full office name: KUNEGUNDIS (n1)
edition: AH 26 #77
eccles:OSB
calendar:March 03
structure summary: Vespers: ARE
Matins: secular
Lauds: A5E
2nd Vespers: RE
poetic forms: Vespers: o{v}.i
Matins: o.sts{vt,i,ie}voi{io,i,iv}iiv{i,lv,i}
Lauds: i5.I
2nd Vespers: {io}.i [”q]
type of saint: empress widow
geographical information:Ba, Germany
notes:widow
empress or queen
Persons: Kunegundi Kunegundis Kunegunde Kunegundem Henricum
Places: Ethiopie

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Laudabile nomen domini
qui kunegundi virgini
post terrenum imperium
celi concessit solium
Vespers respons
O regina predicanda
kunegundis veneranda
regi terre copulata
regi celi dedicata
virginali gloria
Vespers verse
Fruens mundi deliciis
sine mundi viciis
mira sanctimonia
Vespers (gospel) special antiphon
Magnificet te domine
in kunegunde virgine
omnis plebs fidelium
per cuius sanctitatem
recipit sanitatem
multitudo languencium
 
Matins I
Adoremus dominum
regem sanctarum virginum
qui kunegundem civibus
coniunxit celestibus
Matins antiphon 1
Beata kunegundis
parentela nobilis
sed nobilior more
nobilissima gloria et honore
Matins antiphon 2
Lege domini immaculata
conversa est eius anima
testimonium dei fidele
sapienciam prestans parvule
Matins antiphon 3
Innocens manibus
aptatis lampadibus
introivit hodie
portas regis glorie
Matins respons 1
Virgo mire castitatis
dum regalis dignitatis
presideret solio
continuit in domino
casto matrimonio
Matins verse 1
Quam pro coniuge rex habebat
tamquam sororem diligebat
Matins respons 2
Liberorum successionem
per carnalem commixtionem
expectare noluit
deum heredem voluit
cui sua tribuit
Matins verse 2
Omnem ornatum seculi despexit
propter honorem domini
quem dilexit
Matins respons 3
Notata est igitur
notamine peccati
que numquam contraria
fuit castitati
nec defuit
illi hostis tentacio
in qua nulla criminis
inventa est probacio
Matins verse 3
Diffusa est gracia in labiis eius
propterea benedixit eam deus
Matins antiphon 4
Regina quondam terrestris
nunc assistit dei dextris
in veste deaurata
ornatu variata
Matins antiphon 5
In tribulacionibus
adiuvabat eam deus
Matins antiphon 6
Fundamenta
fidei in montibus
sanctis posuit
supraque domus posita
a ventis et fluminibus
moveri non potuit
Matins respons 4
Pro fama ergo conversacionis
et gracia expurgacionis
elegit iudicium
vomerum candencium
Matins verse 4
Propter fidem castitatis
et spem divine pietatis
Matins respons 5
Cumque deo dilecta
quamvis hominibus suspecta
ad illud duceretur
iudicium
ingemuit et ait
ad dominum
Matins verse 5
Iudica iudicium
meum domine
te testum invoco hodie
Matins respons 6
Dixit autem virgo pura
iam vomeres calcatura
quod neque henricum
nec quemquam alterum virum
carnali cognovi crimine
sic adiuva me domine
Matins verse 6
Hoc dicto nudo vestigio
super vomeres incessit
et sine adustionis
molestia discessit
Matins antiphon 7
Beata kunegundis
cum operibus mundis
et castitatis gloria
domini intravit atria
Matins antiphon 8
Letata est in domino
virgo glorie
et confessa sanctificacionis
eius memorie
Matins antiphon 9
Salutare suum dominus
illi notificavit
et in conspectu gencium
in ea revelavit
Matins respons 7
Regine torum
immaculatum
auctor diabolus
inquinatum
maculare cogitavit
quam deus mundam
comprobavit
Matins verse 7
Hec est regina
ethiopie
que venit audire
verba sapiencie
Matins respons 8
In casta christus virgine
sibi desponsata
servavit sine crimine
federa firmata
dum per ignem transiit
expers lesionis
inde virtus prodiit
divine iussionis
Matins verse 8
Ignis eam non tetigit
nec quidquam contristavit
neque malum intulit
quam fides roboravit
Matins respons 9
Thesaurum in agro
hec virgo invenit
dum deum patrem in carne
filii reperit
quem inventum in corde
suo abscondit
et cunctis facultatibus
pretulit
Matins verse 9
Omnia sua vendens
agrum emit
que christum pre omnibus
dilexit
 
Lauds antiphon 1
Vinculum caste dileccionis
dominus servavit
dum kunegundis virginis
innocenciam comprobavit
Lauds antiphon 2
Integritati
eius testimonium
perhibuit
et humilitati
custodiam
semper adhibuit
Lauds antiphon 3
Itaque gloria eius
magis ac magis
proficiebat
quia deum
toto mentis
affectu diligebat
Lauds antiphon 4
Tandem rex sub vite fine
vocatis amicis regine
hanc per manum
commendavit illis
talibus verbis
memoria dignis
Lauds antiphon 5
Hanc ecce inquit
mihi a vobis
immo per christum
consignatam
ipsi christo
et vobis resigno
virginem immaculatam
Lauds (gospel) special antiphon
In sanctitate
et iusticia
contemnentes
mundi vicia
serviamus
tibi domine
cum beata
kunegunde virgine
 
2nd Vespers respons
Deus pater misericordie
fons tocius gracie
per merita
kunegundis virginis
nos solve
a nexu criminis
2nd Vespers verse
Ut ab eternos ignibus
liberemur et demonibus
2nd Vespers (gospel) special antiphon
O beata kunegundis
viciorum in profundis
nos summersos erige
pro nobis preces porrige
ut tuo auxilio
de mundi exilio
translati liberemur
et cum christo gloriemur