| |
| |
A verse LR
|
Lux lucis et fons luminis
est christus proles virginis
davidice propaginis
homo redemptor hominis
|
A verse LV
|
Qui margaritam virginem
fulgentem luce gracie
illuminavit radio
splendoris sue glorie
|
A verse CA
|
Erumnis mundi variis
afflictis et merentibus
o margarita subveni
nobis beatis precibus
fac ut purgati viciis
et peccatorum sordibus
intremus locum glorie
quo fruamur celestibus
|
A verse IR
|
Nos margaritam martyrem
sollemnibus cum gaudiis
veneremur et virginem
cum debitis obsequiis
ut suum patrocinium
in cunctis necessariis
det nobis apud dominum
cum precibus propiciis
|
A verse IV
|
Hec margarita canduit
virginitatis lilio
ut rubens rosa floruit
rubricata martyrio
|
A verse IA1
|
Est in virtute domini
margarita liberata
et est in eius nomine
salva facta coronata
|
A verse IA2
|
A dextris tuis domine
in deauratis vestibus
stat margarita variis
circumdata virtutibus
|
A (gospel) verse _E
|
Christum iesum magnificum
magnificet ecclesia
qui margaritam virginem
magnificat in patria
|
A verse B$
|
Caritate inflammata
margarita est parata
pro christo mortem sumere
magis quam mundo vivere
|
| |
A M _R1
|
Virginitate subiicit
hec carnis petulanciam
contemptu temporalium
conculcat avariciam
humilitate reprimit
diaboli superbiam
|
A M _V1
|
Quam fortis quam mirabilis
margarite constancia
que carmen mundum demonem
subegit cum victoria
|
A M _A1
|
Prudens virgo margarita
nescit in delicto torum
celi terre regem colens
cultum spernit idolorum
|
A M _R2
|
O quantum commendabilis
est virginum prudencia
que sponsum carnis respuens
relinquit transitoria
eternum sponsum eligens
amplectitur celestia
|
A M _V2
|
O quam felix conubium
christi atque margarite
in quo nullum divorcium
sed perdurat factum rite
que beata nunc residet
cum celesti sponso vite
|
A M _A2
|
Passa pro christi nomine
multas penas margarita
cum supernorum agmine
sempiterna gaudet vita
|
A M _R3
|
Virtutum septe floribus
et gemmis corruscantibus
margarite quam meruit
christus coronam tribuit
|
A M _V3
|
Hec martyr virgo sapiens
pro christo mortem paciens
celi choros ingreditur
bonis optatis fruitur
|
A M _A3
|
Dat margarite dominus
in animo constanciam
per quam tormenta superans
intravit donans gloriam
|
| |
A Q $A1
|
Hec margarita nobilis
extitit anciochena
elegans mente corpore
virgo decens et amena
|
A Q $R
|
Ornata virgo lampade
margarita ingreditur
nupciale convivium
cum christo que reficitur
|
A Q $V
|
Margarita non extitit
de fatuis virginibus
que pleno vase oleo
intravit cum prudentibus
|
A Q $A2
|
Margarite colletemur
de corona triumphali
qua coronatur hodie
choro iuncta virginali
|
A Q $A3
|
Hec tormentis laniata
margarita candidata
christo sponso copulata
non est deos venerata
|
| |
A L HR
|
A christo non potuit
sevis penis separari
hec virgo quem noverat
hec sponsum sine pari
et quem predilexerat
amore singulari
|
A L HV
|
Predilectam predilectus
et ex millibus electus
margaritam preelegit
quem pre cunctis hec dilexit
|
A L LR1
|
Margarita fortissima
iuvenis puella
contra sevum olybrium
christi gessit bella
que per acuta fidei
hunc devicit tela
|
A L LV1
|
Carnis mundi diaboli
regna per fidem despicit
perquam prudens hec omnia
victoriose subiicit
|
A L LR2
|
Margarita consodalis
sancti cetus virginalis
christi sponsa est regalis
qui est sponsus speciosus
nobilis et generosus
super omnes gloriosus
|
A L LV2
|
Non in mundo sponsus talis
reperitur iste qualis
qui est prudens liberalis
sponsus dives immortalis
|
A (gospel) L _E
|
Benedictus ab omnibus
sit dominus viventibus
qui benediccionibus
margaritam perennibus
replet in celi sedibus
|
| |
A H _A1
|
Iesu nostra medicina
qui de mortis nos ruina
morte crucis liberasti
et ad vitam revocasti
da margarite precibus
fruamur ut celestibus
|
A H _A2
|
Cantemus deo gloriam
nos redemptori omnium
qui margarite virgini
celeste donat bravium
|
A H _A3
|
Omnia dei opera
ipsi benedicite
de margarita virgine
hymnum sibi dicite
|
A H _A4
|
Domini nomen laudemus
vocibus sonoris
honoremus margaritam
omnes cunctis oris
|
A H B$
|
Hec margarita candida
virginali mundicia
parvum se deo prebuit
humilitatis gracia
se virtuosam reddidit
virtutum affluencia
|
| |
A $_A1
|
Gaude virgo margarita
que pro christo data vita
carnis celi sede sita
es corona redimita
|
A $_A2
|
Magnificemus dominum
magnificis cum laudibus
qui margaritam virginem
magnificat perennibus
diviciis deliciis
perpetuis honoribus
|
A $_A3
|
Hec margarita graciam
partu periclitantibus
impetravit a domino
devote hanc rogantibus
ut prolem suam pariant
illesam suis precibus
|
A $_A4
|
Non seducta blandimentis
non promissis non tormentis
hec margarita idola
colit sed spernit frivola
|
A $_A5
|
Hec de quinque prudentibus
christo sponso est unita
et intrans leta nupcia
est corona insignita
|
A $_A6
|
Carnalem sponsum respuit
in presenti virgo vita
regem regum preeligens
christum sponsum margarita
|
| |
A K _A
|
Hec margarita sanguinem
christi compensat sanguine
quem ipsa mortem paciens
fudit pro eius nomine
|
full office name: