| |
| |
Vespers antiphon 1
|
Summi regis ad honorem
letetur ecclesia
celebrando margarete
virginis sollemnia
|
Vespers antiphon 2
|
Que de stirpe procreata
preclara gentilium
vana sprevit fide rata
deum colens omnium
|
Vespers antiphon 3
|
Mox ex alvo matris nata
nutrici committitur
cuius curis educata
matre destituitur
|
Vespers antiphon 4
|
In primeva iam etate
florens deum coluit
cuius fervens caritate
vana mundi rapuit
|
Vespers antiphon 5
|
Nostre semper sit salutis
margareta informatrix
nos ad dei ferens laudem
ut filia ierusalem
|
Vespers respons
|
Virgo prudens et formosa
parenti fit odiosa
dum diis cultum denegat
sed per fidem generosa
summo fit electa rosa
patri quem dilexerat
|
Vespers verse
|
Corde puro
menteque sedula
deum verum
colit orphanula
|
Vespers (gospel) special antiphon
|
O iubar ecclesie
lux serena virginum
decus anciochie
lucerna gentilium
vexillum victorie
columna debilium
funde preces hodie
pro nobis ad dominum
|
| |
Matins I
|
Ad lumen vite
cuncti vigilando venite
virginis ut festo
iubiletur gloria christo
|
Matins antiphon 1
|
Festum sponse generose
festum plenum gaudio
sponse christi speciose
summo colant studio
|
Matins antiphon 2
|
Hec in annis regnum mundi
spernens puerilibus
non timebat sevis tundi
pro christo verberibus
|
Matins antiphon 3
|
Hanc ob miram diligenti
cura pulchritudinem
nutrix servat dum orbatam
matre cernit virginem
|
Matins respons 1
|
Tyrannorum
prefectus impius
nomen christi
studens olybrius
delere cicius
venit ab asia
anciochiam
fervens invidia
|
Matins verse 1
|
Vicina transiens
per loca virginem
pascentem conspicit
oves prenobilem
|
Matins respons 2
|
Margarete contemplatus
miram pulchritudinem
mox ardescit profanatus
in illius speciem
servos mittit et precatur
verbis blandis virginem
|
Matins verse 2
|
Promittit varia
sed et amabilem
sibi coniungere
spondet in coniugem
|
Matins respons 3
|
Contemnit impium
puella tenera
nec mulcent micia
nec terrent aspera
constantis animi
nam inter verbera
dilectum baiulat
quem colunt ethera
|
Matins verse 3
|
Fide firma
perstat immobilis
deridens minas
scelesti iudicis
|
Matins antiphon 4
|
Oves pascens cum puellis
nutricis virguncula
sic honoris et decoris
declinat pericula
|
Matins antiphon 5
|
Sponsa sponso copulata
cordis desiderio
sociari sibi gliscit
corporis martyrio
|
Matins antiphon 6
|
Metu pene non gravatur
pugnatricis animus
nec a deo separatur
mens trita doloribus
|
Matins respons 4
|
O mirandum predicandum
divinum consilium
in puella nova bella
rex exercet omnium
que tyrannum infra annum
vicit quintum decimum
|
Matins verse 4
|
Ovis lupum
columba vulturem
philomena
sternit accipetrem
|
Matins respons 5
|
In tormentis virginem
dum invictam conspicit
tyrannus in carcerem
tetrum trudi precipit
sed nec sic immobilem
commovere sufficit
|
Matins verse 5
|
Signo crucis
munita carcerem
intrat hostem
non timens veterem
|
Matins respons 6
|
Ave virgo sancta martyr
margareta
ex lapide precioso
nuncupata
que serpentes superasti
nec tormenta formidasti
te precantes
da hostes vincere
et carnales
motus restinguere
|
Matins verse 6
|
Tu flos agri tu lilium
non marcescens convallium
|
Matins antiphon 7
|
Omnis decor rex decoris
collaudetur cordis oris
predulci tripudio
margaretam qui nitoris
veste claram iunxit choris
superum cum gaudio
|
Matins antiphon 8
|
Spe mercedis ad quam virgo
totis tendens viribus
ictibus occumbit gratis
lictorum ferocibus
|
Matins antiphon 9
|
Sapienter pro supernis
commutat terrestria
pro perfectis et eternis
mundi transitoria
|
Matins respons 7
|
O miranda nimium
virginis constancia
turba circumstancium
flet in abundancia
videns corpus tenerum
pati tot supplicia
|
Matins verse 7
|
Prefectus ipse
non valens impius
videre faciem
operit vestibus
|
Matins respons 8
|
Prefectus igitur
infectus scelere
nec sic afflictam
ferens evadere
novo iam utitur
tormenti genere
perpulchre viole
virorem ledere
|
Matins verse 8
|
In vase sanctam
repleto flumine
summergi iubet
ligato corpore
|
Matins respons 9
|
De dracone triumphasti
dum terrena conculcasti
et cum eo quem amasti
gaudes iam in gloria
|
Matins verse 9
|
Mente tendens ad superna
spernens mundi gaudia
|
| |
Lauds antiphon 1
|
Lictores igitur
mactantes virginem
abhorrent sceleris
sui tyrannidem
|
Lauds antiphon 2
|
Affantur nymphulam
dicentes talia
dolemus super te
virgo pulcherrima
|
Lauds antiphon 3
|
Consenti equidem
nostris consiliis
ut possis vivere
dotata variis
|
Lauds antiphon 4
|
O mali inquit
consiliarii
pro penis istis
spem gero gaudii
|
Lauds antiphon 5
|
Turba canat virginum
frequentando canticum
congaudendo virgini
quam vocavit virginum
rex in chorum hodie
iugiter canencium
|
Lauds (gospel) special antiphon
|
Benedictus dominus
deus israelis
qui columbe pandere
merita fidelis
per columbam voluit
que sertum de celis
ore tulit aureum
invitans ad gaudium
martyrem rachelis
|
| |
2nd Vespers (gospel) special antiphon
|
Beatissima
christi virgo margareta
splendidissima
sanctorum margarita
laus angelorum
spes peccatorum
sidus aureum
inter choros martyrum
fac nos quesumus
meritis tuis et precibus
gaudendo gaudere
in celestibus
|
| |
Matins I .a
|
Exultando iubilemus agno sponso virginum
margaretam qui vocavit ad eternum iubilum
|
| |
2nd Vespers (gospel) special antiphon .a
|
O laudanda
christi clemencia
cuius admiranda
in beata margareta
resplendent opera
que vere fidei
constancia
nulla tormentorum
mota est sevicia
ipsa nos prece sanctissima
in celesti collocet gloria
|
full office name: