full office name: MARIA of Egypt (n1)
edition: AH 17 #54
calendar:April 02
April 09
April 10
structure summary: Vespers: AE
Matins: secular
Lauds: A5E
Hours (little hours): A4
2nd Vespers: E
poetic forms: Vespers: $.i
Matins: v.v3{v,iv,v}ovv{vs,v,qv}v3{lv,iv,iv}
Lauds: ggfsg.v
Hours (little hours): v4
2nd Vespers: .o [”q]
type of saint: hermit martyr
notes:martyr
hermit
Persons: Zosimas
Places: Egypto Ethiopissa

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Gaudent omnes
cives angelici
gaudent devoti
et solitarii
quia surgendi
dat spem presidii
maria spretis viciis
Vespers (gospel) special antiphon
Exemplar vite o maria
norma penitencie
anachoritarum via
et cultrix mundicie
felix es et deo grata
cui dimissa peccata
regnas nunc cum angelis
 
Matins I
Iubilemus deo nostro
ut det nobis veniam
qui mariam ab egypto
transtulit in gloriam
Matins antiphon 1
Gaude felix et beata
cui dimissa peccata
regnas nunc cum angelis
Matins antiphon 2
Iuva mater nos clamantes
et pro culpis lamentantes
gementes a crimine
Matins antiphon 3
Spem dans lapsis et contritis
ab excessibus commissis
possidendi gloriam
Matins respons 1
Penitencie rigorem
promptitudinis fervorem
assumens viriliter
tribus panibus acceptis
non desistit ab inceptis
eremum ingreditur
Matins verse 1
Penitenciam cum brutis
et animalibus mutis
peragens asperrimam
Matins respons 2
Fortitudinem et timorem
superans femineum
cum ardorum tum fervorem
sumis et virilium
audacter eremum intras
nec pavescis nec formidas
Matins verse 2
Constanter sola pertransis
nec horrescis nec tremescis
prout solent femine
Matins respons 3
Austeralem vitam monstras
inimicum nostrum prostras
tua penitencia
vitamque sumens penalem
asperum cibum brutalem
sociatem feralem
Matins verse 3
Conversata es cum brutis
munita signo salutis
non querens solacia
Matins antiphon 4
Vere felix et beata
in exemplum conversata
excellis vitam hominum
Matins antiphon 5
Famem sitim et calores
angustias et terrores
ferens et supplicia
Matins antiphon 6
Pusillis datur conamen
ferre penas et iuvamen
ut ferant audacius
Matins respons 4
Solitudinem ingressa
cogitans a se perpessa
dolet amarissime
penitenciam acerbam
contra vitam tam protervam
assumit viriliter
Matins verse 4
Ardenter non territa
solitaria vita
constanter perficitur
Matins respons 5
Felix illa solitudo
in qua splendet sanctitudo
tante penitencie
ubi maria mundatur
a peccatis et curatur
labore penurie
Matins verse 5
Recolens vitam pristinam
querit gloriam divinam
pro obtentu venie
Matins respons 6
Nuda sine vestimentis
usta a sole et ventis
pilosa efficitur
(-)/ spissa
facta ut ethiopissa
horrida innuitur
Matins verse 6
Vitam ducit tam acerbam
comedens fenum et herbam
velut fera pessima
Matins antiphon 7
Supplicamus ergo pia
tibi felix o maria
pro nostris criminibus
Matins antiphon 8
Fac nos hic sic penitere
ut post mortem promerere
valeamus gloriam
Matins antiphon 9
Ut tecum semper gaudere
paradisum possidere
queamus feliciter
Matins respons 7
Sciens solucionem
sue carnis funccionem
ut reddat tunc debitum
letanter est consolata
ut accipiat oblata
sacrum emisit spiritum
Matins verse 7
Et angeli adfuerunt
qui eum deportaverunt
in suum consorcium
Matins respons 8
Senex quoque zosimas venit
inanime corpus invenit
flevit amarissime
querit illud sepelire
nequit tamen aperire
tumulum ut fodiat
Matins verse 8
Leo ferox statim venit
iuvat senem quem invenit
pariter sepeliunt
Matins respons 9
Iubilas nunc o maria
cum celesti hierarchia
in beata patria
supplicamus ergo pia
iuva viantes in via
tua prece solita
Matins verse 9
Ut tecum semper gaudere
paradisi possidere
queamus felicia
 
Lauds antiphon 1
Caritate fervida
ardenter dilexit
deum et sollicita
qui eam protexit
Lauds antiphon 2
Virtualis femina
a deo amata
exemplum dans domina
virtute ornata
Lauds antiphon 3
Tua penitencia
exemplum dans cunctis
excellis continencia
virtutibus multis
Lauds antiphon 4
Mirabilis domina
atque benedicta
tua penitencia
extinguis delicta
Lauds antiphon 5
In te laudant maria
deum omnes sancti
angeli dant gloriam
domino regnanti
Lauds (gospel) special antiphon
Festivitatem hodie
celebret ecclesia
qua triumphalis maria
ab inimicis in via
obtinet victoriam
 
Prime antiphon
Hora prima orat deum
ut tota die in eum
ferat sine crimine
Terce antiphon
Hora tercia prostrata
exemplo christi conversa
preces dat pro omnibus
Sext antiphon
Hora sexta sumit cibum
asperum et penativum
ut det vitam corpori
!Penativum [alt: ?]
Nones antiphon
Hora nona contemplatur
mente rapta memoratur
totam celi curiam
 
2nd Vespers (gospel) special antiphon
Vere felix et beata
in exemplum conversata
vivens virtualiter
cui dimissa peccata
in celis es coronata
deum laudans assidue