full office name: LEONARDUS of Limoges (n1)
LE71 originally
edition: AH 17 #50
eccles:Carm?
calendar:November 06
structure summary: Vespers: ARE
Matins: secular
Lauds: A5E
2nd Vespers: E
poetic forms: Vespers: v{ig}.g
Matins: i.gff{io,lh,lo}ffi{vg,g,v}ogo{v,v,vo}
Lauds: vviiv.g
2nd Vespers: .v [”q]
type of saint: confessor hermit
geographical information:Limoges, France
notes:hermit
confessor
Persons: Leonardus Leonardum Leonardi Leonarde
Places: Carmelo Francorum

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Leonardus christi miles
sprevit semper actus viles
licet annos pueriles
mores tamen hic seniles
habuit per omnia
Vespers respons
Leonardus sequens dominum
aufugit visus hominum
leo petens desertum
nardus cibum et odorem
prebens ferbuit decorem
mentis in opertum
Vespers verse
Subleva sideribus
tecum sursum celo
tuis sanctis precibus
fratres de carmelo
Vespers (gospel) special antiphon
O pastor egregie
pater monachorum
speculum ecclesie
lux et via morum
nos ad statum glorie
perduc beatorum
ut fruamur requie
in regno celorum
 
Matins I
Adoremus regem regum
qui leonardum ducem gregum
sustulit ad grandia
paradisi gaudia
Matins antiphon 1
Beatis consiliis
usus est beatus
ac pro suis meritis
celo coronatus
Matins antiphon 2
Apprehendit disciplinam
cum dei amore
ne caderet in ruinam
orat cum timore
Matins antiphon 3
Exauditur sanctus dei
ad quem clamant multi rei
sanctus leonardus
Matins respons 1
Fulgore
splendens natalium
vita celeste
commutans atrium
transit sanctus
ad celi solium
leonardus
Matins verse 1
Gaudet chorus angelicus
cum tota celi curia
qua leonardus fruitur
celi perenni gloria
Matins respons 2
Regum spretis diviciis
ad eremum translatus
ut vacaret a viciis
est specu collocatus
de herbis agresticis
sumebat hic cibum
Matins verse 2
Et propter hausta laticis
serpentes ruinam
Matins respons 3
Domat corpus vigilis
sacris sacer orando
diversis intencionibus
dominum venerando
liberat ab excidiis
carceri mancipatos
Matins verse 3
Iuvans multis remediis
iniuste tribulatos
Matins antiphon 4
Invocavit dominum
hic precibus tantis
quod addicitur civibus
supernorum sanctis
Matins antiphon 5
Intellexit aure pia
christus deus vite via
sanctum leonardum
Matins antiphon 6
Coronavit hunc gloria
corona decoris
exultat celi curia
pro pileo honoris
leonardi
Matins respons 4
Congaudet cultor eremi
feris solaciatus
celi conclusus thalamo
leonardus beatus
Matins verse 4
Circumdant tugurium
hinc aves et fere
prebendo solacium
eremite vere
Matins respons 5
Inventus in nemore
per regis venatores
deprecatur prospere
succurrat ad dolores
francorum regine
Matins verse 5
Subvenit magnopere
regie consorti
ne tradutur propere
tenebrose sorti
Matins respons 6
Salve decus confessorum
flos et lux errancium
leonarde dogma morum
clipeus certancium
liberator captivorum
ad te conclamancium
Matins verse 6
Solve nexus delictorum
nobis obviancium
iunge choris angelorum
nos christum laudancium
Matins antiphon 7
Operatur iusticiam
respuendo maliciam
sanctus dei leonardus
Matins antiphon 8
Imponitur capiti
corona decoris
huius viri incliti
glorie honoris
Matins antiphon 9
Ascendit montem domini
quo datur salus homini
vere consonans nomini
leonardus
Matins respons 7
Offert letus peculium
rex sancto confessori
propter salutis premium
quod dederat uxori
Matins verse 7
Confert pauper pauperibus
peculium oblatum
Matins respons 8
Quesito prece predio
incepit cogitare
de futuro cenobio
quo posset collocare
eremitas qui valerent
deum secum orare
Matins verse 8
Ampliato tugurio
monachis ibi factis
ornat abbas cum sociis
regulis novo actis
Matins respons 9
Honor et decus pauperum
miserator reorum
pius purgator scelerum
redemptor captivorum
largus largitor munerum
et tutor orphanorum
duc nos ad lumen luminum
pater dux monachorum
ubi fruamur gloria
cum cetu beatorum
Matins verse 9
Claris fulgens natalium
leonarde honoribus
fac ut celorum gaudium
tuis captemus precibus
 
Lauds antiphon 1
Regnat quam tutus
glorie stola indutus
beatus leonardus
Lauds antiphon 2
Iubilet iam chorus
laudet nunc christum sonorus
sollemnis leonardi
Lauds antiphon 3
Ad te de luce
vigilavit christe te duce
leonardus
Lauds antiphon 4
Te benedixit
deum cui per omnia vixit
leonardus
Lauds antiphon 5
Te deum celi
laudavit corde fideli
beatus leonardus
Lauds (gospel) special antiphon
Visu noctis medio
vidit laureatum
leonardum laurea
glorie ornatum
iam celesti curie
conglorificatum
conspectantem ante se
populum prostratum
supplicabat quam pie
relaxa reatum
presenti familie
ad nostri precatum
ait rex clemencie
quod petis sit ratum
 
2nd Vespers (gospel) special antiphon
Glorioso consorcio
monachorum vallatus
construxit more celico
cenobium beatus
in quo pane angelico
frequenter saciatus
vixit modo mirifico
celo iam deputatus
quem petimus verifico
corde sit advocatus
leonardus