| |
| |
Vespers antiphon 1
|
Ave martyr precipue
ave rex insignissime
kanute cum principibus
triumphans iam celestibus
ecce tuum per seculum
refulget clare meritum
exora pro fidelium
salute rex altissimum
|
Vespers antiphon 2
|
Sol oriens nec deficiens
de virgine stella
luciflua pietate sua
te sancte coronat
rex celebris nos de tenebris
absolve reatus
luce fluis lux esto tuis
kanute rogatus
|
Vespers antiphon 3
|
Laude pie sancta
iam decantande kanute
lampas celestis
christi fortissime testis
iam domino gratus
nostros absolve reatus
ut tibi cum iustis
iungi mereamur in astris
|
Vespers antiphon 4
|
O bone rex regum
nos protege ab hoste maligno
kanuti meritis
ut te sine fine videntes
cum rectis animo
letemur in ethere summo
|
Vespers antiphon 5
|
O martyr rex dacie
kanute victor inclite
posce tuis fidelibus
eterne palmam glorie
et duc de mortis tenebris
ad graciam filios eve
|
Vespers respons
|
Miles christi gloriose
kanute sanctissime
tuo pio interventu
culpas nostras ablue
|
Vespers verse
|
Ut perennis regni sedem
valeamus scandere
|
Vespers (gospel) special antiphon
|
Magnificet plebis
devocio sancta fidelis
regum primatem
cum summis ima regentem
cuius kanutum
decoravit gracia sanctum
nomine martyrii
sicut prius imperiali
inclite devotos
tibi martyr protege cunctos
|
| |
Matins I
|
Christo venite dulcibus
coniubilare vocibus
cuius kanuto gracia
regna dedit celestia
|
Matins antiphon 1
|
Stirpe regali editus
kanutus puer inclitus
preceptis sese domini
corde subdebat humili
|
Matins antiphon 2
|
Crescit morum prudencia
cum iuventutis gracia
unde dei suffragio
processit rex imperio
|
Matins antiphon 3
|
Circumdant plebis milia
athletam dei forcia
ipse devotis precibus
deum orat attencius
|
Matins respons 1
|
Princeps pius et insignis
kanutus egregius
regni sublimatus deo
disponente fascibus
in divinis vitam prudens
ornabat operibus
|
Matins verse 1
|
Sustentabat inopes
et refovebat pauperes
ut pararet inter summos
sibi sedem proceres
|
Matins respons 2
|
Frequentabat reverenter
rex potens ecclesiam
et devoto sacra iussa
recondebat pectori
preciosis ditans donis
domum sanctam domini
|
Matins verse 2
|
Ut memoria eius permaneret in seculum seculi
|
Matins respons 3
|
Turbinis ut ventus
furit impia plebs aquilonis
viribus intendens
totis australibus oris
rex ibi promissis
seducitur insidiosis
|
Matins verse 3
|
Ut iudas proprium
tradebat pace magistrum
sic a conviva
traditur ipse suo
|
Matins antiphon 4
|
Intendunt arcus impii
secus edem altissimi
et regem sanctum iaculis
perfodiunt mortiferis
|
Matins antiphon 5
|
Perfossus telo lancee
ut christus dextro latere
occumbit fuso sanguine
secus aram mirifice
|
Matins antiphon 6
|
Hinc in virtute domini
letatur nunc altissimi
coronam ferens capite
de precioso lapide
|
Matins respons 4
|
Cum divinis rex devotus
intendisset laudibus
et se sacris oraturus
intulisset edibus
ecce ruit innocentem
siciens plebs sanguinem
|
Matins verse 4
|
Inter quos alter iudas
discurrit sublimis
velut princeps criminis
|
Matins respons 5
|
Ignibus et ferro
fera plebs armata cruento
circumdat sacras
edes subvertere tentans
sed nequeunt ignes
sacros exurere postes
|
Matins verse 5
|
Et petris mixte
volitant per aperta sagitte
|
Matins respons 6
|
Inter saxa statim dira
et tela stridencia
in figura pacientis
iesu christi domini
porrigebat sicienti
sancto regi poculum
|
Matins verse 6
|
Cumque pius gustaturus
excepisset manibus
mox excussus decidebat
lancearum ictibus
|
Matins antiphon 7
|
Protexit malignancium
a conventu deus pium
quia linguas ut gladium
exacuerunt in deum
|
Matins antiphon 8
|
Te deus omnis gloria
per secla decet omnia
quem sanctus in ethereis
kanutus laudat atriis
|
Matins antiphon 9
|
Tibi namque rex psallere
bonum extat altissime
qui iustum iam victorie
beasti palma splendide
|
Matins respons 7
|
Offert sacratis
aurum miles probus aris
et vitam regis
manibus dat cunctipotentis
|
Matins verse 7
|
Corruit ante sacras
effuso sanguine valvas
|
Matins respons 8
|
Ima petens postis
quem templo dissecat hostis
cum cruce sacratam
sternit solo tenus arcam
martyris albani
gestantem pignora sancti
|
Matins verse 8
|
Tunc rex est sanctus
letali vulnere tactus
|
Matins respons 9
|
Gloriosus dei martyr
et rex invictissimus
iam cruentis circumquaque
saucius vulneribus
tandem ut christus lancea
perforatur latere
secus aram precioso
laureatus sanguine
|
Matins verse 9
|
Sancta domus occisorum
cruore perfunditur
dum cum suis princeps pius
ac martyr perimitur
|
| |
Lauds antiphon 1
|
Ad declarandum inclitum
preclari regis meritum
miranda sunt post obitum
ad eius gesta tumulum
|
Lauds antiphon 2
|
Herebat manus arida
ad pectus viro dextera
sed gaudet de remedio
hic sumpto salutifero
|
Lauds antiphon 3
|
Hic mutum fari visio
divo iubet imperio
ut rex sanctus censeretur
martyr dei vocabulo
|
Lauds antiphon 4
|
Receptis ceci visibus
claudi solutis gressibus
benedicunt magnifica
dei gaudenter opera
|
Lauds antiphon 5
|
Hinc sospes redit languidus
surdus exaudit auribus
leprosus ab ulceribus
mundatus vacat laudibus
|
Lauds (gospel) special antiphon
|
Auctores necis impie
vexat furor terrifice
nam quidam linguis morsibus
iam detruncatis propriis
quidam dilapsi gurgite
periere pro scelere
hinc israel altissimus
sit benedictus dominus
|
| |
2nd Vespers (gospel) special antiphon
|
Ossibus egregiis
duplex superadditus ignis
mox erat extinctus
dum sacros attigit artus
laudibus hinc omnis
pulset plebs astra fidelis
magnificando deum
martyris ob meritum
|
| |
Matins respons .a1
|
Quo fieret meritis vir magnificencior almis
insipiens regem plebs persequitur sapientem
et feritate sua post illum dirigit arma
|
Matins verse .a1
|
Legibus indomitos
quia comprimit atque superbos
|
Matins antiphon .a1
|
Exaudit sui celitus
clamorem servi dominus
et dat illi scienciam
ad servandam iusticiam
|
Matins antiphon .a2
|
Accrescit furor impii
in dei servum populi
cruorem corde siciunt
et linguis dolum concinunt
|
Matins antiphon .a3
|
Nomen dei mirabile
laudet sanctus assidue
eius corde interrito
persistens in sacrario
|
Matins respons .a2
|
Cum furit exterius
stans execrabile vulgus
interius precibus
dux vacat eximius
mysteriis sacris
munitur spiritus eius
|
Matins verse .a2
|
Ut stephanus sanctus
saxorum sustinet ictus
|
Matins respons .a3
|
Qui pro nobis moriturus
ne suspendi pertulit
ipse robur inter penas
iam kanuto contulit
quem insignem post triumphum
ad superna transtulit
|
Matins verse .a3
|
Et coronam dignitatis
super caput eius posuit
|
full office name: