| |
| |
Vespers antiphon 1
|
Lauda celestis regio
regem seculorum
tuo dignus collegio
adest rex francorum
|
Vespers antiphon 2
|
Collaudent ecclesie
humilem pudicum
pium regem francie
sanctum ludovicum
|
Vespers antiphon 3
|
Hostem pestis heretice
progenitorem habuit
qui fidei catholice
fortis athleta claruit
|
Vespers antiphon 4
|
Mater illustris genere
mira pollens pericia
docuit eum colere
deum a puericia
|
Vespers (gospel) special antiphon
|
Magnifica gesta clarissima
sancti ludovici
divino cultui
devotum hodie
presens collegium
cuius sancta conscendit anima
sub fine felici
regni perpetui
cum sanctis patrie
sublime solium
|
| |
Matins I
|
Adsunt cum gloria
christiane legis
sacra sollemnia
ludovici regis
|
Matins antiphon 1
|
Ex strenuo milite
patre procreatus
sensu matris inclite
crevit educatus
|
Matins antiphon 2
|
Oritur in gaudium
sacre puer indolis
felix puerperium
felix ortus subolis
|
Matins antiphon 3
|
Ab amore seculi
iuvenis abstractus
ea que sunt parvuli
vacuat vir factus
|
Matins antiphon 4
|
Veritas et misericordia
ceperunt habitaculum
cordis pax et iusticia
convenerunt ad osculum
|
Matins antiphon 5
|
Evitans mundi strepitum
sedens domatis angulo
reficiebat spiritum
sacre doctrine pabulo
|
Matins antiphon 6
|
Creatoris iniuriam
graviter ferebat
blasphemorum perfidiam
dure puniebat
|
Matins respons 1
|
Ludovicus rex inclitus
regum francorum gloria
a primevo sollicitus
christi sequi vestigia
promeruit divinitus
eterni regni premia
|
Matins verse 1
|
Rex sedens in solio
decernens iusticiam
contuito premio
dissipans maliciam
|
Matins respons 2
|
Gratam vite iuventutem
sapienter incipiens
christi iugo supposuit
de virtute in virtutem
cottidie proficiens
vite coronam meruit
|
Matins verse 2
|
Si legis attentus
in iosia figuratur
cuius sic iuventus
regi regum famulatur
|
Matins respons 3
|
In fundandis ecclesiis
in relevacione pauperum
quam devotus extiterit
certis patens indiciis
presens nobis aspectus operum
indubitanter aperit
|
Matins verse 3
|
Cum manus iusticia
devoto mentis studio
secum ab infancia
crevit miseracio
|
Matins respons 4
|
Verborum moderamine
mire circumspectus
grata trahens dulcedine
hominum affectus
veritatis examine
noscitur perfectus
|
Matins verse 4
|
Concepto sermone sobrius
iuramentum cavit
est est non non dicens amplius
malum iudicavit
|
Matins antiphon 7
|
Transit mare rex insignis
firma fide fultus
multos graves ab indignis
paciens insultus
|
Matins antiphon 8
|
Occulto iudicio
sub crucis signaculo
captus infortunio
solvitur miraculo
|
Matins antiphon 9
|
Hinc reversus ad patriam
ecclesiam dilexit
veram exhibens latriam
semper bonos evexit
|
Matins antiphon 10
|
Deductus in iusticia
clemens subiectis prefuit
leges penas et premia
sapienter instituit
|
Matins antiphon 11
|
Coronatus gloria
sanctus et honore
quia mundi gaudia
duxit in timore
|
Matins antiphon 12
|
In omni discrimine
reputabat gloriam
hic pro christi nomine
pati contumeliam
|
Matins respons 5
|
Pro catholice fidei
promocione sedula
mare transiturus
subit ad honorem dei
terre maris pericula
de deo securus
|
Matins verse 5
|
Ut angelus domini
cum david immobilis
non cedit discrimini
vir in fide stabilis
|
Matins respons 6
|
Prorsus iactans in dominum
cogitatus sui curam
mundanorum discriminum
nullam metuit pressuram
sperans a patre luminum
opem semper adfuturam
|
Matins verse 6
|
Confidens ut leo
iustus imperterritus
constanter a deo
prestolatur celitus
|
Matins respons 7
|
Coram rege conspicitur
liber in preda perditus
miraculose solvitur
rex saracenis traditus
et hostibus expositus
|
Matins verse 7
|
Ionas undis eripitur
ioseph detentus solvitur
et david antro positus
|
Matins respons 8
|
Cum esset in accubitu
rex interne dulcedinis
arcens potenti spiritu
pestes carnis et sanguinis
bonorum septus ambitu
sceptro fulsit regiminis
|
Matins verse 8
|
David regis
sedet in solio
salomonis
utens iudicio
|
Matins (gospel) special antiphon
|
Beatus est iste dives
inventus sine macula
de quo paradisi cives
deum laudant in secula
|
Matins respons 9
|
Corpus eius confectum macie
subiugatum suo spiritui
monstravere crebra ieiunia
discipline fletus vigilie
pallor livor vultus emortui
cilicium lecti duricia
|
Matins verse 9
|
Statum penalem et asperum
rex pius elegit
se velut manassem alterum
penitus subegit
|
Matins respons 10
|
De quinque catenis ferreis
occulte suscepta verbera
manu confessoris
benigne ferebat in eis
devote recolens vulnera
nostri redemptoris
|
Matins verse 10
|
Exutus a penis
carcere solvitur
liber a catenis
regnum ingreditur
|
Matins respons 11
|
Imminente mortis articulo
diem vite clausurus ultimum
morbo pressus decumbens lectulo
testamentum condidit optimum
memorie dignum spectaculo
|
Matins verse 11
|
More iacob liberis
thesaurum doctrine
profuturum posteris
legavit in fine
|
Matins respons 12
|
Regnum mundi supergressus
et eius ornatum
regnum celi iam ingressus
sibi preparatum
nostros ad se regit gressus
post hunc incolatum
|
Matins verse 12
|
Peregre iacob egressus
patris ad mandatum
deum vidit sic professus
vite celibatum
|
| |
Lauds antiphon 1
|
Adest dies leticie
quo transiit ex mundo
flos dignitatis regie
cum fructu iucundo
|
Lauds antiphon 2
|
Angelorum choris
defertur in iubilo
de valle meroris
sol egressus nubilo
|
Lauds antiphon 3
|
Luce vigil ad dominum
prudens et fidelis
servus cum patre luminum
iungitur in celis
|
Lauds antiphon 4
|
Benedicant opera
cuncta creatorem
qui dat super sidera
regnum post laborem
|
Lauds antiphon 5
|
Laudes deo concinit
egressus exilium
pressure non meminit
translatus in gaudium
|
Lauds (gospel) special antiphon
|
Benedictus dominus
qui nobis erexit
cornu quod paulo minus
a david dilexit
hic virtute geminus
rex in pace rexit
quem regendi terminus
ad celos direxit
|
| |
2nd Vespers antiphon .a
|
Audiens utiliter
summum preceptorem
servavit humiliter
parentum honorem
|
full office name: