| |
| |
Vespers antiphon 1
|
Ad hanc urbem sipontinam
properet apulia
convocetur beneventum
et victa campania
ad colenda patris nostri
festiva sollemnia
|
Vespers antiphon 2
|
Felicissimus felici
successit laurencius
aule regis triumphalis
constantini maximus
quo patrono gratuletur
sipontinus populus
|
Vespers antiphon 3
|
Viduata suo sponso
sipontina civitas
a zenone confirmari
cleri petit unitas
et concessa illi fuit
patris nostri sanctitas
|
Vespers antiphon 4
|
O laurenti membrum christi
pontifex mirabilis
terris templum recepisti
conditum ab angelis
et nunc celestis cum illis
omnibus amabilis
|
Vespers antiphon 5
|
Gratuletur et letetur
sipontina concio
laudes deo referendo
et sancto laurencio
qui hanc regit et gubernat
suo patrocinio
|
Vespers (gospel) special antiphon
|
Martyr volens adorari
et siponti venerari
stephanus immobilis
portu stetit voto querit
domum sui nominis
qua promissa est concessa
cunctis via facilis
et reliquias portantes
intrant urbem visitantes
domum summe virginis
|
| |
Matins I
|
Adoremus regem magnum
confessorum omnium
qui pastorem nobis dedit
beatum laurencium
|
Matins antiphon 1
|
Urbs beata constantini
genuit laurencium
educavit et instruxit
adiuvans imperium
quem donavit sipontinis
ad salutem omnium
|
Matins antiphon 2
|
Urbs antiqua sipontina
gaudeas in domino
qui te tanti confessoris
munit patrocinio
terra regit et gubernat
ac maris navigio
|
Matins antiphon 3
|
Consecravit hunc beatum
pontifex gelasius
eius magne sanctitatis
et virtutis conscius
rogans verbis et exemplo
ut putetur socius
|
Matins respons 1
|
Urbs letare sipontina
gaudeat byzancium
nam quo patre nos letamur
dedit illa filium
ad honorem tui cleri
et salutem civium
|
Matins verse 1
|
Laudes deo referas
sipontina civitas
qui patronum tibi dedit
beatum laurencium
|
Matins respons 2
|
Ut est facta sipontinis
digna postulacio
et zenonis celebrata
extitit concessio
ad nos pater adventavit
celeri navigio
|
Matins verse 2
|
Hic martyris stephani
communitus bracchio
et mamille agathe
celesti subsidio
|
Matins respons 3
|
Postquam sanctus portum cepit
cum sanctis reliquiis
donec votum presul dedit
mox stetit immobilis
quod celeriter formarat
templum protomartyris
|
Matins verse 3
|
Hinc intravit civitatem
tendens ad ecclesiam
matris nostri salvatoris
dignam petens veniam
|
Matins antiphon 4
|
Hunc suscepit consecratum
sipontinus populus
laudes deo referendo
quasi gemens servulus
et pastori obviando
velut patri filius
|
Matins antiphon 5
|
Vere felix hic monstratur
celi fultus gracia
nam instinctu michaelis
datur ei filia
que romane sanctitati
possit esse socia
|
Matins antiphon 6
|
Plebs pagana hec impugnans
et samnitum menia
michaelis fulminatu
sternitur per devia
et prostrata trucidatur
divina potencia
|
Matins respons 4
|
Tandem romam consecrandus
vir beatus adiit
et gelasio sacratus
felix presul rediit
sed a deo informatus
sanctitate prefuit
|
Matins verse 4
|
Hic inunctus et instructus
romano pontifice
digna lege in hac sede
multis annis prefuit
|
Matins respons 5
|
Hunc beavit et artavit
michael archangelus
dans favorem ut sub eo
sit montanus populus
qui pro loci sanctitate
dicitur angelicus
|
Matins verse 5
|
Hic hortatu michaelis
cepit ius regiminis
civitatis atque cleri
et celestis lapidis
|
Matins respons 6
|
Turba neapolitana
bello citans samnium
et siponti ut pagana
querens exterminium
fulgur sensit malesana
et humanum gladium
|
Matins verse 6
|
Nam beatus presul noster
hoc vidit per somnium
quod virtute michaelis
iret in exicium
|
Matins antiphon 7
|
Hunc dum totila impugnat
trucem equum dirigens
quasi agnum mitigavit
super illum residens
et ad regem properavit
multa signa faciens
|
Matins antiphon 8
|
Civitate liberata
condidit ecclesiam
in qua totam designavit
siponti parochiam
qua pictura prophetavit
teneri memoriam
|
Matins antiphon 9
|
O laurenti membrum christi
et comes mirabilis
postquam carnem exivisti
iam regnas cum angelis
sed ut felix extitisti
es et venerabilis
|
Matins respons 7
|
Hec dum totile flagellum
obsideret menia
ferum equum sancto misit
multa plenum mania
quem sedavit equitando
sanctitate nimia
|
Matins verse 7
|
Quem ut vidit rex crudelis
remissa sevicia
condonando civitati
remisit ad propria
|
Matins respons 8
|
Hic habendo prophecie
sanctitatem duplicem
aulam fecit precursoris
depingendo silicem
quam parochie predixit
recuperande vicem
|
Matins verse 8
|
Hic habendo sanctitatis
et virtutis calicem
ad pingendum sue manus
adaptavit pollicem
|
Matins respons 9
|
Laudes deo hoc in festo
demus annis singulis
quia stetit ut in terris
patronus mirabilis
sic in celo stat cum deo
et regnat cum angelis
|
Matins verse 9
|
Gaudeamus et ad preces
nunc sit quisque humilis
nam ut fuit hic benignus
cunctis venerabilis
|
| |
Lauds antiphon 1
|
Presens festum venerantes
laudes demus domino
qui sipontum exaltavit
tanto beneficio
et hanc aulam assignavit
beato laurencio
|
Lauds antiphon 2
|
Gaude puer gaude senex
gaudeat et iuvenis
sipontine civitatis
decus portans luminis
et hoc festo cantet clerus
dulce melos carminis
|
Lauds antiphon 3
|
O laurenti pater pie
audi preces populi
te clamantis et precantis
tui devoti filii
ut sint tibi commendati
velut veri servuli
|
Lauds antiphon 4
|
Gaudeamus et letemur
clerici et milites
et nobiscum gratulentur
nobiles et humiles
et hac die nupte cantent
et exultent virgines
|
Lauds antiphon 5
|
Hic elie deum rogans
sensum cepit duplicem
nam futura presignavit
et sanavit debilem
ac superbum conculcavit
et erexit humilem
|
Lauds (gospel) special antiphon
|
Res miranda et colenda
siponti per secula
quo laurenti tibi dedit
angelus oracula
beneventum simul sensit
tua beneficia
et domita sub te fuit
totile superbia
|
| |
2nd Vespers (gospel) special antiphon
|
Lumbos cinxit et precinxit
beatus laurencius
ac lucerna fulgens fuit
et servorum servulus
in hac sede digna sedit
sanctitatis cumulus
|
| |
Matins respons .a
|
Celi aulam dum mandaret
pontifex gelasius
consecrari convenerunt
primitus laurencius
hinc sabinus canusinus
salpensis palladius
et ioannes rubesanus
tranensis euticius
et cum illis venusinus
adfuit austerius
hoc vetavit deo missus
michael archangelus
dicens domum istam feci
et sacravi celitus
?Rubesanus ?venusinus ?austerius [alt: ?]
|
Matins verse .a
|
Quibus visu dum astaret
summi regis nuncius
ut cessarent ab incepto
monuit archangelus
|
full office name: