full office name: MARTHA (n2)
edition: AH 18 #58
calendar:July 29
structure summary: Vespers: A5E
Matins: secular
Lauds: A5E
2nd Vespers: AE
poetic forms: Vespers: vi4.o
Matins: o.v3{o,is,i}oov{io,o,o}oii{is,o,o}
Lauds: iioov.o
2nd Vespers: v.o [”]
type of saint: virgin
geographical information:.Provence, France
notes:virgin / feria 5
Persons: Marthe Magdalena Martham
Places: Tarasconis

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Gesta marthe gloriosa
pange lingua domino
virgo fuit et famosa
sine ullo termino
Vespers antiphon 2
Claris orta natalibus
deo cara
piis splendet operibus
non avara
Vespers antiphon 3
Deo vite primordium
recta norma
dicans sive medium
pari forma
Vespers antiphon 4
Virile contubernium
impolluta
semper cavens ut gladium
mansit tuta
Vespers antiphon 5
Mundi carnis illecebris
virtuosa
calcatis vixit celebris
graciosa
Vespers (gospel) special antiphon
Simplex fuit absque fraude
angelorum digna laude
in hac valle miserie
pro corona terra plaude
pro concive celum gaude
in hac die leticie
 
Matins I
Adoremus creatorem
iesum mundi salvatorem
qui martham valde dilexit
in hac die celo vexit
Matins antiphon 1
Hec est martha gloriosa
christo patri pauperum
membris eius fructuosa
larga datrix munerum
Matins antiphon 2
Cuius nutu cuius cura
subsistit et regitur
universa creatura
ab hac christus pascitur
Matins antiphon 3
Quem sacra virgo lactavit
iacente cunabulis
martha magnum focillavit
cum suis discipulis
Matins respons 1
Exultet celum laudibus
resultet terra cantibus
in marthe natalicio
gratuletur in omnibus
pro datis sibi partibus
in hoc sacro sollemnio
Matins verse 1
Nam marthe corpus penitus
insignit terram spiritus
sic celum sine dubio
Matins respons 2
Frugi forti femina
sacra serit semina
dei verba
christi servis tegmina
dedit atque famina
non acerba
Matins verse 2
Per sacra spiramina
sic convertit agmina
sat superba
Matins respons 3
Hec in miris non defecit
sed in his valde profecit
dono ducis
aquam sacram dum hec iecit
vim draconis mox deiecit
valle trucis
Matins verse 3
Plebi vinctum quem subiecit
cuius morte se refecit
fructu crucis
Matins antiphon 4
Marthe soror est maria
magdalena que iugiter
audiebat verba pia
christi atque humiliter
Matins antiphon 5
Martha vero ministrabat
ipsi patri fidelium
pietatem exercebat
utilitati omnium
Matins antiphon 6
Sed clamans contra sororem
ministrabat eminus
cuius partem meliorem
tamen dicit dominus
Matins respons 4
In martha cibi parcitas
et vestitus asperitas
viguerunt
mentis carnis integritas
sensuumque frugalitas
inierunt
Matins verse 4
Verbi limata raritas
facti probata bonitas
splenduerunt
Matins respons 5
Digna fuit hec sanare
morbum omnem et curare
ab omni peste populum
et a morte revocare
iam defunctos et fugare
a pressis omnem zabulum
Matins verse 5
Potens fuit predicare
dei verbum et vitare
omne grave periculum
Matins respons 6
Gaude castrum tarasconis
quod refulges tantis donis
beate marthe gracia
in tuis namque colonis
magna fecit tam sermonis
quam facti luculencia
Matins verse 6
Ne sis expers racionis
hanc honora dignis donis
exigente iusticia
Matins antiphon 7
Harum fratrem suscitavit
iesus piis precibus
et a morte revocavit
reddens eum sororibus
Matins antiphon 8
Mira christi potencia
comprobatur
dum in plebis presencia
suscitatur
Matins antiphon 9
Sic christi beneficio
relegatur
sororum desolacio
quas solatur
Matins respons 7
Matris dei socia
martha fit egregia
nutriendo
nutritorem omnium
et vitam mortalium
appetendo
Matins verse 7
Quarum amicicia
nobis sit propicia
protegendo
Matins respons 8
Colletentur adiacentes
regiones et absentes
que marthe beneficia
sunt experte cuncte gentes
prope longe existentes
deo dicant alleluia
Matins verse 8
Nos condigne concinentes
erigamus ad hanc mentes
cum ingenti fiducia
Matins respons 9
Sicut est hec hospitata
christum a quo est translata
ad supernorum agmina
sic remissione data
sua prece deo grata
nostra lota sint crimina
Matins verse 9
Ut ita mente purgata
vita fruamur beata
cum ipsa pia domina
 
Lauds antiphon 1
Iam lucis orto sidere
sat valemus
in marthe vita legere
quod servemus
Lauds antiphon 2
Que hospitandi gracia
facta grata
iam quiescit in gloria
exaltata
Lauds antiphon 3
Quem in sua sepe domo
receptavit hilariter
verus deus verus homo
hanc celo vexit dulciter
Lauds antiphon 4
Quem abraham obumbratum
divino novit spiritu
illum hec iam humanatum
vidit carnis intuitu
Lauds antiphon 5
Deum martha deprecare
pro fideli populo
ut illum velit salvare
in eterno seculo
Lauds (gospel) special antiphon
Ora pro infidelibus
ut illustratis cordibus
sacrosancto pneumate
pulsis procul erroribus
induantur virtutibus
sano fulti dogmate
 
2nd Vespers antiphon
Martha draconem ligavit
et defunctum suscitavit
divina potencia
infirmitates curavit
errores evacuavit
ingenti constancia
2nd Vespers (gospel) special antiphon
Pia martha intercede
pro clero ut celi sede
digno divina gracia
facto christi coherede
angelorum semper ede
sit in eterna gloria