| |
| |
Vespers antiphon 1
|
Gaude natalicia
leonardi clari
o mater ecclesia
digne venerari
|
Vespers antiphon 2
|
Ab adulescencia
iugum portat dei
cuncta vitans noxia
puer multe spei
|
Vespers antiphon 3
|
Discipline ferula
sese castigavit
et virtutis gerula
deo mancipavit
|
Vespers antiphon 4
|
Exemplis edificat
claris orbem totum
doctrina rectificat
notum et ignotum
|
Vespers respons
|
Dominus dedit doctorem
suis hunc fidelibus
inter claros clariorem
doctrina et moribus
imbrem pluat dulciorem
ut de dei fontibus
|
Vespers verse
|
Reportat fideliter
cum lucro talentum
pro quoque feliciter
reportavit centum
|
Vespers (gospel) special antiphon
|
Virgo mater ecclesia
perenni digna gloria
gaude iubilando
dulci plane memoria
leonardi insignia
festa celebrando
cordis dilata gremium
confessoris preconium
huius hymnizando
|
| |
Matins I
|
Regem regum adoremus
dulci cordis leticia
iucundantes celebremus
leonardi sollemnia
|
Matins antiphon 1
|
Suo dat in tempore
leonardus fructum
plurimo cum fenore
dei per conductum
|
Matins antiphon 2
|
Qui rupisti vincula
ferri captivorum
cordium piacula
rumpe ferreorum
|
Matins antiphon 3
|
Istum in spe domine
sistis singulari
in tuo qui nomine
studuit ditari
|
Matins antiphon 4
|
Verba huius auribus
quia percepisti
deus ipsum cetibus
sanctorum iunxisti
|
Matins antiphon 5
|
Honore et gloria
digne coronatur
bona super omnia
dei cum locatur
|
Matins antiphon 6
|
Confidit in nomine
tuo tuus verna
dulcis iesu domine
vita pro superna
|
Matins respons 1
|
Lilio floridior
viola decencior
sacer leonardus
exortus nobilibus
valde de parentibus
redolet ut nardus
|
Matins verse 1
|
Qui per annos puberes
fructus auxit uberes
non ad bonum tardus
|
Matins respons 2
|
Accepit a francie
rege tantum gracie
vir dei beatus
visitat quos libere
solvat ut a carcere
captis miseratus
|
Matins verse 2
|
Derivat ad alios
opis sue radios
homo dei gratus
|
Matins respons 3
|
Leonardus in doctorem
optatus ecclesie
onus amat non honorem
gustu sapiencie
plus ardescit in ardorem
virtutis et glorie
|
Matins verse 3
|
Caritatis facibus
fructibus iusticie
letatur amictibus
redimitus gracie
|
Matins respons 4
|
Fugam rapit exulem
ne surgat in presulem
desertum petendo
victitat frugaliter
ubi et feliciter
mundum fugiendo
|
Matins verse 4
|
Captivi hunc adeunt
secum fractas advehunt
catenas gaudendo
|
Matins antiphon 7
|
Non accepit munera
super innocentes
vehens super ethera
christum confitentes
|
Matins antiphon 8
|
A te petit domine
vitam iesu christe
iugi quam certamine
merebatur iste
|
Matins antiphon 9
|
Deus super maria
istum qui fundasti
eius per suffragia
captivos salvasti
|
Matins antiphon 10
|
Hunc a malignancium
conventu protexit
deus et regnancium
ad cetum provexit
|
Matins antiphon 11
|
Habitat in atriis
domus salvatoris
cuius in obsequiis
cunctis vixit horis
|
Matins antiphon 12
|
Leonardus floruit
iustus sicut palma
provehi promeruit
ex hoc ad agalma
?Agalma [alt: ?]
|
Matins respons 5
|
Angelorum munia
sanctorumque studia
prorsus emulatur
complet ministeria
enodat mysteria
divina profatur
|
Matins verse 5
|
A deo sagacitas
ipsi serpentina
est atque simplicitas
data columbina
|
Matins respons 6
|
Vita floret fulgida
verba serit vivida
opis dat tutelam
mentes purgat sordidas
culpas fugat morbidas
divam per medelam
|
Matins verse 6
|
Totis studet nisibus
fuget ut ab omnibus
culpe corruptelam
|
Matins respons 7
|
Leonardus mitibus
victus regis precibus
vocatus accurrit
regine puerpere
precis salutifere
medela succurrit
|
Matins verse 7
|
Hec ad beneficia
regia familia
gratulans concurrit
|
Matins respons 8
|
Auri sprevit munera
argentique pondera
que rex offerebat
ista que decipiunt
mihi non expediunt
regi respondebat
|
Matins verse 8
|
Querens spiritalia
tantum secularia
cuncta fugiebat
|
Matins (gospel) special antiphon
|
Dei vir etherea
fungens dignitate
nos absolve ferrea
captos voluntate
|
Matins respons 9
|
Silve dato spacio
facto monasterio
inibi degebat
multis accurrentibus
et secum manentibus
manum porrigebat
|
Matins verse 9
|
Carnem parcimonia
docens castigare
sine gastrimargia
domino vacare
|
Matins respons 10
|
Septene familie
sua de progenie
ad eum venere
quibus partem tribuit
nemoris et monuit
sibi commanere
|
Matins verse 10
|
In sancto proposito
cuncti quidem subito
multum profecere
|
Matins respons 11
|
Ob defectum aqueum
fodi iubet puteum
loco sicciori
quem precum instancia
dei replet gracia
aqua largiori
|
Matins verse 11
|
Sanctus laudum munia
mente leciori
de aque dat copia
deo largitori
|
Matins respons 12
|
In via mirabili
cursu istum stabili
dominus deduxit
constantem in latria
digne ad palacia
celi introduxit
|
Matins verse 12
|
Vincentem aromata
odore virtutis
locat ad agalmata
eterne salutis
|
| |
Lauds antiphon 4
|
Leonardum laudibus
omnes veneremur
laudes eius cantibus
digne modulemur
|
Lauds (gospel) special antiphon
|
Benedictus oriens
ex alto progrediens
leonardi iugibus
meritis et precibus
largire virtutem
et da cum celestibus
nobis te colentibus
pacem et salutem
|
| |
Prime antiphon
|
Non hic mercenarius
nec lupus crudelis
fuit sed vicarius
domini fidelis
|
Terce antiphon
|
Leonardus iugiter
lucrando salutem
de virtute fortiter
ibat ad virtutem
|
Sext antiphon
|
Leonardus triticum
erogat insignis
conservis dominicum
et verbis et signis
|
Nones antiphon
|
Leonardus civibus
sociatus celi
nobis prosit omnibus
precatu fideli
|
| |
2nd Vespers antiphon 1
|
Adiutor carceribus
adest innodatis
intercessionibus
leonardus gratis
|
2nd Vespers antiphon 2
|
Verbi sacri framea
revocatos iste
erroris ab alea
tibi refert christe
|
2nd Vespers antiphon 3
|
Vite reddit sobrie
sermone carnales
ad vias iusticie
trahens bestiales
|
2nd Vespers antiphon 4
|
Magnus est in gloria
felix leonardus
tota in ecclesia
redolens ut nardus
|
2nd Vespers (gospel) special antiphon
|
Ave iesu salus orbis
cunctis nostris adsis morbis
vivax per remedium
leonardi viva prece
nos ab omni mundans fece
peccatorum omnium
sic ut sit eterna quies
nobis in te solo qui es
solus cordis gaudium
|
full office name: