| |
| |
Vespers antiphon 1
|
Ludovicus decus regnancium
transit felix ad celi solium
cuius prece cetus fidelium
summi regis intret in gaudium
|
Vespers antiphon 2
|
Gaude regnum francie
cui dedit rex glorie
tam excellens donum
quod tu regem proprium
habes in subsidium
in celo patronum
|
Vespers antiphon 3
|
Te dum ipse viveret
ac coronam regeret
tamquam rex defendit
nunc particeps glorie
factus tue venie
diligens intendit
|
Vespers antiphon 4
|
Plebs ergo francigena
non tamquam gens advena
christo refer laudes
in cuius palacio
tui patrocinio
quondam regis gaudes
|
Vespers antiphon 5
|
In terris regimine
ac sub eius nomine
protecta fuisti
modo tibi graciam
impetret ac veniam
in conspectu christi
|
Vespers (gospel) special antiphon
|
Magnifica gesta clarissima
sancti ludovici
divino cultui
devotum hodie
presens collegium
cuius sancta conscendit anima
sub fine felici
regni perpetui
cum sanctis patrie
sublime solium
|
| |
Matins I
|
Ludovici leta sollemnia
leta colat mater ecclesia
|
Matins antiphon 1
|
Beatus qui solium
iter et consilium
malorum vitavit
sanctus ab infancia
ludovicus hec tria
semper declinavit
|
Matins antiphon 2
|
Regni sedem consecutus
humilem se prebuit
et in sion constitutus
cultu dei claruit
|
Matins antiphon 3
|
Susceptus ad meritum
gloria dotatur
caput deo subditum
celo coronatur
|
Matins respons 1
|
Rex regum regis filio
regales parans nupcias
post certamen in stadio
celi prebet delicias
glorioso commercio
|
Matins verse 1
|
Pro regno temporalium
regnum habet celestium
ludovicus in premium
|
Matins respons 2
|
Felix terra cuius rex sapiens
iustus clemens modestus paciens
cuius vultus est malos feriens
bonos alliciens
|
Matins verse 2
|
Ludovicus sic terris prefuit
quod regnando celos promeruit
|
Matins respons 3
|
Hunc natura genuit
regno fructuosum
voluntas exercuit
mundo graciosum
deus ipsum prebuit
celo gloriosum
|
Matins verse 3
|
Normam vite posuit
hunc deus et tribuit
signis virtuosum
|
Matins antiphon 4
|
Invocantem exaudivit
deus regem humilem
et preclaris insignivit
signis suum pugilem
|
Matins antiphon 5
|
Deductus in iusticia
clemens subiectis prefuit
leges penas et premia
sapienter instituit
|
Matins antiphon 6
|
Coronatur gloria
sanctus et honore
quia mundi gaudia
duxit in timore
|
Matins respons 4
|
Gloriosus apparuit
non cultu presidentis
sed cum incultus prefuit
more david ludentis
nec ex hoc sibi defuit
auctoritas regentis
|
Matins verse 4
|
Virgam virtutis habuit
in qua malos compescuit
sed sub norma clementis
|
Matins respons 5
|
Coram rege conspicitur
liber in preda perditus
miraculose solvitur
rex saracenis traditus
et hostibus expositus
|
Matins verse 5
|
Ionas undis eripitur
ioseph detentus solvitur
et david antro positus
|
Matins respons 6
|
Cum esset in accubitu
rex interne dulcedinis
arcens potenti spiritu
pestes carnis et sanguinis
bonorum septus ambitu
sceptro fulsit regiminis
|
Matins verse 6
|
David regni sedit in solio
salomonis utens iudicio
|
Matins antiphon 7
|
Habitabat confidenter
rex in monte domini
quia vixit innocenter
omni gratus homini
|
Matins antiphon 8
|
Rex virtutis in virtute
divina letatur
quia sibi de salute
spes firma donatur
|
Matins antiphon 9
|
Innocens manus prebuit
cordis quoque mundicia
ludovicus qui meruit
regni celestis premia
|
Matins respons 7
|
Fulget signis
rex insignis
iam egrotis
eius votis
prestantur remedia
|
Matins verse 7
|
Dati neci
liberantur
claudi ceci
reparantur
fugantur demonia
|
Matins respons 8
|
Pro se suisque subiectis
orans deum et cum rectis
rectum iter faciens
domum dei rex intravit
et ad templum adoravit
ut predixit moriens
|
Matins verse 8
|
Felix cursus sic viventis
felix finis sic currentis
deo semper uniens
|
Matins respons 9
|
Regnum mundi supergressus
et eius ornatum
regnum celi iam ingressus
post hunc incolatum
|
Matins verse 9
|
Peregre iacob egressus
patris ad mandatum
deum vidit sic professus
vite celibatum
|
| |
Lauds antiphon 1
|
Ludovicus hodie
decorem indutus
est celestis patrie
regnum consecutus
|
Lauds antiphon 2
|
Omnis terra iubilet
deo leta serviens
laudibus invigilet
novum festum faciens
|
Lauds antiphon 3
|
Ad te deus meus
semper vigilavit
sicque numquam reus
celos penetravit
|
Lauds antiphon 4
|
Benedixit creatorem
in suis operibus
ludovicus gerens morem
datum celi civibus
|
Lauds antiphon 5
|
Ludovicus dominum
de celis laudavit
quando vite terminum
celo dedicavit
|
Lauds (gospel) special antiphon
|
Benedictus dominus
qui nobis erexit
cornu quod paulo minus
a david dilexit
hic virtute geminus
rex in pace rexit
quem regendi terminus
ad celum direxit
|
| |
2nd Vespers (gospel) special antiphon
|
Magnificat miraculis
ludovicum divinitas
in quo cunctorum oculis
david fulsit humilitas
salomonis serenitas
et ezechie veritas
quem graciarum titulis
sollemnem fecit populis
iosie par benignitas
|
| |
Q antiphon .f1
|
Ludovice rex francorum
in felice beatorum
regno gaudens gloria
de hac valle miserorum
recto calle nos iustorum
duc ad celi gaudia
|
Q antiphon .f2
|
Magnificat dominum
et exultet spiritus
pauperum et divitum
in deo salutari
qui generi hominum
hunc regem divinitus
ludovicum inclitum
dedit pro exemplari
|
Q antiphon .f3
|
Iam sanctus post laborem
recepturus premium
regnaturum maiorem
exhortatur filium
ad matris honorem
de fide et moribus
testamentum condidit
et bonis operibus
complementum addidit
divinum amorem
|
Q antiphon .f4
|
O martyr desiderio
quam pie mentis studio
crucifixo compateris
cuius crucem in umeris
tuis affixisti
passio tibi deficit
sed martyrem te efficit
fervor et zelus christi
|
Q antiphon .f5
|
Tu cecorum oculus
debilium baculus
oppressorum clipeus
perversorum malleus
nutritor minorum
miserere populi
te laudare seduli
nobilis rex francie
ludovice glorie
consors beatorum
|
Q antiphon .f6
|
O decus ecclesie
pie rex francorum
exemplar iusticie
lex et norma morum
post finem angustie
mortis et laborum
presta dono gracie
regnum beatorum
|
Q antiphon .f7
|
Magnum magnatum speculum
ludovice rex francie
cunctis relinquens titulum
sanctitatis eximie
prece iuvans in seculum
commenda regi glorie
devotum tibi populum
|
Q antiphon .f8
|
O patriarcha procerum
piorum sator munerum
curam gerendo pauperum
ludovice rex beate
efficaces sint oblate
tibi preces impetrate
pacis nobis indilate
fructum repetentes a te
|
Q antiphon .f9
|
Ora pater ludovice
hac pro gente peccatrice
sui reatus conscia
ut pax dei genetrice
tecum nobis adiutrice
detur et indulgencia
a divina clemencia
que relicta cicatrice
carnis palma cum victrice
coronavit te gloria
|
full office name: