full office name: MARGARETA (n18)
eccles:mon
calendar:July 20
manuscript: 1 :CPU xii c 7a {Box 80}
structure summary: Vespers: A4
Matins: A12R.ERR
Lauds: AE
Hours (little hours): A4
poetic forms: Vespers: v4
Matins: v6l5q{qg}.g{i,pl}
Lauds: g.g
Hours (little hours): g4 [”q]
type of saint: virgin martyr
notes:virgin / feria 5
Persons: Margareta

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
O preclara virgo multum
cuius inflammavit vultum
sponsus dulcis virginum
Vespers antiphon 2
Iesus noster propugnator
castitatis et amator
et scrutator cordium
Vespers antiphon 3
Iuva christe nos astare
laudibusque declamare
virginis preconium
Vespers antiphon 4
Hec est illa quam quesivit
regum rex et concupivit
salvator fidelium
 
Matins antiphon 1
Margareta flos pudoris
quam sublimis castitas
quam virtutis et honoris
succinxit immensitas
Matins antiphon 2
Iuva nos adesse choris
ubi regnat bonitas
ubi merces salvatoris
et eterna claritas
Matins antiphon 3
Fide florens omnis etas
transit ad supernas metas
ubi viges atque letas
obtinet divicias
Matins antiphon 4
Ubi astant sine fine
regi reges et regine
decentesque concubine
regenti delicias
Matins antiphon 5
Virens rosa margareta
supernorumque roseta
supples caritate feta
tuum post excidium
Matins antiphon 6
Nobis velis obtinere
quod possimus possidere
regnum in quo regnas vere
nostrum post exilium
Matins antiphon 7
Martyrio puncta
dominum qui pectora cuncta
aspicit hec grata
collaudat virgo beata
Matins antiphon 8
Regem glorificat christum generacio casta
gracior illustrat
pius hanc in turbine vasta
Matins antiphon 9
Amplius amplificat
laudes christo sine mora
regi quem clamitat
sponsatum virgo decora
Matins antiphon 10
Eternum verbum
ructat frangitque superbum
timida virginitas
iuvat hanc divina potestas
Matins antiphon 11
Adiuvat ad vitam
dominus quoque virginis aulam
perpetuat mundam
de mundo sanctificatam
Matins antiphon 12
In civitate dei tenet ipsa locum requiei atque deo vincla regnat sine (- fi{} leaf missing)/
Matins respons 8
(- Leaf missing)/ funde
Matins verse 8
Tui festi gaudia
nos colentes adiuva
inter tot pericula
mundi sevientis
Matins (gospel) special antiphon
Florem fructu nobilem
rosamque decoris
duxit fide stabilem
ortus redemptoris
Matins respons 11
Sancta margareta
christi virgo audi rogantes
famulos et impetratam
celitus tu defer indulgenciam
Matins verse 11
O margareta sidus aureum
domini gracia
famulorum gemitum
respice pia
Matins respons 12
Martyr sancta dei margareta ave flagrans igne fidei
flammas sprevisti tortorum victima christi
qui fedant mores precibus restringe calores
Matins verse 12
Crescat ut in nobis
divini fervor amoris
 
Lauds antiphon 1
In tantis virtutibus
famule fidelis
laudet omnis spiritus
dominum de celis
Lauds (gospel) special antiphon
Pacis viam transiens
una reginarum
regem placa dirigens
dona graciarum
donet nobis gaudia
tuum per iuvamen
deus super omnia
benedictus amen
 
Prime antiphon
Adest vere dominus
corpori afflicto
quod nescivit penitus
torum in delicto
Terce antiphon
Flos pro flore teritur
dulce fit amarum
dum per mortem queritur
salus animarum
Sext antiphon
Rursus post martyrium
amarum dulcescit
dum migrans ad dominum
hec virgo quiescit
Nones antiphon
Christum exorabilem
fac quem credidisti
virgo quia labilem
mundum devicisti