full office name: LAURENCIUS (n1)
edition: AH 26 #82
eccles:mon
calendar:August 10
structure summary: Vespers: ARE
Matins: monastic
Lauds: A4E!
2nd Vespers: E
poetic forms: Vespers: i{le}.I
Matins: v.e6{v,x,ex,Ig}e5h{v,v,gx,gs}.T{gf,gf,iT,IT}
Lauds: iili.I
2nd Vespers: .i [”q]
type of saint: martyr
notes:martyr
Persons: Laurenti Laurencium Decius Sixtus Laurencius Sixtum Sixti Hippolytum Hippolyte Hippolytus Hippolyto Laurencio

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Sancte laurenti
intercede pro nobis
ut consortes glorie sanctorum
tecum effici
mereamur alleluia
Vespers respons
Laurea laurenti
preclari digna triumphi
nomine quo resonas
iam te super astra perornat
salve care dei
nos et conquire saluti
Vespers verse
Victrici tota
celi plaudente chorea
cum palma divum
letus adis solium
Vespers (gospel) special antiphon
Ad te christe fili dei
ad te clamant omnes rei
ut in hoc vite stadio
fessos idem paracletus
refoveat divinitus
qui ditavit martyrio
laurencium levitam
mentem iacentem visitet
et suscitet sopitam
o quam felix martyrium
quod summum parit gaudium
 
Matins I
Ad letandum nos invitat
christus qui perenni ditat
gaudio laurencium
Matins antiphon 1
Imperium mundi
decius tunc temporis arcens
christi discipulis
damna minatus erat
Matins antiphon 2
Sixtus papa suos
vocat hortaturque vocatos
nec prece nec sponsa
morte negare fidem
Matins antiphon 3
Ecclesie census
servans laurencius huius
nutu captivis
pauperibusque dedit
Matins antiphon 4
Humanum siciens
regis censura cruorem
christicolas statuit
perdere lege data
Matins antiphon 5
Rex romam veniens
sixtum causavit adesse
schismaticum dignum
morte reumque rei
Matins antiphon 6
Accitum fassumque fidem
nec munere nec vi
flecti posse videns
ense perire iubet
Matins respons 1
Ad honorem summi regis
discipline sacre legis
traditus laurencius
sixti pape documentis
institutus fide mentis
claruit uberius
per hunc fidem fecundavit
per hunc fovet domum david
celestis largicio
Matins verse 1
Sic vir in hoc sale vite
sanctitatis inaudite
fulsit privilegio
Matins respons 2
Dum papa trahitur
data sentencia
levita sequitur
non tam presencia
quam mentis acie
an sic degenerem
probasti filium
ut te relinquerem
dum queris gaudium
perennis glorie
Matins verse 2
Si me sorte pari
negas immolari
ledor iniurie
Matins respons 3
Discipuli neglectus
magistri dignitatem
mutat et minuit
presidentis provectus
subiecti parvitatem
nequaquam respuit
sed probris exuit
et docet probitatem
Matins verse 3
Pater dum filium
ducit ad premium
conservat unitatem
Matins respons 4
Fili ne torquere
patris absencia
fit enim spe vere
salutis hostia
affectum senio
martyrio dicatum
post triduum sequeris
quem queris
ablatum
Matins verse 4
Mortis vivit senior
vita iam sopita
fructus manet gracior
iuvenis pro vita
Matins antiphon 7
Ad nutum regis
laurencius adfuit ultro
fassurus christum
salvificamque fidem
Matins antiphon 8
Visum rex oculis
torvis metitur et iram
vultu confessus
vociferatur ita
Matins antiphon 9
Dic ubi sunt gaze
quas novimus esse penes te
sin tibi debetur
mortis amara lues
Matins antiphon 10
Servandus triduo
rapitur sub iure tribuni
factum de medio
carcer opacus habet
Matins antiphon 11
Carceris in claustro
reserantur claustra salutis
dat lumen ceco
christicolamque facit
Matins antiphon 12
Rex vocat hippolytum
sub quo tunc vinctus agebat
clam sibi donari
suadet et orat opes
Matins respons 5
Quid me moves hippolyte
si lucrari vis tibi te
ne cum mundo pereas
census vite regnum dei
repromitto si te rei
consensurum voveas
Matins verse 5
Fiat ergo inquit prius
crede quo te favor dius
baptizatum visitet
Matins respons 6
Christi martyr signo crucis
cecis prestat usus lucis
ope data celitus
signa videns sitit fidem
mox in christo sapit idem
mox credit hippolytus
Matins verse 6
Mox cum domo sua tota
baptizatus fide nota
christo plenus enitet
Matins respons 7
Regressurus iterum
regis ad censuram
turbas ducit pauperum
quorum egit curam
regi mox innotuit
foris stare virum
quem rex esse censuit
hebetem delirum
Matins verse 7
Et christum publice
fateri preduce
gaudens hippolyto
Matins respons 8
Inducuntur pauperes
infra regis edem
tunc martyr ad proceres
et ad regis sedem
versus en pecunia
inquit quam rogatis
his pro christi gracia
totam dedi gratis
Matins verse 8
Dispersos humanitus
resignari celitus
thesauros non dubito
Matins (gospel) special antiphon
Decantande
dulci melodia
deo nostro
affectus nuncia
per te dei
reddantur gracie
quos affligit
vallis miserie
christi martyr
ora pro populo
qui captivus
est in hoc seculo
Matins respons 9
Tolle clamat decius
fatur hic impura
pereat laurencius
iuxta legum iura
temere desipere
nedum deos spernere
parit nocitura
Matins verse 9
Mundetur preses civitas
viri blasphemi semitas
dele morte dura
Matins respons 10
Presidis instancie
martyr deputatur
genus mortis impie
preses machinatur
cogitat et mussitat
mentem furor incitat
nondum pena satur
Matins verse 10
Cratis inquit in trutina
candente ferri machina
vivus paciatur
Matins respons 11
Applicato craticule
laurencio
prunas ministrant vernule
quas fusio
sanguinis exasperat
et incitat vaporem
frixa caro generat
videndi fastidium
et dencium stridorem
Matins verse 11
Ridens martyr
inter carnis frusta
preses inquit
versa hinc et gusta
Matins respons 12
Preses furit martyr orat
in agone
quem celesti deus rorat
unccione
plures deos respuit
in populi stuporem
deum unum astruit
patrem natum incliti
paracleti datorem
Matins verse 12
Tandem victor
vivit in domino
facto vite
presentis termino
 
Lauds antiphon 1
O quam preclara
debetur laurea palme
martyrii cuius
porcio christus erit
o quam felix martyrium
quod summum parit gaudium
Lauds antiphon 2
Hos stola ter dena
quosdam duplicata decore
martyr centena
te cumulata manet
sic laurenti martyr christi
laureari meruisti
Lauds antiphon 3
Misit dominus angelum
suum et liberavit
me de medio ignis
et non sum estuatus
quia accusatus
non negavi nomen sanctum
suum interrogatus
christum confessus sum
Lauds antiphon 4
Te laudet deus omnis homo
tibi cuncta creata
martyris in meritis
dent vita vota tuis
tibi laus tibi gloria
qui solus potes omnia
Lauds (gospel) special antiphon
O iesu christi bonitas
o gracia
dirige nostras semitas
ad premia
que servas martyribus
ob meritum virtutis
da tuis supplicibus
ductorem laurencium
ad gaudium salutis
o quam felix martyrium
quod summum parit gaudium
 
2nd Vespers (gospel) special antiphon
Exultemus hodie
simul et cantemus
martyris victorie
pia vota demus
qui sub tam brevi termino
feliciter consummatus
vivet semper laureatus
et gaudebit in domino
nullam timens iacturam
pro nobis deo supplica
sancte martyr et vendica
leticiam futuram
o quam felix martyrium
quod summum parit gaudium