| |
| |
Vespers antiphon
|
Adest dies leticie
in quo soluta hodie
ab ergastulo carnis
anima confessoris
sancti vir leonardi
qui virtutem habet nardi
et ut sidus aureum
decoravit seculum
|
Vespers (gospel) special antiphon
|
Leonarde pater sancte
cum sis dignitatis tante
ante thronum iudicis
ut salvare possis omnem
te pie pater orantem
ora pro nobis miseris
|
| |
Matins I
|
Festo pacis et honoris
leonardi confessoris
laudesque deo dando
venite iubilando
|
Matins antiphon 1
|
Pro tuo sancto nomine
in lege tua domine
meditari voluit
quem frequenter coluit
|
Matins antiphon 2
|
Constitutus sum ab eo
christo salvatore meo
preceptum eius predicans
viam salutis nuncians
|
Matins antiphon 3
|
Tu deus mea gloria
laudabilis memoria
caput meum exaltasti
et honore coronasti
|
Matins respons 1
|
Pastor bone preco christi
tua prece meruisti
per dei mirabilia
reginam cum filia
a morte suscitare
captivos liberare
viciorum a catena
simul a demonis habena
nos libera piissime
precamur devotissime
|
Matins verse 1
|
Verbi dei predicator
leonarde pacis sator
captivorum liberator
|
Matins respons 2
|
Mandatum predo spernit trinum
vincto negans parcere
leonardus peregrinum
sanctus trahit de carcere
quosdam necat morte dura
turris ruens media
hospiti frangendo crura
horroris dedit tedia
|
Matins verse 2
|
Hic perseverat offendendo
vinctum cum tenaculis
hunc solvit sanctus ostendendo
signa cum miraculis
|
Matins respons 3
|
Cum sancti leonardi servus
pergeret negocians
predo rapit hunc protervus
summam auri postulans
torquetur gravi pena
sub maxima catena
|
Matins verse 3
|
Servus sanctum invocat
mox sanctus vincla dissipat
illesum templo collocat
|
Matins antiphon 4
|
Et scitote
quoniam devote
sanctum suum mirificat
dominus et glorificat
|
Matins antiphon 5
|
In te est glorificatus
leonardus vir beatus
nomen tuum qui dilexit
terrenam gloriam despexit
|
Matins antiphon 6
|
Nomen tuum laudabile
in sanctis admirabile
tua magnificencia
virtus omnipotencia
super celos elevata
sit per evum collaudata
|
Matins respons 4
|
Mundum vincendo
spernendo sum leo fortis
nardus inungendo
curando vulnera mortis
|
Matins verse 4
|
Sum leo vincendo
nardus meritis redolendo
|
Matins respons 5
|
O sacerdos in eternum
melchisedech per ritum
leonarde qui supernum
conscendisti situm
assistentes tue laudi
celi satrapa nos audi
|
Matins verse 5
|
Ut eruamur tua prece
precamur ab eterna nece
|
Matins respons 6
|
Benedic domine
in sancto tuo nomine
populum presentem
veniam petentem
per merita sanctissimi
leonardi
ut a malo liberentur
in adversis consolentur
voce cordis simul oris
te collaudent cunctis horis
hec humilis plebecula
per infinita secula
|
Matins verse 6
|
Conserva te timentes
laudes tibi canentes
a cunctis horroribus
pusillos cum maioribus
|
Matins antiphon 7
|
Sanctus fulgens miraculis
habitabit domine
in tuis tabernaculis
in sancto tuo nomine
|
Matins antiphon 8
|
In virtute tua christe
letabitur iustus iste
et super salutare tuum
confirmavit votum suum
|
Matins antiphon 9
|
Dei montem hic ascendit
loco sancti qui comprendit
stabat quia in hoc mundo
deo vixit corde mundo
|
Matins respons 7
|
O leonarde vas electum
lampas lucens seculo
iter ad superna rectum
trinitatis speculo
contemplando didicisti
sic pugnando meruisti
fore convivalis christi
|
Matins verse 7
|
In vita solitaria
corpus afflixisti
incommoda per varia
christo servivisti
|
Matins respons 8
|
Fit concursus hominum
miracula clarebant
grandia per dominum
prodigia lucebant
catenas loras vincula
multi appendebant
artum locum ampliare
monachi querebant
|
Matins verse 8
|
Tellus nive tegitur
sed pars nove structure
nive munda legitur
miraculorum iure
|
Matins respons 9
|
Petram moyses percussit
dedit aquas populo
deum rogans hic excussit
torrentem sicco puteo
|
Matins verse 9
|
Res admiranda claruit
fons qui prius aruit
aquis plenus apparuit
|
| |
Lauds antiphon 1
|
Hic sanctus post merorem
induit decorem
contra mundum luctavit
sic mundum superavit
|
Lauds antiphon 2
|
Iubilans in leticia
domino servivit
gaudia multiplicia
letus introivit
|
Lauds antiphon 3
|
Adhesit anima
mea post te
et tu domine
suscepisti me
|
Lauds antiphon 4
|
Dei nomen benedixit
hic sacerdos quando vixit
regnum meruit supernum
in quo gaudet in eternum
|
Lauds antiphon 5
|
Exultabit in gloria
gaudiis laudabilibus
in eterna memoria
letabitur in cubilibus
|
Lauds (gospel) special antiphon
|
Benedictus emmanuel
dominus deus israel
damnacionem abiecit
nam visitavit et fecit
salutem populi sui
prece sancti leonardi
|
| |
2nd Vespers (gospel) special antiphon
|
Exultet omnis spiritus
in leonardi laudibus
cuius beatum spiritum
ad supernum collegium
iam evexisti conditor
qui clemens nobis quesumus
sit adiutor propicius
|
| |
Matins antiphon .a1
|
Secus decursus aquarum
plantavit radices fidei
in quibus redolet ut nardus
confessor almus leonardus
|
Matins antiphon .a2
|
A timore inimici
sanctus pater est ereptus
dum in exitu felici
regnum celi est adeptus
|
Matins (gospel) special antiphon
|
O leonarde mirifice
qui soles cunctos solvere
a ferreis compedibus
nos solve tuis precibus
a peccatorum vinculis
et a cunctis periculis
|
Matins respons .a
|
O pater et pastor
o mitis et unice rector
o leonarde bone
specialis et alme patrone
audi placatus
nostros cum laude precatus
|
Matins verse .a
|
Ut pius hoc humile
semper tuearis ovile
|
| |
Q respons .a
|
Florem mundi periturum
despexit tam aridum
ut floreret in eternum
leonardus ante deum
|
Q verse .a
|
Pennas sumens ut columbe
recessit gaudens requie
|
Q respons .a1
|
Sanctus iste tuo christe
firmatus munimine
domum fines et affines
mentis contempsit culmine
|
Q verse .a1
|
Ut abraham egressus est
quo monstrasti ingressus est
|
Q respons .a2
|
Quanta fulget leonardus gloria
in hoc mundo celique curia
sanitatum probat frequencia
|
Q verse .a2
|
Lepram mundat fugat demonia
egris eius subvenit gracia
|
Q respons .a3
|
Leonardus vas solidum
vas auro adornatum
omni lapide precioso
vinum vite propinans populo
|
Q verse .a3
|
Stola se cinxit glorie
in virtutum perpetracione
|
| |
2nd Vespers (gospel) special antiphon .a
|
Te rogamus serve dei
leonarde sancte spei
caritatis et fidei
possessor et pincernula
solve vincla peccatorum
resera cippos delictorum
o solamen afflictorum
devote christi vernula
|
full office name: