full office name: MARTHA (n1)
edition: AH 17 #58
calendar:July 29
structure summary: Vespers: E
Matins: secular
Lauds: A5E
2nd Vespers: E +
Vespers: E
poetic forms: Vespers: .v
Matins: v.fvs{sv,x,x}vos{o,o,se}xvs{vo,v,Io}
Lauds: sggsl.I
2nd Vespers: .o
Vespers: .o [”]
type of saint: virgin
geographical information:.Provence, France
notes:virgin / feria 5
Persons: Marthe Martha Iudith Frontone
Places: Bethania

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
Gaudeat ecclesia
exultent omnes populi
vocum resultent moduli
ad marthe sollemnia
que sanctorum angelorum
iam gaudet hospicio
cuius hospes det ut sospes
nostra sit intencio
qua secuti christum tuti
sub eius imperio
conversemur et letemur
in celesti solio
 
Matins I
Christo regi decantemus
devotum preconium
cui cum martha preparemus
pectoris hospicium
Matins antiphon 1
Hec cum celi conditorem
hospita reficit
inimicum et ultorem
virtute subicit
Matins antiphon 2
Christi verbis exequendis
miro vacat studio
in quibus custodiendis
multa retribucio
Matins antiphon 3
Hec est generacio
querencium dominum
cuius deprecacio
fructus reddit seminum
Matins respons 1
Martha natu nobilis
sed vita nobilior
in prosperis humilis
in adversis pocior
sprevit mundi gloriam
et carnis lasciviam
iam mente sublimior
Matins verse 1
In camino caritatis
fructum probans castitatis
omni vitro purior
Matins respons 2
Decora facie
refulsit moribus
pressit virtutibus
legem superbie
subdens egregie
annos infancie
legis apicibus
Matins verse 2
Etatis tenere
actus nobilitat
et christo vivere
honeste cogitat
Matins respons 3
Ut crescit corpore
crescit virtutibus
studet pro tempore
piis operibus
que regi omnium
parat hospicium
fideli pectore
Matins verse 3
Huius preconium
attollat laudibus
turba fidelium
Matins antiphon 4
In mundane pravitatis
pugnatura stadio
supra femur castitatis
se precinxit gladio
Matins antiphon 5
Si surgat tribulacio
deum habet refugium
si hostis persecucio
christus est adiutorium
Matins antiphon 6
Constructo cenobio
aggregat collegium
ut sicut letancium
fiat habitacio
Matins respons 4
Felix martha sollicita
cuius extat officium
disponendi convivium
quo pascat sensu predita
christum cui mente subdita
pium prebet obsequium
Matins verse 4
Licet per ministerium
turbetur erga plurima
ad unum necessarium
fide currit promptissima
Matins respons 5
O singularis gracia
christum in carne recipit
quem intus fide concipit
imitandum per omnia
et spreta pompa generis
exemplo christi pauperis
fit pauper voluntaria
Matins verse 5
Non mundanis angustiis
alteratur intencio
sed abiectis mollitis
se castigat cilicio
Matins respons 6
Draconis ferocitas
fit mitis et humilis
cum marthe laudabilis
supervenit sanctitas
et novo miraculo
quem armati populi
non audent invadere
vinctum in signaculo
crucis salutifere
comprehendit cingulo
Matins verse 6
Iam iudith audacia
per hanc innovatur
dum plebs liberatur
sub eius potencia
Matins antiphon 7
Cantate domino
devotis vocibus
martha sedibus
fruitur superis
iam vite veteris
elapso termino
Matins antiphon 8
Exultet terra laudibus
et letentur insule
pro laudis operibus
tam felicis famule
Matins antiphon 9
Quia mirabilia
per hanc fecit dominus
expellantur eminus
carnis odibilia
Matins respons 7
Iam de vita meliori
martha felix anxia
addit laborem labori
mira paciencia
artam vitam arciori
stringens abstinencia
Matins verse 7
Structo namque cenobio
in christi patrocinio
sacra vocat consorcia
Matins respons 8
Ecce iam dies exitus
advenit opportunus
ecce iam marthe spiritus
post gloriosum obitum
in celis collocatur
et iam obtenta gloria
quem pavit in bethania
in sion speculatur
Matins verse 8
Felix atque laudabilis
que facta quondam humilis
nunc celo sublimatur
Matins respons 9
Descendit de celis
christus ad funebria
hospite fidelis
res digna memoria
nam astante populo
corpus sancte famule
cum frontone presule
mancipavit tumulo
Matins verse 9
O felices exequie
que summi regis glorie
decorantur presencia
 
Lauds antiphon 1
Angelis paulo minus
deo fit placabilis
quam dilexit dominus
in altis mirabilis
Lauds antiphon 2
In procella seculi
stat fortis ut leo
ergo cuncti populi
iubilate deo
Lauds antiphon 3
Ut nil agat perperam
de supernis certa
vitam ducit asperam
in terra deserta
Lauds antiphon 4
Benedicant humiles
deum super omnia
qui natura debiles
coronat victoria
Lauds antiphon 5
Iam celis imperantem
laudat plena virtutibus
quem pavit conversantem
in terris cum hominibus
Lauds (gospel) special antiphon
O bonitatis speculum
ministra pietatis
castitatis cingulum
magistra sanctitatis
succurre te colentibus
tuis benignis precibus
ut consummato stadio
tecum tuo suffragio
letemur in hospicio
superne civitatis
 
2nd Vespers (gospel) special antiphon
Quam benedicta femina
que meruit recipere
christum lavantem crimina
potuque cibo pascere
mense+que tanti domini
vitam activam agere
 
Vespers (gospel) special antiphon .a
O christi felix hospita
pium tenens officium
o famulatrix inclita
deo prebens obsequium
ipsum redde propicium
per gloriosa merita