| |
| |
Vespers (gospel) special antiphon
|
O virgo leocadia
toleti laus et gloria
ad tui festi gaudia
currit tua familia
confidens quod celestia
habebit per te premia
|
| |
Compline antiphon
|
Invocantes nos exaudi
fac astantes tue laudi
dignos glorie corona
|
Compline (gospel) special antiphon
|
Per huius sancte merita
in tuo sancto nomine
dimitte cuncta debita
nunc servis tuis domine
|
| |
Matins I
|
Laudemus christum dominum
qui sanctam leocadiam
inter choreas virginum
tulit ad celi gloriam
|
Matins antiphon 1
|
Sanctam leocadiam
coronasti domine
honorem et gloriam
habet pro certamine
|
Matins antiphon 2
|
In timore domini
permansit immota
eius sancto nomini
reddens sua vota
|
Matins antiphon 3
|
Quesivit hec faciem
dei diligenter
figens mentis aciem
in eum potenter
cur celestem requiem
intravit gaudenter
|
Matins respons 1
|
Dirus preses dacianus
ad toletum veniens
ibique reperiens
sanctam leocadiam
quam ut furens et insanus
ad suam presenciam
adduci precepit
|
Matins verse 1
|
Eamque aspiciens
et verbis alliciens
suadere cepit
|
Matins respons 2
|
Cum nobilis toletana
sis ut bene sencio
cur te levis atque vana
fallit circumvencio
ut a deorum insana
fugias servicio
|
Matins verse 2
|
Cui christo servituram
et tamquam suam facturam
te proferas nescio
|
Matins respons 3
|
Ad hec virgo sancta dixit
me tua suasio
verborum illusio
generis blandicio
et vana promissio
a christi servicio
non possunt retrahere
|
Matins verse 3
|
Christum enim bene novi
cui me totam devovi
a quo tua verba vere
non possunt retrahere
|
Matins antiphon 4
|
Verbum bonum eructavit
sancta dei famula
opera sua narravit
christo regi sedula
|
Matins antiphon 5
|
Dum eternum premium
hec in mente gerit
domini refugium
virtutemque querit
|
Matins antiphon 6
|
Magnus et laudabilis
deus noster nimis
sic est favorabilis
ultimis ut primis
|
Matins respons 4
|
Tunc iratus preses dirus
inflammati cordis virus
effudit crudeliter
et mandavit ut in imis
carceris profundi nimis
truderetur fortiter
|
Matins verse 4
|
Cogitans quibus tormentis
eam in conspectu gentis
affligeret acriter
|
Matins respons 5
|
Ad elboram properavit
et vincencium mandavit
capi ac ipsum portavit
ligatum ad abulam
ubi christi regulam
sue sorores servabant
quia christum adorabant
|
Matins verse 5
|
Has enim duas sorores
propter suos sanctos mores
preses dat supplicio
cum fratre vincencio
|
Matins respons 6
|
Veniens emeritam
plures trucidavit
inter quos eulaliam
deo consecravit
que fama toletum
postquam pervolavit
|
Matins verse 6
|
Sancta leocadia
dominum oravit
atque suum spiritum
deo commendavit
|
Matins antiphon 7
|
Terram tuam domine
tu benedixisti
et in tuo nomine
captos redemisti
|
Matins antiphon 8
|
Bonum fecit fundamentum
in celesti patria
super aurum et argentum
ponens edificia
|
Matins antiphon 9
|
Novum cantavit canticum
deo qui fecit omnia
cor gerens aromaticum
beata leocadia
|
Matins respons 7
|
Post multum vero temporis
ildefonsus sanctissimus
pervenit devotissimus
ad festum sancte virginis
et orans ante tumulum
quo fuerat corpusculum
|
Matins verse 7
|
Vidit tunc elevatum
monumenti operculum
|
Matins respons 8
|
In reserato tumulo
virgo manum erexit
et sancto dei famulo
velum suum porrexit
qui cum regis canipulo
partem veli prescidit
congaudens de miraculo
quod stupefactus vidit
|
Matins verse 8
|
Et vocem hanc audivit
per vitam ildefonsi
domina mea vivit
|
Matins respons 9
|
Nostra civis toletana
que contempsisti mundana
procul pelle cuncta vana
nunc a nostris cordibus
et ad deum funde preces
ne per huius mundi feces
involvamur sordibus
|
Matins verse 9
|
Sancta martyr sine cede
digna celesti mercede
tu pro nobis intercede
|
| |
Lauds antiphon 1
|
Regnat nunc in gloria
induta decore
sancta leocadia
in sedis honore
|
Lauds antiphon 2
|
Ab annis infancie
domino servivit
in eterna requie
ideo nunc vivit
|
Lauds antiphon 3
|
Ad te de luce vigilans
deus hec beata
siciens et estuans
ivit mente grata
|
Lauds antiphon 4
|
Ista totis viribus
querens sponsum virginum
in suis operibus
benedixit dominum
|
Lauds antiphon 5
|
In tanto sollemnio
quilibet fidelis
laudet cum tripudio
dominum de celis
|
Lauds (gospel) special antiphon
|
Sit benedictus dominus
qui sanctam leocadiam
de daciani manibus
protexit dans victoriam
et cum sanctis virginibus
duxit ad celi gloriam
|
| |
2nd Vespers (gospel) special antiphon
|
Alma virgo et decora
pro nobis deum implora
et nos tuos nunc honora
impetrans ut sine mora
nos deus in mortis hora
solvat et ad alciora
regna sua pertrahat
|
full office name: