| |
| |
Vespers antiphon
|
Instanti sollemnio
assurgentes devocio
nostra gratuletur
marie egypcie
laudis multifarie
titulus donetur
|
Vespers respons
|
Vir sanctus zosimas
venerabile corpus marie
sepelit rigatum
lacrimis devocionis pie
sollicitusque de
eius vocabulo
nomen gloriosum
legit in sabulo
|
Vespers verse
|
Corpus eius in pace sepultum est et nomen eius vivet in eternum
|
Vespers (gospel) special antiphon
|
Magnificetur dominus
a sanctis et fidelibus
qui pulsam ab uberibus
mariam lotis pedibus
duxit in solitudinem
dans cordis latitudinem
|
| |
Matins I
|
Iubilemus christo regi
qui sanctorum iunxit gregi
mariam egypciacam
per abundantem graciam
|
Matins antiphon 1
|
In ingressu marie
de viciorum barbarie
facta est confessio
eius sanctificacio
hec est dextere
dei mutacio
|
Matins antiphon 2
|
Que vite veteris
tunica dum se spoliavit
celesti sponso
thalamum nova sponsa paravit
|
Matins antiphon 3
|
Ista in ierusalem
filia ierusalem
et in templo domini
fit templum sanctum domini
|
Matins respons 1
|
Beatum virum zosimam
deus ad suam gloriam
declarandam que latuit
mutare locum voluit
|
Matins verse 1
|
Secretum regis celare bonum est gloriam dei revelare honorificum
|
Matins respons 2
|
Cumque iuxta canonem
claustri per solitudinem
iret statuto tempore
vidit angelum in corpore
|
Matins verse 2
|
Emicuit gemma
david exornans diadema
|
Matins respons 3
|
Maria non parcens ori
sancto pandit seniori
lapsus vite pristine
pressa pridem ac depressa
peccatorum pondere
post levata levigata
corpus librat in aere
!Aere [alt: ?]
|
Matins verse 3
|
Suspendium enim elegit anima eius et mortem ossa eius
|
Matins antiphon 4
|
Posuit dominus
desertum in delicias
sicut veridicus
predixit isaias
dum mariam egypciam
illustravit per graciam
|
Matins antiphon 5
|
Non erit amplius desolata
nec vocabitur
ultra derelicta
que adhesit domino
corde perfecto
fideque non ficta
|
Matins antiphon 6
|
Elongavit fugiens
et mansit
in eremi vastitate
expectans dominum
qui salvavit
eam tempestate
|
Matins respons 4
|
Benedictus
pater misericordiarum
qui salutem
procurat animarum
per quem vas contumelie
fit vas misericordie
|
Matins verse 4
|
Benedictus deus
tocius consolacionis
qui suam famulam
replevit charismatum donis
|
Matins respons 5
|
Que conscripta paccione bona
coram dei genetricis icona
adorato ligno sancte crucis
dirigit pedes in viam salutis
|
Matins verse 5
|
Quam pulchri sunt gressus tui in calciamentis filia principis
|
Matins respons 6
|
Vultum lavans in iordane
confortatur christi pane
pergit bene currit tute
in virtutem de virtute
transit hoc edulio
|
Matins verse 6
|
Panem celi dominus dedit ei panem angelorum manducavit homo
|
Matins antiphon 7
|
O mira dei bonitas
o predicanda pronitas
ad succurrendum homini
qui invocat nomen domini
|
Matins antiphon 8
|
Denigrata est cutis eius
super carbones ignis
et non est agnitus
vultus eius in plateis
|
Matins antiphon 9
|
Nigra sum filie
ierusalem et formosa
facta sum dilecta
dilecto ex odiosa
|
Matins respons 7
|
Tres ad victus corporales
secum deportarat panes
quibus in eremo vasta
multis annis fuit pasta
|
Matins verse 7
|
Non enim in solo pane vivit homo sed in omni verbo quod prodit ex ore dei
|
Matins respons 8
|
Corde sursum ad
deum intento
maria unius
hore momento
in locum sancte
dormicionis reducitur
posito corpore
libere deo fruitur
|
Matins verse 8
|
Sicut cervus desiderat ad fontes aquarum ita desiderat anima mea ad deum vivum
|
Matins respons 9
|
O maria mater pia
penitentum que es via
supplicantes die isto
nos commenda iesu christo
qui te claram virtutibus
locavit in celestibus
|
Matins verse 9
|
Veni electa mea et ponam in te thronum meum quia concupivit rex speciem tuam
|
| |
Lauds antiphon 1
|
Mirabilis dominus
in altissimis mariam
mirabiliter exaltavit
|
Lauds antiphon 2
|
Iubilemus domino
in cordis exultacione
qui mariam revelavit
in crucis exaltacione
|
Lauds antiphon 3
|
Apparuit domino maria
in terra deserta et invia
ut videret virtutem
eius et gloriam
uberem consecuta
misericordiam
|
Lauds antiphon 4
|
Benedicant dominum
omnes creature
quas finxit
qui mariam beatissimam
larga manu benedixit
|
Lauds antiphon 5
|
Laudemus dominum
devotissime cum angelis
qui pro marie penitencia
gaudent in celis
|
Lauds (gospel) special antiphon
|
Benedictus deus
christianorum
qui conversionem
vult peccatorum
qui interventu
matris misericordie
eduxit mariam
de lacu miserie
quam post perfectam
penitenciam
ad suam suscepit
presenciam
|
| |
2nd Vespers (gospel) special antiphon
|
Decoratur virtutibus
anima marie
illustratur divinitus
dono prophecie
eius sacro corpori
dum terre commendatur
bestiarum fortissimus
leo famulatur
|
| |
Matins respons .a1
|
Veste sua vetustate
trita sancta nuditate
nudum christum sequitur
die estu
nocte gelu
per omne corpus uritur
|
Matins verse .a1
|
Nolite me considerare quod fusca sum quia decoloravit me sol
|
Matins respons .a2
|
Perceptis devotissime
sacramentis christi
maria precatur in pace
iam se dimitti
super fluenta iordanis
constanter graditur
celestem patriam
incunctanter ingreditur
|
Matins verse .a2
|
Hec requies eius in seculum hic habitabit quoniam elegit eam
|
| |
2nd Vespers (gospel) special antiphon .a
|
Deus misericordia dives
a progenie in progenies
vocat mariam
misericordiam
consecutam
hodie transferens eam
ad mansionem tutam
ubi nec dolor nec gemitus
ibi pro suis oret supplicibus
|
full office name: