| |
| |
Vespers antiphon
|
O lamberte pater
nos nostraque protege semper
nos ex more boni
refove curando patroni
|
Vespers respons
|
Concentu magno
superum generosa propago
personet altisonis
tellus cum laudibus omnis
exultet nostri
festum recolendo patroni
|
Vespers verse
|
Cuius continua
prece pertingamus ad astra
|
Vespers (gospel) special antiphon
|
O martyr gaude
celebri per secula laude
angelicus cetus
fruitur quo compare letus
nosque polo tecum
facias gaudere per evum
|
| |
Matins I
|
Omni lambertum
plenum pietate refertum
vivere cum verbo
gaudere venite superno
|
Matins antiphon 1
|
Inclita lamberti
virtutum laude referti
festa patris magni
presentat circulus anni
|
Matins antiphon 2
|
Hic meritis clarus
cunctisque per omnia gnarus
fulsit ut aurora
childrici regis in aula
|
Matins antiphon 3
|
Ecclesiam largus
tunc rexit theodardus
presul traiecto
qui vixit tramite recto
|
Matins antiphon 4
|
Sub cuius cura
vicit puerilia iura
sanctus lambertus
divino federe rectus
|
Matins antiphon 5
|
Post bonus et clarus
fit doctor ad omnia gnarus
verbis et factis
sacris viciisque subactis
|
Matins antiphon 6
|
Presule defuncto
superis et in ethera iuncto
hic sublimatur
nutuque dei dominatur
|
Matins respons 1
|
Presul honorandus
et martyr glorificandus
vico lambertus
traiectensi fuit ortus
|
Matins verse 1
|
Miti mente dei
studuit se subdere legi
|
Matins respons 2
|
Carnalem citharam
suspenderat in crucis aram
vita sibi christus
fuit et mundus crucifixus
|
Matins verse 2
|
Maxima lucra mori
censens reputabat honori
|
Matins respons 3
|
Sanctus collatum
sibi rexit pontificatum
factus in exemplar
summi pastoris ad instar
|
Matins verse 3
|
Iustos firmavit
peccatores recreavit
|
Matins respons 4
|
Signifer insignis
te sacri pneumatis ignis
sic inflammarat
quod frigus non cruciarat
|
Matins verse 4
|
Cuncta gubernantis
fuit hec vis magna tonantis
|
Matins antiphon 7
|
Ut sol in centro
relucet splendore corusco
hic tam preclare
fulsit vivendo beate
|
Matins antiphon 8
|
Primatum nactus
fuit omnibus omnia factus
prudens discretus
affabilis atque quietus
|
Matins antiphon 9
|
Mitis mansuetus
fuit et pro tempore letus
in discernendo
ne quid nimis hoc retinendo
|
Matins antiphon 10
|
Corpore sincerus
et blando corde serenus
quod virtutis erat
hilari vultu peragebat
|
Matins antiphon 11
|
Ecclesie natos
per doctrinam renovatos
fovit defendit
duros acriter reprehendit
|
Matins antiphon 12
|
Sicut apostolicus
vir christi verus amicus
quidquid amoris erat
divini perficiebat
|
Matins respons 5
|
Gentiles verbo
domuit pater iste superno
convertit mentes
miseras simulacra colentes
|
Matins verse 5
|
Nam bonitate sua
mollivit pectora dura
|
Matins respons 6
|
Celestis patrie
cives adamans sacer iste
in tuto positos
semper sperabat ad illos
|
Matins verse 6
|
Contemplative
gaudens dulcedine vite
|
Matins respons 7
|
Fasciculus murre
virtutum plenus odore
huic dilectus erat
sibi dum carnem subigebat
|
Matins verse 7
|
Fama dulcis erat
quasi nobile tus redolebat
|
Matins respons 8
|
Cocco bis tincto
christi charismate uncto
o pater ornaris
bis tinctus amore vocaris
|
Matins verse 8
|
Te nos oramus
fac quod domino placeamus
|
Matins (gospel) special antiphon
|
Hunc quem subvexit
sanctum sapiencia rexit
in septis celle
post sceptrum pontificale
|
Matins respons 9
|
Ex hinc transactis
bis binis et tribus annis
rursus episcopio
relocatur de stabulao
|
Matins verse 9
|
Plebs dictante deo
gaudet pastore recepto
|
Matins respons 10
|
Principe cunctorum
nunc instigante malorum
sevit turba virum
nequam vexando benignum
|
Matins verse 10
|
Invidia plena
sceleris nullius egena
|
Matins respons 11
|
Sensit post laudes
nocturnas adfore fraudes
hostiles precibus
pater instans glorificandus
|
Matins verse 11
|
Nec mora de tecto
transfixus obit pie telo
|
Matins respons 12
|
Victima sancta dei
conscendens sidera celi
o lamberte pater
rege nos et protege semper
|
Matins verse 12
|
Concilians christo
domino nos nunc et in evum
|
| |
Lauds antiphon 1
|
Hoc deus in sancto
regnavit robore magno
optime precincto
messie sanguine tincto
|
Lauds antiphon 2
|
Hunc collaudemus
dominoque deo iubilemus
nostro factori
mens concors consonet ori
|
Lauds antiphon 3
|
Te siciens christe
suspirabat sacer iste
ad te clamavit
dum prudenter vigilavit
|
Lauds antiphon 4
|
Martyrio dignum
crucis admirabile signum
hunc demonstravit
benedicite iam superavit
|
Lauds antiphon 5
|
Omnia cernentem
laudemus cunctipotentem
quo sacer in regno
gaudes lamberte superno
|
Lauds (gospel) special antiphon
|
Rex regum christus
per secula sit benedictus
qui dedit eterni
dulcissima gaudia regni
lamberto sancto
meritis et nomine magno
|
| |
Prime antiphon
|
Christe patris verbum
lumen de lumine verum
tu corpus sancti
lamberti glorificasti
|
Terce antiphon
|
O quam miranda
christi pietas et amanda
que fecit sancto
lamberto iam morituro
|
| |
2nd Vespers antiphon 1
|
De torrente bibit
presencia cuncta despexit
hic sacer ad celum
migrans quo regnat in evum
|
2nd Vespers antiphon 2
|
Iam sublimatus
benedicitur iste beatus
gloria divicie
vere sibi sunt sine fine
|
2nd Vespers antiphon 3
|
Mire ditatus
cum principibusque locatus
gaudet apostolicis
totus congaudeat orbis
|
2nd Vespers antiphon 4
|
Credidit et docuit
que voverat in nece solvit
que preciosa sibi
fuerat pro nomine christi
|
2nd Vespers (gospel) special antiphon
|
Iesu christe pie
pater omnipotens miserator
optime suscipe laudes has
dignanter ut eius
cuius festa recensemus
meritis tueamur
|
full office name: