| |
| |
Vespers antiphon
|
Beate confessor christi
leonarde ecce nomen
tuum fulget per secula
petimus ergo ut tuis
sacris precibus mereamur
adiuvari a domino
|
Vespers respons
|
Sanctus pater leonardus
iesu christi famulus
postquam fulsit in hac vita
signis et virtutibus
hodie in regno dei
iunctus est celestibus
|
Vespers verse
|
Placens deo factus dilectus
|
Vespers (gospel) special antiphon
|
Inclita festa celebrantes
beati leonardi
christum exoremus regem
ut conservet suum gregem
|
| |
Matins I
|
Venite laudemus regem
christum regum dominum
qui per sanctum leonardum
vincla solvit hominum
|
Matins antiphon 1
|
Sanctus puer leonardus
lux tocius gallie
ex nobilium preclara
natus est progenie
|
Matins antiphon 2
|
Baptizatus puer sanctus
beato remigio
adherere contendebat
iugi ministerio
|
Matins antiphon 3
|
Postquam factus adulescens
evasit infanciam
frequentare temporalem
noluit miliciam
|
Matins respons 1
|
Beatus vir leonardus
clara stirpe generatus
a puerili etate
excrevit in sanctitate
|
Matins verse 1
|
Susceptus de sacro fonte
a beato remigio
|
Matins respons 2
|
Videns sanctus leonardus
captivos in carcere
hos per regem chlodoveum
non tardat eruere
|
Matins verse 2
|
Intuens vinctos in urbe
pressos ferri pondere
|
Matins respons 3
|
Infirmi percipientes
sancti viri sanctitatem
ad hunc multi confluebant
resumentes sanitatem
|
Matins verse 3
|
In suis corporibus
habentes debilitatem
|
Matins antiphon 4
|
Ut crescebat in etate
sic in sapiencia
quoniam spiritus sancti
plenus erat gracia
|
Matins antiphon 5
|
Miseros a carcerali
liberat ergastulo
ad veniam flectens regem
potentem in seculo
|
Matins antiphon 6
|
Sanctitatis eius fama
crescente in gallia
multi ab illo sumebant
salutis remedia
|
Matins respons 4
|
Beatus leonardus relinquens
promissa regis francorum
accinxit ad miliciam
se regis angelorum
|
Matins verse 4
|
Exulans pro domino
a vicinitate
civium suorum
|
Matins respons 5
|
Venerunt ad virum dei
ipsius discipuli
quibus fontem dedit christus
prece sui famuli
|
Matins verse 5
|
Fluminis impetus
letificat civitatem dei
|
Matins respons 6
|
Liberati ex ergastulis
per beatum leonardum
multi de longinquis eum
regionibus vincla ferentes
requirebant locum
et confluebant ad eum
|
Matins verse 6
|
Gracias agentes
deo altissimo
magnificabant sanctum leonardum
|
Matins antiphon 7
|
Advenit aurelianum
verbum dei predicans
maximino servo dei
se vir sanctus indicans
|
Matins antiphon 8
|
Cum quo conversatus fuit
aliquanto tempore
anhelans ad regnum vite
sitibundo pectore
|
Matins antiphon 9
|
Revelante sibi deo
venit aquitaniam
cecos surdos mutos claudos
plures sanans per viam
|
Matins respons 7
|
Homo dei a celesti
transmissus oraculo
salvavit reginam dire
mortis a periculo
|
Matins verse 7
|
Quoniam deus erat cum ipso
|
Matins respons 8
|
Revertentem peregrinum
a sancti memoria
homines maligne mentis
torquent in alvernia
flagellatum carcerali
artantes custodia
quem eduxit vir beatus
in forti potencia
|
Matins verse 8
|
O mira erga miserum eius misericordie viscera
|
Matins respons 9
|
O pater insignis
rutilans per secula signis
te cui vota damus
leonarde beate rogamus
aufer ab his penas
in carcere solve catenas
|
Matins verse 9
|
Esto memor memorum
nexus dissolve reorum
sintque triumphantes
natale tuum venerantes
|
| |
Lauds antiphon 1
|
O sancti leonardi
predicandam clemenciam
qui apud urbem nannetem
hominem ad se clamantem
videntibus custodibus
pie solvit a carcere
|
Lauds antiphon 2
|
O quanto tripudio
vir ille laudandus est
qui ad fidelem suum
cum luce intravit
arcam in qua iacebat
super custodes revolvit
et quasi mortuos
in sepulchro reposuit
vinctum eduxit
|
Lauds antiphon 3
|
O virum mirabilem
cuius nutu peregrinus
absolvitur
castello corruente
scelesta plebs obruitur
tyrannus fractis
cruribus reservatur
|
Lauds antiphon 4
|
O virum per secula
gloriosum qui et ceco
paupercule filio
lumen reparavit
et de corpore
infelicis femine
septem demonia
effugavit
|
Lauds antiphon 5
|
O quam pius quam benignus
est beatus leonardus
qui et rhodanum
inundantem separavit
et ut siccis vestigiis
per medium graderetur
suo fideli imperavit
|
Lauds (gospel) special antiphon
|
O virtutum domine
per secula benedicimus te
qui famulo tuo leonardo
specialiter dedisti in carcere
catenas confringere
sedentes in tenebris
ad lumen educere
desolatos relevare
dignare
plebem tuam
eius intercessione
in pace visitare
|
| |
2nd Vespers (gospel) special antiphon
|
Ave pater deo digne
ave dulcis et benigne
ave hodie scandens polum
leonarde vincens solum
qui solvis in carcere
catenas captivorum
nostra fac quieta tempora
ab incursionibus inimicorum
ut te in ore te in corde
semper habeamus
et tecum ante thronum dei
sine fine gaudeamus
|
full office name: