full office name: LUDOVICUS IX (n6)
edition: AH 13 #75
calendar:?
structure summary: Vespers: A5E
Matins: IA3R3
Lauds: A5E
2nd Vespers: E
poetic forms: Vespers: iggxl.i
Matins: h.ivs{tT,T,o}
Lauds: ivgvx.I
2nd Vespers: .g [”]
died:1270
canonized:1297
translation:1298
type of saint: king
notes:king
Persons: Ludovicus Ludovice Dionysius Ludovici
Places: Francie Francorum Parisius Gallicana

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Exultemus omnes et singuli
diem festum agentes graciose
ludovicus cuius nos servuli
translatus est hodie gloriose
Vespers antiphon 2
Gloriose prefuit
regno seculari
virtuose studuit
christo famulari
pauperibus profuit
zelo singulari
Vespers antiphon 3
Singulari pollebat
gracia pietatis
nec umquam deserebat
limam equitatis
sicque regnum regebat
virga veritatis
Vespers antiphon 4
Veritatis doctores
ferventer dilexit
et ad bonos mores
se totum erexit
suos successores
ad deum direxit
Vespers antiphon 5
Direxit reges francie
sanctus ludovicus
nitore consciencie
factus dei amicus
ob hoc regnum glorie
nunc est sibi vicus
Vespers (gospel) special antiphon
Dei cultor et amice
iudex et ultor malorum
rex francorum
ludovice
fontem ora pietatis
ut peccatis
nostris det veniam
nobisque graciam
 
Matins I
Regem per quem reges regnant
venite adoremus
Matins antiphon 1
Cuius corpore
dionysius
abunde ditatur
eius capite
nunc parisius
iucunde dotatur
Matins antiphon 2
Dotatur in celestibus
stola iucunditatis
ludovicus qui regibus
est norma sanctitatis
Matins antiphon 3
Sanctitatis culmine
divinitus erectus
angelorum agmine
iam ad celos est vectus
Matins respons 1
Felix regnum cuius rex providus
pacificus pius et pudicus
in adversis semper intrepidus
talis fuit sanctus ludovicus
Matins verse 1
Rex erexit
terram et patriam
qui dilexit
sequi iusticiam
Matins respons 2
Paupertatis
larga subsidia
veritatis
equa iudicia
honestatis
certa indicia
sanctitatis
sunt testimonia
Matins verse 2
O quieta
gregis proteccio
o discreta
recogitacio
Matins respons 3
O sparsor diviciarum
erogando pauperibus
o spretor deliciarum
insudando laboribus
o tutor ecclesiarum
eas iuvando viribus
duc nos ad regnum preclarum
tuis devotis precibus
Matins verse 3
Qui tot egris prestitisti
curacionum graciam
nobis confer dono christi
transgressionum veniam
 
Lauds antiphon 1
Dominus regnavit
ludovicus in mundo
qui peccatum cavit
et vixit corde mundo
Lauds antiphon 2
Iubilate creatori
tota gens christiana
sed voce iucundiori
psalle plebs gallicana
Lauds antiphon 3
Deus deus salutis
nostro sancto regi
viam dedit virtutis
obedire legi
Lauds antiphon 4
Benedicite populi
dominum angelorum
collaudate seduli
sanctum regem francorum
Lauds antiphon 5
Laudate dominum
et patrem luminum
in translacione
cuius scimus vitam
ductam et finitam
cum devocione
Lauds (gospel) special antiphon
Benedictus dominus virtutum
digne debet modo benedici
pro meritis sancti ludovici
quem novimus celos assecutum
cuius translacio
facta cum gaudio
reddat ab hostibus
et malis omnibus
regnum tutum
 
2nd Vespers (gospel) special antiphon
O decus ecclesie
pie rex francorum
exemplar iusticie
lex et norma morum
post finem angustie
mortis et laborum
presta dono gracie
regnum beatorum