| |
| |
Vespers antiphon 1
|
Francorum rex magnificus
ludovicus vir celicus
summopere studuit
soli deo placere
a quo tantam meruit
graciam obtinere
|
Vespers antiphon 2
|
Crucis christi signaculum
contra gentilem populum
suscepit primum iunior
et postmodum proveccior
ad meritorum cumulum
|
Vespers antiphon 3
|
Hic regnum matrem liberos
infantes adhuc teneros
reliquit ac sororem
sed post assumptis filiis
herens christi consiliis
dimisit et uxorem
|
Vespers antiphon 4
|
Sanctus hic sprevit omnia
quecumque transitoria
propter regnum celorum
tam carnales delicias
quam fallaces divicias
cum fastu superborum
|
Vespers antiphon 5
|
Hic miraculis rutilat
qui in celis iam iubilat
exultans cum beatis
o ludovice rex pie
memento nostri hodie
qui sumus in peccatis
|
Vespers (gospel) special antiphon
|
Magnificat dominum
et exultat spiritus
pauperum et divitum
in deo salutari
qui generi hominum
hunc regem divinitus
ludovicum inclitum
dedit pro exemplari
|
| |
Matins I
|
Laudamus christum dominum
qui regem ludovicum
prestat saluti hominum
solamen salvificum
|
Matins antiphon 1
|
Puer hic defuncto patre
nutritus est decenter
a religiosa matre
cui paruit libenter
|
Matins antiphon 2
|
Languoris vehemencia
a deo visitatus
est in convalescencia
cruce christi signatus
|
Matins antiphon 3
|
Tres fratres suos comites
secum cruce signavit
et regni sui divites
ad idem animavit
|
Matins respons 1
|
Francorum iam exercitu
sub rege ludovico
preparato pro transitu
in conductu nautico
legato ab ecclesia
dato cum indulgencia
|
Matins verse 1
|
In passagio signato
deo primum invocato
transivit princeps maria
|
Matins respons 2
|
In dei fervens opere
statim ut transfretavit
infideles lacessere
gravi bello temptavit
et damiatam propere
vi captam occupavit
|
Matins verse 2
|
Quam deserente turpiter
populo degenere
ipse potenter intravit
|
Matins respons 3
|
Dum pater clementissimus
suum verberat populum
vir iste devotissimus
ad deum levat oculum
ut erat ferventissimus
obsequium dans sedulum
|
Matins verse 3
|
Hic tobias notissimus
qui mortuos humillimus
portavit ad tumulum
|
Matins antiphon 4
|
Lassato iam exercitu
diuturno languore
infideles cum fremitu
accurrunt et furore
|
Matins antiphon 5
|
Populi princeps furie
non cedit effrenati
monstrans se voluntarie
pro christo penas pati
|
Matins antiphon 6
|
Ductus ad locum carceris
mire fert ad tentorium
sollicito pro vesperis
paganus breviarium
|
Matins respons 4
|
Laus tibi per secula
patri nato paracleto
quod rex sine macula
per te liberatur
dum in soldani subito
illa gens incredula
tuo beneplacito
morte effrenatur
|
Matins verse 4
|
En dei virtus sedula
pro suis que tam cito
pellendo pericula
mira operatur
|
Matins respons 5
|
Bis senis cum baronibus
firmus rex in fide vera
de pactis iuraturus
saracenis furentibus
respondet voce libera
numquam sum id facturus
|
Matins verse 5
|
Si non stas his sermonibus
ait illi gens effera
christum es negaturus
|
Matins respons 6
|
Regressus rex ad propria
non destitit insistere
operi virtuoso
se mactat pro hostia
egenos levat munere
ministrat leproso
|
Matins verse 6
|
Visitat monasteria
domos dei ex opere
construxit sumptuoso
|
Matins antiphon 7
|
Cor verbis sacre scripture
sollicitus apponit
omnique regali iure
verbum dei proponit
|
Matins antiphon 8
|
Bonis semper operibus
sanctus rex intendebat
simile facientibus
devotus adherebat
|
Matins antiphon 9
|
Ut regis sancti merita
remunerantur natis
his pia tradit monita
semitas equitatis
|
Matins respons 7
|
Toto corde cum rege iosia
quesivit deum ab infancia
david alter misericordia
et salomon est sapiencia
|
Matins verse 7
|
Ioseph est providencia
et gedeon constancia
|
Matins respons 8
|
De largitatis horreo
rex misericors tribuit
plena manu pauperibus
quos visitando circuit
cibos ori intromittit
et pedes supplex abluit
|
Matins verse 8
|
O quantus et qualis fuit
qui tam pium cor habuit
quod egenis compaciens
servicium hoc prebuit
|
| |
Lauds antiphon 1
|
Magnus rex gentis francorum
divine legis zelator
et promotor bonorum
religionis amator
persecutor viciorum
fuit et extirpator
|
Lauds antiphon 2
|
Iustus in iudiciis
prudens in consiliis
bonis semper favit
stetit pro ecclesia
cui ne iuiuria
inferretur cavit
|
Lauds antiphon 3
|
In vestitu humillimo
atque victu parcissimo
fit cunctis in stuporem
virtutes factis predicat
et operibus indicat
se perfectum doctorem
|
Lauds antiphon 4
|
Patris natum unicum
benedicant dominum
omnes creature
qui tot per ludovicum
signis auget hominum
vite spem future
|
Lauds antiphon 5
|
Laudet iam felix francia
tota laudet ecclesia
opera salvatoris
et pro tot beneficiis
quot potest surgat graciis
ad laudem largitoris
|
Lauds (gospel) special antiphon
|
Iam sanctus post laborem
recepturus premium
regnaturum maiorem
exhortatur filium
ad matris honorem
de fide et moribus
testamentum condidit
et bonis operibus
complementum addidit
divinum amorem
|
| |
2nd Vespers (gospel) special antiphon
|
O martyr desiderio
quam pie mentis studio
crucifixo compateris
cuius crucem in umeris
tuis bis affixisti
passio tibi deficit
sed martyrem te efficit
fervor et zelus christi
|
full office name: