full office name: MARTHA (n7)
edition: AH 28 #18
calendar:July 29
structure summary: Vespers: ARE
Matins: secular
Lauds: A5E
2nd Vespers: E
poetic forms: Vespers: l{lh}.o
Matins: l.e$i{iT,iV,i}i3{iT,fo,i}lii{iT,il,il}
Lauds: i3oi.i
2nd Vespers: .l [”q]
type of saint: virgin
geographical information:.Provence, France
notes:virgin / feria 5
Persons: Martha Marthe Lazari Martham Lazaro Lazarum
Places: Tarascone

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
O quam predigna
quam felix martha benigna
hospita christi
suavi pietate fuisti
celi convivis
nos iungas celica civis
Vespers respons
Regem magnificum
pascentem cuncta creata
sumis ad hospicium
pascendum martha beata
Vespers verse
Manna suave cibas
et fonti pocula libas
Vespers (gospel) special antiphon
Magnificemus dominum
qui pro salute hominum
dives pauper deus homo
factus ut in marthe domo
panis vivus pasceretur
fonti potus largiretur
cuius nos patrocinio
paradisi iungat convivio
 
Matins I
Christum laudemus
cum martha glorificemus
quam sibi convivam
pietatis iunxit olivam
Matins antiphon 1
Hec martha dominum
angelorum et hominum
caro hospicio
suscepit servicio
Matins antiphon 2
Testimonium
domini fidele
dum utriusque
devote famule
commendat vitam
marthe activam
marie contemplativam
Matins antiphon 3
Innocenciam vite largiens
mundumque cor diligens
hoc castellum quesivit
in quo templa
gracie prescivit
Matins respons 1
Felix martha
soror lazari
cum maria
o digna famula
quam salvatoris
commendat gracia
et suavis
honorat amicicia
Matins verse 1
Diligebat iesus
martham piam
cum fratre lazaro
sororem mariam
Matins respons 2
Hec dum de morte
fratris conqueritur
a salvatore
fides queritur
que post fidei
confessionem
fratris videt
resurreccionem
Matins verse 2
Deo placens
et dilecta
et dilecto
serviens subiecta
Matins respons 3
Quadam die
excellencia
christi commendabat clemencia
cuius domum
sedulo visitavit
clementer fratrem
compaciens suscitavit
Matins verse 3
O predignum
laudibus preconium
tanti amoris
christi testimonium
Matins antiphon 4
Desiderans salutem eius
visitavit eam deus
ut medicus egrotam
corpore quam spiritu
curaret totam
Matins antiphon 5
Virtutum dominus illius
sedit cum bis senis fratribus
in circuitu mense ipsius
Matins antiphon 6
In medio discumbencium
medicus dans cibum mencium
fecit salutare convivium
Matins respons 4
Misit manum ad forcia
martha prudensque femina
fortis doctor
meruit consorcia
que predicando
sparsit verbi semina
Matins verse 4
Salvatoris conservabat
gesta verba
quod post eructabat
Matins respons 5
Dum tarascone draconem
duxit ad occisionem
zona vinctum velut agnum
plebis tripudium
effecit magnum
Matins verse 5
Pium miraculum videntes
collaudant afflicte gentes
Matins respons 6
Martha veneranda
gestis verbis admiranda
dum iuvenem suscitavit
laudes salvatoris
mirificavit
Matins verse 6
Actu voto christi gloriam
reverenciam
non querens propriam
Matins antiphon 7
Dicta sunt gloriosa
de te martha speciosa
hoc celebri festo
miseris pia mater adesto
Matins antiphon 8
In populis annunciemus
mirabilia que fecit deus
dum lazarum resuscitavit
suam dilectam letificavit
Matins antiphon 9
Tubis in ductilibus
psallamus cum laudibus
christo qui post
laudabilem vitam
suam sibi
iunxit amicam
Matins respons 7
Post obsequii laborem
carnisque maceracionem
christi dilecta diviciis
delata fruitur deliciis
Matins verse 7
Ut requies post laborem
et sequatur
gloria squalorem
Matins respons 8
Sancta martha
iam mortis hora instante
gaudet domino
se visitante
quam post tristia
vocat ad celestia
Matins verse 8
Veni hospita mea
veni dilecta mea
ad me quem amas
mente sancta fide vera
Matins respons 9
Fortis agonista
mundalia respuens ista
suaviter interius
oculis suspensa supernis
semper inherebas
dilecto quem cupiebas
Matins verse 9
Christo coniuncta
pete nobis prospera cuncta
 
Lauds antiphon 1
Martha insignis athleta
legisque domini decreta
que corde
meditatur dulciter
explicabat
sermone sagaciter
Lauds antiphon 2
Cumque verbo quam exemplo
hec columna
visa sit dei templo
digna veneratur apostola
fide actu+que
christi discipula
Lauds antiphon 3
Ministri tunc ecclesie
hanc matrem erant venerantes
et sanctitatis eximie
plenitudinem mirantes
Lauds antiphon 4
Vas gracie inexhaustum
deo dignum holocaustum
omnium genus expolitum
Lauds antiphon 5
Laudabilis dominus
in suis virtutibus
gratam sibi martham fecit
quam gratuitus
mirifice perfecit
Lauds (gospel) special antiphon
Videntes hec magnalia
in beata christi hospita
quam suis manibus
sepelevit dominus
fideles mirantur
angeli iucundantur
benedicentes deum deorum
in secula seculorum
 
2nd Vespers (gospel) special antiphon
Sanctum nomen domini
magnificent omnes populi
qui martham piam
sanctam invitavit ad patriam
promittens se daturum
vite gloriam
eius devote
agentibus memoriam
quorum nos consortes
in dileccione fortes
faciat ad suam laudem
per infinita
secula seculorum