| |
| |
Vespers (gospel) special antiphon
|
Felix exulta sanio
tam sancto dotata patre
sed plus intona iubilo
apta data mirifice
ossa tibi marciani
ut duplicibus patribus
auspicio et castori
iungeretur marcianus
ut non statim triplicatus
rumperetur funiculus
|
| |
Matins I
|
Adsunt marciani
leta sollemnia
laude multiplici
plaudat ecclesia
|
Matins antiphon 1
|
Abbas sanctus et celicus
datur exemplar seculi
aptensibus marcianus
vivens vita regulari
|
Matins antiphon 2
|
Florem pudicicie
servans illibatum
attigit eximie
vite celibatum
|
Matins antiphon 3
|
Parentes prole carentes
obtinuerunt precibus
filium qui esset heres
plus moribus quam opibus
|
Matins respons 1
|
Sub benedicti regula
mente profecit sedula
antra querit desertorum
ut expers sit peccatorum
|
Matins verse 1
|
Bonam sortitus animam
patris sequitur regulam
eius sequens vestigia
mundi horrens fastigia
|
Matins respons 2
|
Marcianus puerulus
deditus penitencie
macerabat suum corpus
per vota abstinencie
|
Matins verse 2
|
Vacans oracionibus
illecebras lascivie
a se tollebat penitus
|
Matins respons 3
|
Marcianus sanionus
egros multos sanos fecit
mortem tenens victor factus
celestia lucrefecit
|
Matins verse 3
|
Ipse christum sequens nudus
cuncta mundi bona sprevit
|
Matins antiphon 4
|
Antra deserti petivit
vir sanctus a iuventute
iugum domini portavit
donec acta senectute
|
Matins antiphon 5
|
Relictis patre et matre
atque eorundem bonis
nil curavit temporale
contentus solis divinis
|
Matins antiphon 6
|
Pernox cum christo proprium
non possidebat lectulum
post lacrimarum fluvium
vix humi dans corpusculum
|
Matins respons 4
|
Humili tectus cuculla
monachorum marcianus
sic mundi deliramenta
et hostis lusit penitus
|
Matins verse 4
|
Transit per temporalia
omnibus bonis exutus
bona querit celestia
pauper humilis mendicus
|
Matins respons 5
|
Virginitatis lilium
illibatum conservavit
nihil possidens proprium
corpus suum castigavit
|
Matins verse 5
|
Dum eciam cilicium
in carne sua portavit
super nudum iacens humum
sic interdum dormivit
|
Matins respons 6
|
Beatus pauper spiritu
nihil proprium possedit
de divino sperat nutu
qui libens cuncta dimisit
|
Matins verse 6
|
Humilitate preditus
pro fratribus mendicavit
omnibus fuit subditus
sed caritate prefuit
|
Matins antiphon 7
|
Assiduus oracione
basilicas visitabat
hos sequens professione
his sociari debebat
|
Matins antiphon 8
|
Christum mendicum mendicus
pacienter sequebatur
compaciens pauperibus
cuncta imparciebatur
|
Matins antiphon 9
|
Mortuum vivens suscitat
matri compassus vidue
filium vivum assignat
premissa oracione
|
Matins respons 7
|
Pastor pastores visitat
auspicium et castorem
marcianus hos salutat
hospicium ibi tandem
elegit atque requiem
|
Matins verse 7
|
Devoti religiosi
sanctum suscipiunt abbam
participes sunt meriti
una ornant ecclesiam
|
Matins respons 8
|
Matri vidue filium
reddit vivum ex mortuis
luctum sequitur gaudium
spectaculum datur cunctis
|
Matins verse 8
|
Gemitus et suspirium
precesque devoti patris
mortuum faciunt vivum
|
Matins respons 9
|
Iuxta lapidem positus
marcianus expiravit
ab angelis sociatus
celos beatus conscendit
|
Matins verse 9
|
Hos iuvet suis precibus
quos sanguis christi redemit
et ducat in celestibus
quos fides et amor iunxit
|
| |
Lauds antiphon 1
|
Dominus in marciano
regnavit plenus decore
hunc proterit fortitudo
precinctum multa virtute
|
Lauds antiphon 2
|
Iubilate deo cives
in gaudio omnis terra
aptenses et saniones
servite in lecia
|
Lauds antiphon 3
|
Deus vide miseriam
deus qui curas sedulo
animam vide miseram
ad te de luce vigilo
|
Lauds antiphon 4
|
Benedicite domino
marciani miracula
hunc clarum faciunt mundo
per infinita secula
|
Lauds antiphon 5
|
Laudate celi et terra
dominum in suis sanctis
qui facit mirabilia
hos coronans in excelsis
|
Lauds (gospel) special antiphon
|
Transit pauper
ad regni solium
dux ad sceptrum
victor ad premium
mors in vitam
labor in ocium
presens cedit
luctus in gaudium
|
| |
2nd Vespers antiphon 1
|
Marcianus puerulus
erat decorus facie
pulchrior ipse moribus
grateque eloquencie
|
2nd Vespers antiphon 2
|
Parentes prole carentes
puerum hunc impetrarunt
a domino postulantes
hunc moribus instruxerunt
|
2nd Vespers antiphon 3
|
Documentis arcium
eruditus sanctis
transiit ad studium
summe veritatis
|
2nd Vespers antiphon 4
|
Ecclesie frequentabat
devote sacra limina
pectorique recondebat
ipse mandata divina
|
2nd Vespers antiphon 5
|
Sanctorum imitabatur
continue vestigia
devote contemplabatur
eterna celi gaudia
|
2nd Vespers respons
|
Ad ovile summi regis
nos revoca ductor gregis
marciane confessorum
consors pater monachorum
|
2nd Vespers verse
|
Et dirige per semitas
quibus videtur veritas
|
2nd Vespers (gospel) special antiphon
|
O speculum mundicie
carnis carens spurcicia
tue colentes hodie
migracionis gaudia
transfer ad regnum glorie
post huius vite stadia
|
full office name: