full office name: MARGARETA (n13)
edition: AH 28 #3
calendar:July 20
structure summary: Vespers: AE
Matins: secular
Lauds: A5E
2nd Vespers: E +
Vespers: EA5
poetic forms: Vespers: l.i
Matins: l.l$l{iT,io,iT}i3{io,oi,i}lii{io,$i,lh}
Lauds: i3vi.i
2nd Vespers: .i
Vespers: .iolovi [”q]
type of saint: virgin martyr
notes:virgin / feria 5
Persons: Margareta Margarete Olybrius

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
O margareta
celorum virgo secreta
iam conscendisti
suavissima victima christi
ora pro nobis
virtus quo crescat amoris
Vespers (gospel) special antiphon
Magnificemus dominum
salvatorem omnium
in spiritu exultantes
et festum celebrantes
beate margarete
ancille humilis sue
nos ut eiusdem precibus
criminum expurgemur fecibus
 
Matins I
Auctorem vite
christum laudare venite
cui margareta
corregnat in ethere leta
Matins antiphon 1
Hec virgo predicans
nomen tuum christe bone
a te meruit coronari
gloria et honore
Matins antiphon 2
Testimonium domini fidele
sapienciam prestitit parvule
hostis ideo sevissimus
non dominatus est eius
Matins antiphon 3
Innocenciam retinens
mundumque cor diligens
per penas temporales
portas introivit eternales
Matins respons 1
Felix igitur margareta
sacrilego sanguine progenita
fidem quam spiritu
sancto percepit
viciorum maculis
non infecit
Matins verse 1
Ibat de virtute
in virtutem
ardenter siciens
anime salutem
Matins respons 2
Hec modica
quidem in malicia
sed mire vigens
pudicicia
preventa gracia redemptoris
oviculas pascebat nutricis
Matins verse 2
Simplex fuit ut columba
quemadmodum serpens astuta
Matins respons 3
Quadam die olybrius
molestus deo et hominibus
dum transiens visum
in illam sparsit
mox in concupiscencia
eius exarsit
Matins verse 3
Erat enim
nimium formosa
in vultu scilicet
floruit ut rosa
Matins antiphon 4
Desiderans speciem eius
benedixit eam deus
trahens illam ad se
in leticia et exultacione
Matins antiphon 5
Virtutum dominus
susceptor illius
arcum potentis confregit
qui carnaliter eam occidit
Matins antiphon 6
In medio templi
regis sempiternam
misericordiam suscepit
qua iugiter gaudebit
Matins respons 4
Misit protinus clientes
ad inquirendos
eius parentes
ut si libera probaretur
in coniugium
sibi copularetur
Matins verse 4
Sed hanc qui desponsaverat
non ita preordinaverat
Matins respons 5
Cum tyrannus intellexit
quod eum virgo despexit
iussit eandem iratus
suis presentari tribunalibus
Matins verse 5
Quam sperans
puellarum more
minis flecti
subiuncto terrore
Matins respons 6
Virgo veneranda
in magna stans constancia
verba contempsit iudicis
nil cogitans de rebus lubricis
Matins verse 6
Celestis premii spe gaudens
in tribulacione erat paciens
Matins antiphon 7
Dicta sunt gloriosa
de te virgo speciosa
sis memor hinc nostri
devotos quos tibi nosti
Matins antiphon 8
In populis annunciemus
mirabilia que fecit deus
hac in beata virgine
quia vixit absque crimine
Matins antiphon 9
Tubis in ductilibus
psallat omnis spiritus
iudicaturo cuncta secula
in quo iam exultat
hec agni pedisequa
Matins respons 7
Post carceris squalorem
carnisque maceracionem
christi dilecta tenebrosis
denuo recluditur in locis
Matins verse 7
Nomen domini laudare
non desinens et glorificare
Matins respons 8
Sancta martyre
precatibus instante
draco fetore
plenus apparuit
qui hanc invadens
totam absorbuit
Matins verse 8
Quem per medium
signo crucis discidit
et de utero
eius illesa exivit
Matins respons 9
Fortis agonista
secum meditatur ut ista
astitit exorat
demon sua crimina prodat
cogitur afflictus
discedit denique victus
Matins verse 9
Fratrem truncatum
dolet ac sese superatum
 
Lauds antiphon 1
Martyr insignis margareta
iuxta prefecti decreta
ocius carceri subtrahitur
eius que conspectibus sistitur
Lauds antiphon 2
Cumque nullis blandiciis
ad consensum
molliretur iudicis
furore nimio inflammatus
precepit eam
accendi lampadibus
Lauds antiphon 3
Ministri statim tenelle
corpus comburebant puelle
sed hec oracione facta
igne permansit intacta
Lauds antiphon 4
Vas immensum aqua plenum
preses imperat afferi
et in illud virginem
ligatam demergi
Lauds antiphon 5
Laudabilis dominus
in suis virtutibus
vincula manuum relaxavit
suamque famulam
de morte liberavit
Lauds (gospel) special antiphon
Videntes hec mirabilia
baptizati sunt quinque milia
quos capite plecti censuit
ira prefecti quibus est addicta
christi testis invicta
benedicens deum deorum
in secula seculorum
 
2nd Vespers (gospel) special antiphon
Sanctum nomen domini
magnificent omnes populi
qui margarete
fusa ad deum
ultima prece
promisit se daturum
vite premia
eius digne
colentibus sollemnia
quorum nos consortes
in dileccione fortes
faciat ad suam laudem
per infinita secula
 
Vespers (gospel) special antiphon .a
Adest sollemnitas sacratissima
dies arridet iucundissima
in qua gloriosa
virgo margareta
per martyrii pressuram
expolita
preciosa
celestis structure
super addita est margareta
cuius nunc unanimes
insistentes laudibus
ut pro nostris reatibus
interveniat quesumus
Vespers antiphon 1.a
Psallat mater ecclesia
dulci cum symphonia
recensendo celebria
margarete sollemnia
Vespers antiphon 2.a
Hec quasi fetorem
christi flagrans per amorem
sic mundi florem
mundi quoque spernit honorem
Vespers antiphon 3.a
Per virtutum incrementa
carnis horret blandimenta
servans fidem christo soli
leta scandit arcem poli
Vespers antiphon 4.a
O flos virens inter
paradisi lilia
margareta virgo pia
veri solis filia
Vespers antiphon 5.a
Plaudat sion filia
laudum cum canore
adsunt nunc sollemnia
virginis decore
margarete sponse christi
que suo cruore
lota felix in celesti
gaudet iam decore
cuius christe sancta prece
purgans a peccate fece
iunge nos celestibus