full office name: LUDOVICUS IX (n4)
edition: AH 13 #74
eccles:OP
calendar:August 25
structure summary: Vespers: AE
Matins: secular
Lauds: A5E
2nd Vespers: AE
poetic forms: Vespers: g.g
Matins: t.gex{o,v,tT}vis{tT,vV,f}lgg{oT,v,o}
Lauds: gsxvg.t
2nd Vespers: g.v [”]
died:1270
canonized:1297
translation:1298
type of saint: king
notes:king
Persons: Ludovici Ludovicus Salomonis Ludovice
Places: Francia Francorum

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Nunc laudare dominum
debet plebs fidelis
extirpator criminum
regnat rex in celis
Vespers (gospel) special antiphon
Rex per quam ecclesia
fuit sublimata
per quem tota francia
nunc est honorata
cui semper iusticia
fuit comitata
nobis christi gracia
da regna beata
 
Matins I
Ludovici nova sollemnia
leta colat mater ecclesia
Matins antiphon 1
Sanctus voluntatem
in lege dei fixit
qui cordis puritatem
servavit cum vixit
Matins antiphon 2
A dei constitutus
rex custos innocencie
cum eo consecutus
est solium glorie
Matins antiphon 3
Tu sanctum domine
regem suscepisti
qui sine crimine
cultor fuit christi
Matins respons 1
Rex regum regis filio
regales parans nupcias
post certamen in stadio
celi prebet delicias
glorioso commercio
Matins verse 1
Pro regno temporalium
habet regnum celestium
ludovicus in premium
Matins respons 2
Gloriosus apparuit
in cultu presidentis
sed cum in christo prefuit
more david ludentis
nec ex hoc sibi defuit
auctoritas regentis
Matins verse 2
Virgam virtutis habuit
in qua malos compescuit
sed sub norma clementis
Matins respons 3
Felix regnum cuius rex providus
pacificus pius et pudicus
in adversis semper intrepidus
talis fuit sanctus ludovicus
Matins verse 3
Rex erexit
terram et patriam
qui diligit
sequi iusticiam
Matins antiphon 4
Mirificavit dominus
sanctum regem francorum
cuius nunc est terminus
in regno beatorum
Matins antiphon 5
In misericordie
multitudine
deum adorabat
quia consciencie
rectitudine
celis inhiabat
Matins antiphon 6
Gloria et honore
regnat rex coronatus
qui semper in amore
dei fuit firmatus
Matins respons 4
Paupertatis larga subsidia
veritatis equa iudicia
honestatis certa indicia
sanctitatis sunt testimonia
pii regis
Matins verse 4
O quieta
gregis proteccio
o discreta
recogitacio
summe legis
Matins respons 5
Fulget signis rex insignis
nam egrotis eius votis
prestantur remedia
Matins verse 5
Dati neci
liberantur
claudi ceci
reparantur
fugantur demonia
Matins respons 6
Regnum mundi supergressus
et eius ornatum
regnum celi iam ingressus
sibi preparatum
nostros regat ad se gressus
post hunc incolatum
Matins verse 6
Peregre iacob egressus
patris ad mandatum
deum vidit sic professus
vite celibatum
Matins antiphon 7
Habitabit in tabernaculo
domini gloriose
quia vixit in isto seculo
rex noster virtuose
Matins antiphon 8
In virtute domini
rex sanctus letatur
nunc sanctorum agmini
iunctus gloriatur
Matins antiphon 9
Rex innocens manibus
atque corde mundo
regnat cum celestibus
in regno iucundo
Matins respons 7
Cum esset in accubitu
rex interne dulcedinis
arcens potenti spiritu
pestes carnis et sanguinis
bonorum septus ambitu
sceptro fulsit regiminis
Matins verse 7
David regis
sedit in solio
salomonis
utens iudicio
Matins respons 8
Pro se suisque subiectis
orans deum et cum rectis
rectum iter faciens
domum dei rex intravit
et ad templum adoravit
ut predixit moriens
Matins verse 8
Felix cursus sic viventis
felix finis sic currentis
deo semper uniens
Matins respons 9
O sparsor diviciarum
erogando pauperibus
o spretor deliciarum
insistendo laboribus
defensor ecclesiarum
tuis tuendo viribus
duc nos ad regnum preclarum
piis fovendo precibus
Matins verse 9
Qui tot egris prestitisti
curacionum graciam
nobis confer dono christi
transgressionum veniam
 
Lauds antiphon 1
Ludovicus hodie
decorem indutus
est celestis patrie
regnum consecutus
Lauds antiphon 2
Omnis terra iubilet
deo leta serviens
laudibusque vigilet
novum festum faciens
Lauds antiphon 3
Ad te deus meus
semper vigilavit
sicque numquam reus
celos penetravit
Lauds antiphon 4
Benedixit creatorem
in suis operibus
ludovicus gerens morem
datum celi civibus
Lauds antiphon 5
Ludovicus dominum
de celis laudavit
quando vite terminum
celo dedicavit
Lauds (gospel) special antiphon
Ludovicus decus regnancium
transit felix ad celi solium
cuius prece cetus fidelium
summi regis intret in gaudium
 
2nd Vespers antiphon
O decus ecclesie
pie rex francorum
exemplar iusticie
lex et norma morum
ludovice requie
fruens beatorum
tue dono gracie
da regna celorum
2nd Vespers (gospel) special antiphon
Ludovice rex francorum
in felici beatorum
regno gaudens gloria
de hac valle miserorum
recto calle nos iustorum
duc ad celi gaudia