| |
| |
Vespers antiphon 1
|
Laudent deum parvuli
puer quod conceptus
kentigernus graciam
summam est adeptus
|
Vespers antiphon 2
|
Omnes gentes dominum
lingue plebs laudate
dum nutrit puerulum
servanus beate
|
Vespers antiphon 3
|
Lauda dulcis anima
lauda kentigerne
deum qui te patrie
prefecit eterne
|
Vespers antiphon 4
|
Laus et decus domino
psalmus vox sonora
kentigerne petimus
pro nobis exora
|
Vespers antiphon 5
|
Urbs lauda ierusalem
deum sion gaude
kentigernum exaltet
christus summa laude
|
Vespers respons
|
O sacer antistes
regis clarissima proles
per quem laudonia
nitet et iam cumbria tota
|
Vespers verse
|
Magnaque pars scocie
fidei convertitur alme
|
Vespers (gospel) special antiphon
|
O kentigerne
gemma nobilis
pastor prepollens
preco salutis
o dispensator
christi fidelis
tuis succurre
queso servulis
lumen ut tecum
cernant in superis
|
| |
Matins I
|
Machina trina deum
verum veneretur et unum
qui kentigernum
sibi sumpsit ad ethera sanctum
|
Matins antiphon 1
|
Felix vir qui fidei
factis gloriatur
et in lege domini
crebro meditatur
|
Matins antiphon 2
|
In timore didicit
deo deservire
et mandatis studuit
eius obedire
|
Matins antiphon 3
|
Montem dei celitus
scandit kentigernus
ambit ornat suscipit
cetus hunc supernus
|
Matins respons 1
|
Dat vite volucrem
gelidas conflavit in ignem
frondes quem comitum
extinxerat ira nocentum
|
Matins verse 1
|
Culros stirps regia
dedit hec primordia prima
|
Matins respons 2
|
Suscitat inde coquum
puer almus morte sepultum
hinc fugit admonitus
sequitur servanus alumnum
|
Matins verse 2
|
Sed pede quo iuvenis
ferit equor diffluit amnis
|
Matins respons 3
|
Iussit arare lupum
placuit cui iungere cervum
fert ager cererem
presul cum spargit harenam
|
Matins verse 3
|
Et dumus insolitas
brume dat tempore bacas
|
Matins antiphon 4
|
Splendor vultus glorie
lumenque probatum
est presul sanctissime
super te signatum
|
Matins antiphon 5
|
Scuto fortitudinis
christi stat protectus
kentigernus humilis
pontifex electus
|
Matins antiphon 6
|
O quam admirabile
et quam gloriosum
est in terris hodie
nomen preciosum
|
Matins respons 4
|
Dum negat annonam
populo trux regulus aptam
ad loca pontificis
subito ruit area messis
|
Matins verse 4
|
Cluda fluctus christum
novit non invidus ipsum
|
Matins respons 5
|
Dum famulum domini
pede percutit ira tyranni
membra rapit misera
dolor ingens dira podagra
|
Matins verse 5
|
Posteritas recolit
quod adhuc pes improbus egit
|
Matins respons 6
|
Fit subito cecus
rex melchon vir truculentus
cui prece pontificis
reparantur et organa lucis
|
Matins verse 6
|
Wallia quo viso
credit cum principe christo
|
Matins antiphon 7
|
Nunc in tabernaculo
christi requiescit
pastor pius providus
maculam qui nescit
|
Matins antiphon 8
|
Stat corona aurea
lapidis venusti
in signum victorie
super caput iusti
|
Matins antiphon 9
|
Paret terra domino
cunctis imperanti
kentigerno cathedram
prebens predicanti
|
Matins respons 7
|
Cum confessa suum
plangit regina reatum
pisciculum prendi
vult presul et anulus auri
|
Matins verse 7
|
Redditur obstupuit
rex sic infamia fugit
|
Matins respons 8
|
Dum veniunt una
kentigernusque columba
aurea lux capiti
visa est descendere sancti
|
Matins verse 8
|
Angelus huic rutilam
defert cum luce coronam
|
Matins respons 9
|
Cum octogenos
centum quoque quinque vir annos
compleret sanctus
est glasgu funere functus
|
Matins verse 9
|
Nunc super astra satus
residet regnaque beatus
|
| |
Lauds antiphon 1
|
Visitat alma pii
vice septena loca petri
presul campana
cui servit in ethere sacra
|
Lauds antiphon 2
|
Pallia pontificis
numquam nivibus rigat aut nix
nec vis ulla viro
tempestatis nocet almo
|
Lauds antiphon 3
|
Sponte fere celeres
varieque celi volucres
kentigerne tuum
se subdunt presul in usum
|
Lauds antiphon 4
|
Res miranda gregem
vervex comitatur ovantem
truncato capite
latet hic sub imagine petre
|
Lauds antiphon 5
|
Excidium (-)/ sacre iubet esse capelle
sed prohibet mutus
divinitus ore locutus
nunc tibi laus pocior
manet et reverencia maior
|
Lauds (gospel) special antiphon
|
Felix confessor
flos tui germinis
lampas laudonie
lucerna luminis
almifice
pollens prodigiis
sis gratus subditis
et pius miseris
kentigerne
doctor mirabilis
|
| |
2nd Vespers respons
|
Vertitur in lapides
compressi copia lactis
forma dum prisca
lactis manet atque figura
|
2nd Vespers verse
|
Fons tenet eternum
liquidus per secula nomen
|
2nd Vespers (gospel) special antiphon
|
Iubar celeste
lux clari sideris
gaudet en glasgu
per te dux humilis
bonis immensis
o rosa celebris
nobis fer opem
trusis in tenebris
assisteque servis
|
full office name: