| |
| |
Vespers antiphon 1
|
Laus sit regi glorie
qui beatum hodie
ad celi palacium
vocavit lubencium
|
Vespers antiphon 2
|
Vere dignis laudibus
colitur lubencius
quem locavit dominus
in sanctorum cetibus
|
Vespers antiphon 3
|
Laudes quas offerimus
nostris pro reatibus
immolet lubencius
tuis in aspectibus
|
Vespers antiphon 4
|
Intercessor hic confessor
noster sit fidelis
nos consortes gaudiorum
angelorum et sanctorum
faciens in celis
|
Vespers antiphon 5
|
Beatus lubencius
pro nobis frequencius
precibus exoret
ut exutos viciis
nos christus deliciis
celitus coronet
|
Vespers (gospel) special antiphon
|
O beata concio
que in dei filio
sic es decorata
per patronum inclitum
beatum lubencium
celitus dotata
vere iuste tu letaris
que thesaurum super aurum
rite veneraris
|
| |
Matins I
|
Venite adoremus dominum
qui hodie sanctum
decoravit lubencium
|
Matins antiphon 1
|
O lubenti presbyter
domino dilecte
tu ad celi regiam
ductus es directe
|
Matins antiphon 2
|
Ubi cum celicolis
rite gloriaris
et in terris miseris
compati probaris
|
Matins antiphon 3
|
Tu in terris positus
in dei virtute
es imbutus celitus
nunc exultas tute
|
Matins respons 1
|
Beatus lubencius
suis a parentibus
martino oblatus
sacro de baptismate
ab eodem presule
extitit levatus
|
Matins verse 1
|
Quem amatum nimium
spiritalem filium
sibi adoptavit
|
Matins respons 2
|
Martinus infantulum
pontifex lubencium
de fonte susceptum
imbuit catholice
post annos puericie
in virum perfectum
|
Matins verse 2
|
Ut abiectis viciis
annorum iniciis
crescat in virtutibus
|
Matins respons 3
|
Ut lipsana corporis
maximini presulis
christus revelaret
dum devotis precibus
beatus lubencius
anhelus oraret
|
Matins verse 3
|
Accidit ut angelus
optatum fidelibus
locum indicaret
|
Matins antiphon 4
|
Te lotum baptismate
suscepit martinus
pontifex te iuvene
pascit maximinus
|
Matins antiphon 5
|
In quorum consorcio
nunc es collaudando
trinitatis speculo
deum contemplando
|
Matins antiphon 6
|
Ergo pater inclite
preces tibi damus
opem tuis meritis
quoniam speramus
|
Matins respons 4
|
Visitandi gracia
trevirim martinus
venit ubi pontifex
fuit maximinus
lubencius indolis
bone comitatur
a martino maximino
qui et commendatur
|
Matins verse 4
|
Suscipit hic iuvenem
presul ad alendum
et erudiendum
|
Matins respons 5
|
Presul maximinus
iuvenem non minus
amans quam martinus
eius quem patrinus
sibi commendavit
pavit et post aliquot
annos in presbyterum
digne consecravit
|
Matins verse 5
|
Ut virtutes plurimas
quas a sanctis suxerat
hic eructaret
|
Matins respons 6
|
In utroque flumine
logene et rheni
raptim contra gurgitem
fluminis ameni
lembus in spectaculum
conscendit sequencium
plebis atque cleri
|
Matins verse 6
|
Novo viso miraculo
occurrit multorum
turba populorum
|
Matins antiphon 7
|
Cum vir dei spacium
vite complevisset
et felicem spiritum
deo reddidisset
tristantur vicini
|
Matins antiphon 8
|
Cubrini se preparant
corpus tumulare
nec a deo poterant
idem impetrare
unde luctus omnibus
est communis
|
Matins antiphon 9
|
Querunt in ecclesia
corpus sepeliri
nec locus querentibus
potest inveniri
deo pio curante
|
Matins respons 7
|
Meritis eximii
femina lubencii
in laynsten a mania
debilis curatur
et vigoris pristini
dacione predii
dati reformatur
|
Matins verse 7
|
Ibi fons scaturiens
nec adhuc deficiens
hec testificatur
|
Matins respons 8
|
Transnatavit flumina
tria vir beatus
locum sibi queritans
in quo tumulatus
nunc patet miraculis
deo quod sit gratus
|
Matins verse 8
|
Hec sunt tria flumina
rhenus et logena
mosella per scopulos
fluens ad amena
|
Matins respons 9
|
Felix hec basilica
quam fundavit erus
in devexi scopuli
vertice dithgerus
quam colit gens plurima
devotusque clerus
|
Matins verse 9
|
In hac laudes iugiter
deo decantantur
inibi fidelium
preces immolantur
|
| |
Lauds antiphon 1
|
Convocantur presules
denique primates
et clerus cum populo
deo supplicantes
|
Lauds antiphon 2
|
Timor omnes concutit
nec est vere mirum
quod solum non poterant
sepelire virum
|
Lauds antiphon 3
|
Quisque quod utilius
est studet ordiri
quid sit efficacius
nequit inveniri
|
Lauds antiphon 4
|
Tandem corpus linteri
tollunt imponendum
quem providit dominus
loco deferendum
|
Lauds antiphon 5
|
Benedictus dominus
nullo remigante
locus adest ocius
nave properante
|
Lauds (gospel) special antiphon
|
Benedictus dominus
in cuius aspectibus
beatus lubencius
est tripudiando
ipse suis precibus
pro nostris reatibus
veniam poscentibus
impetret orando
|
| |
2nd Vespers (gospel) special antiphon
|
Celebret devocio
sancta confessorem
quem in temporalibus
habet provisorem
apud dei filium
et intercessorem
non pro negligenciis
ut accusatorem
|
full office name: