vario
at cum martha turbabatur
et iuvari se speratur
|
Matins antiphon 6
|
Marthe non reprehenditur
marie pars rependitur
in supernis fundamentis
portas sion diligentis
|
Matins respons 4
|
Ad iesum flens dixit martha
ecce dies adest quarta
quod defunctus est mis frater
o si hic fuisses pater
!Mis [alt: ?]
|
Matins verse 4
|
Lazarus servitor tuus
non fuisset mortuus
|
Matins respons 5
|
Qui compassus marthe flenti
lacrimatus cum ingenti
voce sursum exclamavit
lazarumque suscitavit
|
Matins verse 5
|
Spes ipse moriencium
et vita est credencium
|
Matins respons 6
|
Hoc iudei persenserunt
moxque martham eiecerunt
et qui ei adheserunt
a iudea propulerunt
|
Matins verse 6
|
Post passionem domini
credentes suo nomini
|
Matins antiphon 7
|
Annunciavit gentibus
cum signis eminentibus
gloriam divine legis
salutare summi regis
|
Matins antiphon 8
|
Martha cum suis sociis
vacans deo non ociis
circumquaque predicavit
quia dominus regnavit
|
Matins antiphon 9
|
Convertitur ad dominum
mox multitudo hominum
qui per signa que viderunt
laudes deo cantaverunt
|
Matins respons 7
|
Venit martha super fretum
propter iudeorum metum
remi vela non dabantur
et cibi subtrahebantur
|
Matins verse 7
|
Sic secum ad marsiliam
suam duxit familiam
|
Matins respons 8
|
Urbs aquensis visitatur
et plebs multa baptizatur
martha signis et portentis
feritatem domat gentis
|
Matins verse 8
|
Avinionis finibus
et tarasconis syrtibus
|
Matins respons 9
|
Demum martha tarascono
illustrata dei dono
in aula sistitur heli
que cibavit regem celi
?Heli [alt: ?]
|
Matins verse 9
|
Erit perpes memoria
sua cum dei gloria
|
| |
Lauds antiphon 1
|
In domo sanctitudinis
decore pulchritudinis
suam hospitam locavit
orbem terre qui firmavit
|
Lauds antiphon 2
|
Introivit in atria
celestia nam latria
domino quam exhibebat
iesu christo complacebat
|
Lauds antiphon 3
|
Ad dei vultus gloriam
suam vertens memoriam
iesum christum siciebat
aliquando quem pascebat
|
Lauds antiphon 4
|
Laudantes benedicite
psalmis hymnos adicite
festa marthe celebrantes
et in deo gloriantes
|
Lauds antiphon 5
|
Celestibus in edibus
excelsis sedet sedibus
cantat ibi laudes deo
hospitata nunc cum eo
|
Lauds (gospel) special antiphon
|
Laudabiles exequie
celebrantur pro requie
marthe christus quam amavit
corpus eius tumulavit
per se gerens officium
commendat hoc exicium
|
| |
2nd Vespers (gospel) special antiphon
|
O celis digna
venerabilis hospita christi
que nova per signa
fidei vera dona dedisti
convertens gentes
baptizari sicientes
ad christum mentes
tua dirige iussa sequentes
lazarus e bustis
en te plorante vocatur
premia cum iustis
ut vivus promereatur
sic a peccatis
nobis quoque vivificatis
crimine conductum
vertas in gaudia luctum
|
full office name: